ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Thursday, 31 July 2008
ދެން ކުރެވޭ އަނެއްކައިވެންޏަކީ ވަރަށް ކުރިންރައްޓެހިވެގެން އުޅުނުދެކުދިންކަމުގައިވާ ކިރަންމާގެ ފަޒިލާ ޙަސަން އާއި ލަވްސައިޑް ނިޝާން އާއި އެވެ. ފަޒީލާވެސް ރުއްސަން ހެކިވެރިއެއްގެ ގޮތުންގައި ދިޔައި އިބްރާހީމް ދާއޫދެވެ. ދެވަނަ ހެކިވެރިއަކަށް ދިޔަކަމަށް ވަނީ ކެރެޓް މުޙައްމަދު އިބްރާޙިމް އެވެ. މިކައިވެނި ކުރަންހަމަޖެހިފައވަނީ 8/8/2008ގައެވެ.
ކައިވެނި ވެވޭ ހަތަރު ކުދިންނަށްވެސް ލަންދޫއިންފޯގެ ފަރާތުން އުފާވެރި ޒަވާޖީ ޙަޔާތަކަށް އެދެމެވެ. އަދި ސުލްޙަވެރި އަމާން ބާއްޖަވެރި ދިރިއުޅުމަކަށް ވާޞިލް ވާން މަސައްކަތް ކުރުމަށް ނަސޭހަތްތެރިވަމެވެ.
ލަންދޫކުރީގެ ކަތީބު އަލްފާޟިލް ޙަސަން ނަޞީރު އިބްރާހީމް އާއި އަނެއްކާވެސް ލަންދޫ އޮފީސް ހިންގުން 30 ޖުލައި 2008
ލަންދޫއިންފޯގެފަރާތުން މިމައުލޫމާތު އިތުރަށް ސާފުކުރުމުގެ ގޮތުން މާފަރު ސްކޫލްގެ ސްޕަވައިޒަރ އަލްފާޞިލް ޙަސަން އިބްރާހީމް އާއި ގުޅާލުމުން އެބޭފުޅާވެސް މިއީ ތެދުޚަބަރެއްކަމަށް ލަންދޫއިންފޯއަށް ކަށަވަރު ކޮށްދެއްވިއެވެ.
އެހެންކަމުން ލަންދޫ އިންފޯގެފަރާތުން އިސްވެ ލަންދޫ އޮފީސް ހިންގުމަޢި އަލަށްޙަވާލުވެލައްވާ އަލްފާޟިލް ޙަސަންނަޞީރަށް މަރުޙަބާކިޔަމެވެ. އަދި ލަންދޫ އިންފޯއިން އެދެނީ ވޭތުވެދިޔަތަނުން ލިބިލެއްވި ޢިބްރަތަށް ވިސްނަވައިގެން ލަންދޫގެ ކުރިމަގު ލަންދޫރައްޔިތުން އެދޭގޮތަށް ބައްޓަންކުރެއްވުމަށް މަސައްކަތް ކުރައްވާނެކަމަށެވެ.
ސސސސސސސސސސސކެފޭހުޅޫވަންހަމަޖެހިފައިވާ ޢިމާރާތްއަނެއްކާވެސް ކެފޭއެއްހުޅުވަނީ
އަނެއްކާވެސް ލަންދޫގައި ކެފޭއެއް ހުޅުވަންއުޅޭކަމުގެ މަޢުލޫމާތު ވަރަށް މުޢުތަބަރު ފަރާތަކުން ލަންދޫ އިންފޯ އަށް ލިބިއްޖެއެވެ. މިޚަބަރު ލިބުމާއިއެކު ލަންދޫއިންފޯގެ ރިޕޯޓަރުން މިކަމާގުޅޭ އިތުރުމަޢުލޫމާތު ލިބޭތޯ މިކެފޭހެދުމުގައި އިސްކޮށް އުޅުއްވާ އެއްބޭފުޅެއްކަމުގައިވާ ކަމުގައިވާ ލަންދޫ ގްލްބަކާގެ އިބްރާހީމްދާއޫދާއި ސުވާލުކޮށްލީމެވެ.
އެބޭފުޅާ މަޢުލޫމާތު ދެއްވިގޮތުގައި މިއީ މިރަށު ޗާންދަނީގޭ އިބްރާހީމް އަބޫބަކުރު އަމިއްލަ ޚަރަދުގައި އޭނައިގެ %100 ހިއްސާ ގައި ހުޅުވަންއުޅޭ ކެފޭއެކެވެ. ނަމަވެސް މިކަމުގައި ( ކެފޭހިންގުމުގެ )ހުރިހާއެހީތެރިކަމެއް ދޭނީ އިބްރާހިމް ދާއޫދު ކަމުގައި މަޢުލޫމާތު ދެއްވިއެވެ.
މިއީ އަދި މިހާތަނަށް ލަންދޫގައި ހުޅުވޭ މިފަދަ ފުރަތަމަ ކެފޭ ނުވަތަ ސައިހޮޓާ ކަމަށް ވާއިރު މިތަނުންދެވޭނެ ޚިދުމަތާދޭތެރޭ އާއި އަދި މިކަން ބިލާހަކަށްނުވެ ހަޤީޤަތަކަށް ވެދާނެކަމާމެދު ވަރަށްގިނަބައެއްގެ ހިތުގައި ސުވާލުއުފެދޭނެއެވެ. އެއީ މީގެ ދުވަސްކޮޅެއްކުރިންވެސް މިފަދަ ކެފޭއެއް (ކެޔޮޅުކެފޭ) މިރަށުގައި ހުޅުވަންއުޅޭކަމުގެ އަޑުވަރަށްބާރަށް ފެތުރިގެން ދިޔައެވެ. ނަމަވެސް އެކަންތައްމިވީ ހަމަ ބިލާހަކަށެވެ. މިހާރު އެކެފޭގައި ދިރިއުޅެނީ 4 ކުދިންގެ މަންމައަކާއި އޭނައިގެ 2 ކުދިންނެވެ.
މިފަހަރަކު ހަމަގައިމުވެސް އެހެންނަކުން ނުވާނެއެވެ. މިހާރު އެހުރީޢިމާރާތުގެ %70 ނިމިފާކަމަށް، ތަނުގެ ވެރިފަރާތާ ޙަވާލާދީ ނަންހާމަކުރަންބޭނުންނުވާ ފަރާތަކުން ލަންދޫއިންފޯއަށް މަޢުލޫމާތު ދެއްވިއެވެ. އަދި އަންނަމަސް ހުސްވުމުގެ ކުރިން ޚިދުމަތްދޭން ފަށާނެކަމަށް ވެސް އެފަރާތުން މަޢުލޫމާތުދެއްވައެވެ. ވެއިޓަރުންނާއި ސޭޓުން ވެސް ހަމަޖެހިފައިވާ ކަމަށް އެނގިފައިވެއެވެ. އެއްވެސް ޙާލެއްގައި މިކެފޭގައި ބިދޭސީއަކު ލައްވާ މަސައްކަތް ނުކުރުވާނެކަމަށްވެސް މަޢުލޫމާތުލިބިފާވެއެވެ.
ކޮންމެއަކަސް ޒަމާން ބަދަލުވެއްޖެއެވެ. މިކަހަލަކުދި ރައްރަށުގައިވެސް މިފަދަތަންތަން ނުހުޅުވެންވީ ސަބަބެއްނެތެވެ. ކައިރީގައި ޖެހިގެން އޮތްދެރަށުގައިވެސް މިފަދަކެފޭތައް ހުޅުވައިގެން ހިދުމަތް ދެމުންގެންދެއެވެ. އަދި ހަމަ ޚިދުމަތާއި އެއްވަރުގެ ފައިދާވެސް އެފަރާތްތަކަށް އެކަށީގެންވާ ފައިދާވެސް ލިބޭކަމަށް ވެއެވެ. މިހާރުލަންދޫގެ އާބާދީވެސް 900 އަށް ވުރެމައްޗަށް ދިޔައީއެވެ. ނަމަވެސް މިފަދަ ޚިދުމަތެއް އަދި މިހާތަނަށް އެއްވެސް ފަރާތަކުން ދޭންމިވަނީ ނުފަށައެވެ.
ކޮންމެ މަސައްކަތަކުންވެސް ފައިދާވާނެއެވެ. އެކިމަސައްކަތުން އެކިވަރަށެވެ. ރިސްކެއް ނަގައިގެންނޫނީ މިފަދަބޮޑު ކަމެއްޙާޞިލެއްނުވާނެއެވެ. ލަންދޫ އިންފޯއިން އެދެނީ ލަންދޫގައި މިހުޅުވޭ ކެފޭއަކީ ޚިދުމަތުގެ ފެންވަރުރަގަޅު ކަސްޓަމަރުންގެ އަތްފޯރާފަށުގައި އަގުތައް ހިފެހެއްޓިފައިވާ ރަނގަޅުހިތްފަސޭހަތަނަކަށް މިތަންވެގެންދިއުމެވެ.
Wednesday, 30 July 2008
ޚަޤީގަތުގައި އަޅުގަނޑުގެ ތަޢުލީމީ ހަޔާތުގެ ބިންގާ އެޅިގެން ގޮސްފައިވަނީ ނ.އަތޮޅު މަދަރުސާގައެވެ. މިފުރުޞަތުގައި ނ.އަތޮޅު މަދަރުސާގައި އަޅުގަނޑަށް ކިޔަވައިދެއްވި އަޅުގަނޑުގެ ލޮބުވެތި އުސްތާޛުންނަށް ނުހަނު އިޙްލާސްތެރިކަމާއި އެކު ޝުކުރާއި މުބާރިކްބާދީ ދަންނަވަމެވެ. އަދި ޙާއްސަކޮށް އަޅުގަނޑަށް މިފުރުޞަތު ހޯދަވައިދެއްވި އަޅުގަނޑުގެ ބޭބެ އަލްއަޙް އަބްދުﷲ ޢާމިރު (ލަންދޫ އާމިރުބެ) ގެ ނަން ޙާއްޞަގޮތެއްގައި ފާހަގަކޮށްލަމެވެ.
އަޅުގަނޑު ނ.އަތޮޅު މަދަރުސާގައި ކިޔަވަން އުޅުނީ ގާތްގަނޑަކަށް މީގެ 12 ނުވަތަ 13 ވަރަކަށް އަހަރުކުރިން ކަމުގައިވާއިރު އޭރާއި މިހާރާއި ރާއްޖޭގެ ތަޢުލީމީ ހާލަތު އުޑާއި، ބިމާހާއި ތަފާތޭވެސް ދެންނެވިދާނެއެވެ.
އަޅުގަނޑުމެން ނ. އަތޮޅު މަދަރުސާގައި ކިޔެވި ދުވަސްވަރު ނ.އަތޮޅުގެ ފުޓްބޯޅައިގެ ރަސްގެފާނަކީ ނ.އަތޮޅު މަދަރުސާއެވެ. އެޑިޔުކޭޝަނުންދޭ ޓެސްޓެއް ދީފިނަމަ އެންމެރަނގަޅު ނަތީޖާއެއް ހާސިލްކުރާ ސްކޫލަކީ ނ.އަތޮޅު މަދަރުސާއެވެ. އަދި ދަންނަވަންތޯ! "ނާޒިރު ތުއްތު" އޭ ބުނެފިނަމަ ޖެހިލުންނުވާ އެއްވެސް ދަރިވަރެއް އޭރު ސްކޫލަކު ނޫޅޭނެއެވެ. ސަބަބަކީ އޭރުގެ ކުދިންގެ ކިބައިގައިހުރި އަޙްލާޤާއި ސްލޫކީ މިންގަނޑުގެ ހަރުދަނާކަމެވެ. ފުރިހަމަކަމެވެ. އޭރުގެ ދަރިވަރުންނަށް އެދަރިވަރުންގެ އިސްވެރިންނަށް ކިޔަމަންވުމަށާއި އިޙްތިރާމް އަދާ ކުރުމަށް ދަސްކޮށްދެވިފައިވާލެއް ފުރިހަމަކަމެވެ. މަތިވެރިކަމެވެ.
ފުރަތަމަ ސްކައުޓް ޖަމްބަރީގައި ނ.އަތޮޅު މަދަރުސާއިން ބައިވެރިވި " ވޮގް " ސްކައުޓް ގްރޫޕް
އަޅުގަނޑު ޤަބޫލުކުރާގޮތުގައި މިއަތޮޅުގައި އޮތް އެންމެ ރަނގަޅު ތަޢުލީމީ މުޢައްސަސާއަކަށް ވާންޖެހޭނީ މިއަތޮޅުގެ ވެރިކަންކުރާ ރަށްކަމުގައިވާ މަނަދޫގައި ހުރި ނ.އަތޮޅު މަދަރުސާއެވެ. ސަބަބަކީ ސަރުކާރުގެ ގިނަ މުއައްސަސާތަކެއް އެފަސްގަނޑެއްގައި ހުރުމާއި ސަރުކާރުގެ އެހީތައް އެންމެ ބޮޑަށް ލިބެމުންދާ ރަށަކަށް މަނަދޫ ވެފައިވުމެވެ. ނަމަވެސް ވަރަށް ހިތާމައާއި އެކު އަޅުގަނޑަށް ދަންނަވަން ޖެހެނީ އަޅުގަނޑު އެސްކޫލުން ޒަމާނީ ތަޢުލީމީ ހަޔާތް ފެއްޓި ނ.އަތޮޅު މަދަރުސާއަށް މިއަދުމިވަނީ ވަރަށްބޮޑު ގޮންޖެހުން ތަކަކާއި ކުރިމަިލާން ޖެހިފައެފެ .
މިގޮތުން ނ.އަތޮޅު މަދަރުސާ ހުރިގޮތައް ހުއްޓައި މިތަނަށްވުރެން މިއަތޮޅުގެ އެހެން ރަށްތަކުގެ ސްކޫލްތައް ތަޢުލީމީގޮތުން ކުރިއަރައިގެން ދާދިއުން މިއީ ހަމަގައިމުވެސް ވިސްނާލަން ވެއްޖެކަމެކެވެ.
ކޮންމެ ތަނެއްވެސް ކާމިޔާބުކަމާއި އެކު ކުރިއަރާދާނީ އެތަނެއްގައި އުޅޭ އެންމެންގެ އެއްބާރުލުމާއި، އެހީތެރިކަން ލިބިގެންނެވެ. އަޅުގަނޑު ނ.އަތޮޅު މަދަރުސާގައި ކިޔެވި ދުވަސްވަރާއި މިހާރާއި އަޅުގަނޑަށް ވަރަށް ބޮޑަށް ފާހަގަކޮށްލެވޭ ކަމެއްގެ ވާހަކަ މިފުރުޞަތުގައި ފާހަގަކޮށްލެވޭތޯ ބަލާނަމެވެ.
އަޅުގަނޑުމެން ކިޔެވި ދުވަސްވަރު ދުފުން، ދުންފަތުގެ އިސްތިއުމާލުކުރުން، ރޭގަނޑު 9:00ގެ ފަހުން ބޭރުގައި އުޅުން، ސްކޫލުގައި ކިޔެވުން އޮންނަ ދުވަސްދުވަހު މޫދަށް އެރުން މިއީ އެއްވެސް ގޮތަކަށް ފެންނަ މަންޒަރުތަކެއް ނޫނެވެ. ނަމަވެސް މިއަދު އެންމެ ދުވަހަކަށް މަނަދުއަށް ދެވުނުކަމުގައި ވިޔަސް އަޅުގަނޑަށް ފެނިގެންދަނީ ހިތާމައިން ފުރިގެންދާ މަންޒަރުތަކެވެ. ސައިހޮޓާ، ކެފޭ، ރެސްޓޯރެންޓް ފަދަ ތަންތަނުގައި ސްކޫލުގެ ދަރިވަރުންކަން ޔަގީންވާ ކުޑަކުދިން ރޯމާ މެންދުރު ފާޅުގައި ދުފާ، ދުންފަތުގެ އިސްތިއުމާލުކުރަމުންދާ މަންޒަރެވެ. ހިތާމައަކީ މިކުދިން މިފަދަ އަމަލްތައް ޢާއްމުންގެ ކުރިމަތީގައި ފާޅުގައި ކުރަމުންދާއިރުވެސް މިކަން ހުއްޓުވުމަށް އެއްވެސް ފަރާތަކުން މަސައްކަތް ނުކުރާކަމެވެ.
މިއަދު ތަޢުލީމީ ދާއިރާގައި މަސައްކަތް ކުރަމުންދާ މީހެއްގެ ހައިސިއްޔަތުން އަޅުގަނޑު، ދަންނަވަން އޮތްހާވެސް އެއްޗަކީ ކުދިންނަށް ފުރިހަމަ ތަޢުލީމަކާއި، ތަރުބިއްޔަތެއް ދިނުމީ ހަމައެކަނި ސްކޫލަކުން ކުރެވޭނެ ކަމެއް ނޫނެވެ. ދަރިވަރުންތަކަކަށް ހަރުދަނާ ތަރުބިއްޔަތަކާއި ފުރިހަމަ ތަޢުލީމެއް ދެވޭނީ އެމުޖުތަމަޢުއެއްގައި ދިރިއުޅޭ އެންމެންގެ ފުރިހަމަ އެއްބާރުލުމާއި ސަޕޯރޓް ލިބިގެންކަމުގައެވެ.އަޅުގަނޑުގެ ތަޢުލީމީ ހަޔާތް ފެއްޓި ނ.އަތޮޅު މަދަރުސާއަށް 30 އަހަރު ފުރުން ފާހަގަކުރަން ތައްޔާރުވަމުން ދާއިރު އަޙްލާޤީގޮތުންނާއި، ތަޢުލީމީ ގޮތުން ހަރުދަނާ، ރަނގަޅު ސްކޫލަކަށް މިސްކޫލް ހެދުމަށްޓަކައި މިރަށުގައި ހުރި ސަރުކާރުގެ ހުރިހާ މުއައްސަސާތަކެއްގެ ބޭފުޅުންނާއި ރަށުގެ ކަމުވޮށިގެންވާ އެންމެހާ ފަރާތްތަކާއި ސްކޫލުގެ އެންމެހާ ސްޓާފުން އެއްމޭޒެއްގެ ދޮށަށް އައިސް މިކަމާއިމެދު ވިސްނައި ހަރުދަނާ ފިޔަވަޅުތަކެއް އެޅުމަށް މިފުރުޞަތުގައި އެފަރާތްތަކަށް އަޅުގަނޑު ގޮވާލަމެވެ. ހަމަ މިއާއި އެކު ސްކޫލުގެ ބެލެނިވެރިންނަކީ ހަޤީގީ މާނައިގައި އަމަލީ ގޮތުން ކުދިންގެ އަޙްލާޤާއި ސްކޫލް ރަނގަޅުކޮށް ކުދިންގެ ތަޢުލީމީ ފެންވަރު މަތިކުރުމަށް މަސައްކަތް ކުރާ ބަޔަކަށްވުމަށް އަޅުގަނޑު އިލްތިމާސް ކުރަމެވެ.
ލަންދޫރައްޔިތުންގެ ، ޚާއްޞަކޮށް އޮޑިވެރިންގެ އެންމެ ބޮޑުއުންމީދަކީ ރަގަޅުފެންވަރެއްގެ ބަނދަރެއް ރަށުގައި އޮތުމެވެ. ފުއްޓަރުބޭރުގައި ރާޅުތަކުތެރޭގައި، ގަދަވިއްސާރައިގައި ކަނުއަނދިރީގައި އެއްވެސް އޮޑިވެރިއަކު ރޭގަނޑުގެ ނިދިންމަހުރޫމްވެގެން އިންނާކަށް ބޭނުމެއްނުވާނެއެވެ. ބައިބޯ ބޮޑެތި ރަށްރަށުގެ އެހެނިހެން ރައްޔިތުން ވެސް އުޅޭ ހިތްފަސޭހަ ދިރިއުޅުން ލަންދޫރައްޔިތުންވެސް ބޭނުންވާނެކަން ޔަޤީނެވެ.
ކޮންމެއަކަސް މާޒީގައި މިފަދަ އެއްވެސް ހިޔަންޏެއްވެސް ހުވަފެނެއްގައި ވެސް ފެނިފާނުވާ ލަންދޫގެ ރައްޔިތުންގެ އުންމީދުތައް ފުރިހަމަވެދާން ދާދިކުޑަދުވަސްކޮޅަކަށްވެފައިވަނިކޮށް ދިމާވި އެތައްބައިވަރު ބޮޑެތި މައްސަލަތަކެއްގެ ސަބަބުން ފަޅުކޮނުމުގެ މަސައްކަތް ފަށާފައިމެ ކިރިޔާ ކަނޑިންމަ މަތި ފުންކޮށްލުމަށްފަހު، ކުޑަތަންކޮޅެއްކޮނެލެވުނުތަނާ މަސައްކަތް މިވަނީ ހުއްޓާލަންޖެހިފައެވެ. އަދި ހަމައެއާއި އެކު ފަޅުކޮނުމުގެ މަސައްކަތުގައި އެންމެ އިސްކޮސްއުޅުނު ބަގްލާދޭޝްގެ ރައްޔިތަކު ( ހައިމާކުގެޑުރައިވަރު ) ވެސް ވަނީ ނިޔާވެފައެވެ.
ފަޅުކޮނުމުގެ މަސައްކަތް ހުއްޓިފައިވާ ތާ ގާތްގަނޑަކަށް 4 މަސްދުވަސް ވީފަހުން މި ޖުލައިމަހު 27 ވަނަދުވަހު އަނެއްކާވެސް ރަސްމީކޮށް މަސައްކަތްފަށާ ފަޅުކޮންނަށް ފަށައިފިއެވެ. 19 މާރޗް 2008 ގައި ފެށި މިމަސައްކަތް 180 ދުވަހުތެރޭގައި މުޅިންނިންމަން ޖެހޭނެކަމަށް މަސައްކަތުގެ ކޮންޓްރެކްޓަރާއި ޙަވާލާދީ ލަންދޫއިންފޯ އަށް މަޢުލޫމާތު ލިބިފައިވެއެވެ.
Tuesday, 29 July 2008
"ސްޕަރސާހް"ލަންދޫގެ ވިޔަފާރީގެ އިންޤިލާބެއް....!
މިހާތަނަށް އެނގިފައިވާ ގޮތުން ލަންދޫގެތާރީޚްގައި ފުރަތަމަ ފިހާރައެއްގެ ގޮތުގައި ޢިމާރާތެއް ކޮށްގެން އިންޕޯޓްމުދާ ވިއްކީ 1970 ގެ އަހަރުތަކުގައި މިހާރު އެލްމަންޑްވިލާ ހުރިގޯތިތެރޭގައި ރައްޔިތުންގެ ކާޑުގެ ނަމުގައި ޢިމާރާތެއް ހަދައިގެންނެވެ. އޭގެ އަހަރުތަކެއްފަހުން ދެން 1975 ހާތާންގައި ލަންދޫރަބީޢުގެ އަލްމަރުޙޫމް ދޮންތުއްތު މިރަށު ޚަބަރުމާގެ ( މިހާރު ލަންދޫރައްޔިތުންގެ އިންޖީނުގެ ) ހުރިގޯތީގައި އެގެއާއި އެއް އިންވެގެން ފިހާރައެއް ހިންގިއެވެ. މިފިހާރައިންވެސް ވިއްކީ އިންޕޯޓް މުދަލެވެ. އޭގެފަހުން 1980 ގެ އަހަރުތަކުގައި މިރަށުގެ ކުރީގެ ކަތީބު އަލްމަރުޙޫމް ޢަބުދުއްރައްޒާޤު މޫސާ އަތިރީއިސްޓޯރުގެ ނަމުގައި އޭނާގެ އަމިއްލަ ގެ އަތިރީގޭގައި( މިހާރު ރަސްފަރު ) ގައި އިންޕޯޓް މުދާ ވިއްކެވިއެވެ. އޭގެފަހުން 1985 ހާތާންގައި މިފިހާރަވެސް ހުލިވެގޮސް ރައްޔިތުންގެ ނަމުގައި ފިހާރައެހިންގުމުގެ ޚިޔާލު އުފެދި ގެން އައެވެ .
މިރަށުގެ ކަމުވޮށިގެންވާ ބޭފުޅުންކޮޅެއް ( އާދަމް ޢަލީ ( ހަންޑިއާދަނު ) އިސްކޮށް ހުންނަވައިގެން އޭރުގެ ކަތީބު އަލްމަރުޙޫމް ޢަބުދުއްރައްޒާޤު މޫސާގެ މަސްއޫލްވެރިކަމުގެ ދަށުގައި ރައްޔިތުންގެ ފިހާރައެއް ކޮންމެ ހިއްސާދާރަކުއަތުން 50/- ރ. ނަގައިގެން އަތިރީ އިސްޓޯރުގައި ހިންގަންފެށިއެވެ. މިފިހާރަވެގެންދިޔައީ ލަންދޫރައްޔިތުންގެ ޖީބަށް ބަރުކުރި އެހެނަސް ކޮންމެރަމަޟާން މަހެއްގެ ކޮއްތު ސުފުރާ އަލަނާސި ފަނިންނާއި ކަދުރުން ފަޅުފިލުވާލަދޭ ފިހާރައަކަށެވެ. ތަކެތީގެ އަގުތައް ބަހައްޓަމުން ދިޔައީ އޭރު ފިހާރައިގެވެރިންނަށް ތިއްބެވި ބޭފުޅުންގެ ހިތަށް އެރިވަރަކަށް ބޮޑުކޮށްފައެވެ. ދެރުފިޔާއަށް މާލެއިން ލިބޭތަކެތި 4 ރުފިޔާއަށް ބޮޑުކޮށްގެންނެވެ. އަގުތައް 100% ން 200% ށް ބޮޑުވަމުން ރައްޔިތުންގެ މެދުގައި ތަފާތު އަޑުތައް ފެތުރި އެކިދުވަސް ވަރު އެކިކަހަލަ އޯޑިޓް ފިހާރައަށް ވަދެ އެއްދުވަހުން އަނެއްދުވަހަށް ފިހާރަބޮޑުވަމުން މުޅިއަތޮޅަށް މަޝްހޫރުވަމުން ދިޔައެވެ.
މިގޮތުގައި ދުވަސްތަކެއްފާއިތުވަމުންގޮސް އަނެއްކާވެސް ލަންދޫގެ އުފަން ދަރިއަކު ( ސަމީރު ޙުސެއިން ފުޅު ) އޭނައިގެ އަމިއްލަފައިސާގެ ތެރެއަށް މިރަށުގެ ދެތިންރައްޔިތެއްގެ އަތުން މަދުފައިސާ ކޮޅެއް ފަހުންދޭގޮތަށް ނަގައިގެން ސާނީސްޓޯރުގެ ނަމުގައި މިރަށުސޯސަންގޭގައި އިމްޕޯޓްމުދާ ވިއްކާ ފިހާރައެއް ހުޅުވިއެވެ. މިފިހާރަވެސް މާގިނަދުވަސްތަކެއްގައި ހިންގޭގޮތެއްނުވިއެވެ. ރަށުގެ ނުފޫޒްގަދަ މީސްމީހުންގެ ދުއްތުރާ ބޮޑުވެގެންނާއި އެހެނިހެން ބައެއްކަހަލަ ޚިޔާނާތުގެ މައްސަލަތަކެއްގެ ސަބަބުން އުވިގެން އަނެއްކާވެސް ރައްޔިތުންގެ ޖިބަށް ބުރަވާން ފަށައިފިއެވެ. އެއްކަލަ އަތިރީއިސްޓޯރަށް އެއްޗެތިގަނަން ދާން ޖެހިއްޖެއެވެ. ރައްޔިތުންގެ ތެރޭގައި ޗުކުޗުކު ލެއްވުން އިތުރުވާން ފަށައިފިއެވެ. ތަކެތީގެ އަގު ބޮޑުވާތީއެވެ. ރައްޔިތުންގެ ފިހާރައިން ބޭނުން ވަރަކަށް ތަނުގެ އިސްވެރިން ބޭނުންއަގެއްދީފައި ބައެއްފަހަރު އަގުނުދީވެސް ތަކެތިގެންދާ މައްސަލައެވެ.
ދުވަސްތައްފާއިތުވަމުންގޮސް ތަނުގެ އިސްވެރިންނަށް ވިޔަފާރިކޮށްގެން ވާފައިދާ އެނގި އަމިއްލައަށް ވިޔަފާރިއެއްކޮށްގެން މީގެ ދެގުނަފައިދާ ޖެއްސިދާނެކަމުގެ ޚިޔާލުއުފެދި ރައްޔިތުންގެ ފިހާރައިގައި އޭރު އެންމެއިސްކޮށް އުޅުނު އެއފަރާތްކަމުގައިވާ މިރަށު މަލަ އަލްފާޟިލް ޢަލީ އިބްރާހީމް އޭނައިގެ ދަރިއަކުކަމުގައިވާ ޢަބުދުއްނާޞިރު ޢަލީ ( މިހާރު ލަންދޫ ކުޑަކަތީބު ) އާއި ދެބަފައިން ހިއްސާވެގެން އޭނައިގެ ގޭގައި ކުޑަކުޑަ ޢިމާރާތެއް ކޮށް ކެނެލް ސްޓޯރގެ ނަމުގައި ފިހާރައެއް ހިންގަންފެށިއެވެ. ވަރަށް ގިނަފަރާތްތަކެއްގެ ފާޑުކިޔުންތަކާއެކުވެސް އެދެބަފައިގެން މަސައްކަތް ކާމިޔާބުކުރިއެވެ. މިއަދާހަމައަށްވެސް ވިޔަފާރީގެ ލަންދޫގެ ދެވަނަބާރެއްގެ ގޮތުގައި އެހެރަގެން ކުރިއަށް ދަނީއެވެ. މިހިސާބުން އަގުތަކަށް ކޮންމެވެސް ވަރެއްގެ ލުޔެއް ލިބިގެންދިޔައެވެ. ނަމަވެސް ރައްޔިތުންގެ އަތްނުފޯރާ ހިސާބުގައި ބައެއްކަހަލަ މުދާ އަދިވެސް ހުރިކަން ފާހަގަކުރެވެއެވެ.
ދެންއަނެއްކާވެސް އޭގެ 2 އަހަރެއްހާ ދުވަސް ފަހެވެ. މަޝުހޫރުދާމިސް ބަކުރު ވިޔާފާރީގައި އާދައުރެއް ފެށީއެވެ. އަލިމާސްޓޯރުގެ ނަމުގައި ރަށުގައި ތިންވަނަފިހާރައެއް ޤާއިމްކުރިއެވެ. ޒަމާނީ ވިޔަފާރިއަށް ލަންދޫ ހުޅުވާލުމުގެ އާސޮފްހާއެއް އެއްލިއެވެ. ތަފާތުވައްތަރުގެ ގަހަނާއާއި ހެދުން އަދިވެސް ކުރިން ، ރައްރަށުގެ ފިހާރައިން ޢާއްމުކޮށް ނުފެންނަ ޒާތްޒާތުގެ ތަކެތި މިފިހާރައިންވެސް ފެންނަމުން ދާންފަށައިފިއެވެ. ތަކެތީގެ އަގުތައްވެސް މަޑުމަޑުން ދައްވާންފެށިއެވެ.
އަނެއްކާވެސް އެހެންފިހާރައެކެވެ. މުރިނގު ސްޓޯރު ހުޅުވުނީއެވެ. 1992 ގައި މުޅިލަންދޫ އެފިހާރައަކަށް ބަރޯސާވާންޖެހުނީ ޚާލިދު އަބޫބަކުރު އާހިތްވަރަކާއި އެކު ފެށި ބޮޑުފިހާރައަށެވެ. ތަފާތުވައްތަރުގެ ހާޑުވެއަރވެސް ގެންނަންފެށީއެވެ. ދަގަނޑު ހޮޅި، ވީލްބަރޯ ، ފަދަ އަގުބޮޑެތި ސާމާނު ވިއްކަންފެށީ އެހެންފިހާރަތަކުގެ ވެރިންނަށް ނަމޫނާދައްކަމުންނެވެ. ވީނުވީއެއްނޭންގުނެވެ. މުރިނގު ސްޓޯރު 2 ވެސް ހުޅުވައިފިއެވެ. މުޅިރަށުގެ ވިޔަފާރި ކޮންޓްރޯލް ކޮށްފިއެވެ. ކޮންމެވެސް ފަރާތެއްގެ ނޭއްގާނީ ޢަމަލަކުން ކަންނޭންގެއެވެ. ނުވަތަ ކަރަންޓް ޝޯޓަކުން ތޯއްޗެކެވެ. ރައްޔިތުންގެ ފަތަހަ ސްޓޯރުވެސް އަނދާއަޅިއަށް ވެގެންދިޔައީ އެފިހާރައިގެ ހިއްސާދާރުން ގެލޮލުން ކަރުނައޮހޮރުވާފައެވެ.
މުރިނގުސްޓޯރު އެހާފުޅާވެގެންދިޔުމުގެ އަސްލެއްކަމަށް ގިނަބަޔަކު ނިންމަނީ ލަންދޫގެ މުއްސަނދި މަހްޖަނު ޝުއައިބު ޢަބުދުﷲ ގެ ހިއްސާ އެފިހާރައިގާ ވުމާއި ފިހާރައަށް ބޭނުންވާ މުދާ ނާލުނުދީ ބޯޓުން ގެނެވޭތީ ކަމަށެވެ. ކޮންމެ ގޮތެއްވެގެން ވީނަމަވެސް އެންމެންވެސް ޤަބޫލުކުރަންޖެހޭ ޙަޤީގަތަކީ ކިތަންމެ އަގުބޮޑުކޮށް ވިއްކިނަމަވެސް މުރިނގު ސްޓޯރުންނޫނީ މިފަހަކަށް އައިސް ލަންދޫގެ އެއްވެސް ރައްޔިތަކު ހިތްހަމަޖެހިލައިގެން ނުގަންނަކަމެވެ. އަދި ގިމީހުންނަށް ގިނަފަހަރު ދެވެނީވެސް އެފިހާރައަށް ކަމެވެ. ސޭޓް ރަމްލާގެ ހިތްހެޔޮކަން ކަމުގައިވެސް ވެދާނެއެވެ. ކުދިވެރިންނާއިއެކު ފިހާރައަށް ދާ ކަސްޓަމަރުންނަށް އަގަކާނުލައި ދިއްކޮށްލެވޭ މެޓާ ޗުއިންގަމް ޗޮކްލެޓްގެ ސަބަބުންކަމަށްވެސް ވެދާނެއެވެ.
ވަރަށްއެކުވެރި ޖައްވެއްގައި ބައެއްފަހަރު މުރިނގުސްޓޯރުގެ ސޭޓްކަން ކުރަމުން އައި ފާތުމާފުޅު މިއަދު ފެންނަނީ މުޅިން ތަފާތުމީހެއްގެ ގޮތުގައެވެ. ކުއްލިއަކަށް ވީނުވީއެއްނޭންގުނެވެ. ހަމައެހެންމެ ބައެއްފަރާތްތަކުން މުރިނގުން ވިޔަފާރިކުރުން ވެސް ހުއްޓާލައިފިއެވެ. ތަފާތު ވާހަކަތައްރަށުތެރޭގައި ފެތުރެންފަށައިފިއެވެ. ޚާލިދު އެކަނިބޮނޑި ބަންނަންވެގެން ސަތަރިދޯންޏެއް ބަނީމަޔޯލައެވެ. ދެބައިމީހުން ރޫޅިއްޖެއެވެ. ތަޅާފޮޅާހިސާބަށް ނުގޮސް މިކަންހައްލުވެއްޖިއްޔާ ވާ ސަހަރޯއެވެ.
ރޯޝަނީގޭގެ ހުޅަގުން އެގޯތީގެ ތެރޭގައި ކުރެވިފައިވާ ބޮޑުޢިމާރާތަކީ އުންމީދުކުރެވޭގޮތުގައި ބޮޑު ސްޕަރމާޓެކެވެ. ދުވަހަކުވެސް ލަންދޫނުދެކޭފަދަ ބޮޑުފިހާރައެއް އެޢިމާރާތުގައި "ސްޕަރސާހް" ގެ ނަމުގައި ހިންގާނެކަން ކަށަވަރުވާ ހެއްކަކީ މިއަހަރުގެ އުގުޅޭބާޒާރާ ދިމާކޮށް ފިހާރައަށް މުދާގަންނަން މާލެގޮސްވީމައެވެ.
އަޅުގަނޑުމެން ލަންދޫއިންފޯގެ އެދުމަކީ ކޮންމެބަޔަކު ވިޔަފާރި ކޮންޓްރޯލް ކުރިކަމުގައިވިޔަސް، އެހެންރަށްރަށުން ވެސް ގަންނަށް ލިބެންހުންނަ އައިސްކުކުޅު، ސޮސެޖް، ތަރުކާރީ ، ކަނޑުމަހުގެ ބާވަތްތައް ފަދަ އާއްމު ދިރުއުޅުމަށް ބޭނުންވާ ބާވަތްތައް ރައްޔިތުންނަށް އަތްފޯރާ ފަށެއްގައި ބަހައްޓައިގެން ރަށުން ގަންނަށް ލިބެންހުންނާނެގޮތް މެދުވެރިވުމެވެ. މާތްﷲ ، އަޅުގަނޑުމެންގެ މިއެދުން "ސްޕަސާހް" ހުޅުވުމާއެކީ ފުރިހަމަކޮށްދެއްވާށިއެވެ. އާމީން،.
ލަންދޫ: މިރަށަށް ވޮޑެމުން ދިޔައިރު ބޮޑު ކުޅިއެއް އުފެދުނެވެ. އެކުޅިއޮތްތަން މިހާރުވަނީ ކުއްޅަވައްފަލަކަށް ބަދަލުވެފައެވެ. ރަށަކީ ކުރީޒަމާނުގައި ރާއްޖޭގެ ފަނޑިޔާރު ބޭކަލަކަށް އޮންނަ ރަށްރަށުގެ ތެރޭން އެއްރަށެވެ. ބުނެވޭ ގޮތުގައި މިއީ "ދުވާލަކު 1000 ކާށި ބިންމަތީގައި ޖެހޭ" މާރަށެކެވެ.
މިރަށަކީ އާޡާރީގޮތުން ހާއްސަރަށެކެވެ. މިރަށުގައި "ރެދިން" ގެ މާބަދިގެ ކިޔާތަނެއް ހުރެއެވެ. ތަނުގެ ވަށަމިނަކީ 190 ފޫޓެވެ. މިހާރުގެ އުސްމިނަކީ 21 ފޫޓެވެ. 1987މ. ވަނަ އަހަރު ދިވެހިބަހާއި ތާރީހަށް ހިދުމަތްކުރާ ޤައުމީ މަރުކަޒާއި އިންޑިޔާގެ އާކިޔޮލޮޖިކަލް ޓީމަކާއި ގުޅިގެން މިތަން ބަލައި ތަހްޤީގު ކުރުމުން އެނގުނީ ބުދުދީނުގެ މޮނާސްޓްރީއަކުން މިހާރު ހުރި ހަމައެކަނި ތަން ކަމެވެ. އެސަރަހައްދުން އެމޮނާސްޓްރީގައި ހިމެނޭ އަނެއް 6 ތަނުގެ ބިންގާ ފެނުނެވެ. އަދި އެތަނާގުޅިގެން އޮންނަންޖެހޭ ވެޔޮވެސް އޮތްކަމަށް އަލްއުސްތާޛު މުޙައްމަދު އިބްރާހިމް ލުތުފީ ވިދާޅުވެފައިވެއެވެ. މިރަށާއި މަނަދޫއަށް އެއްފަހަރަށްވުރެ ގިނަފަހަރު މަލާބާރީންގެ ދުއްތުރާފޯރައި ރަށް ލޫޓުވަމުންދަތީ މުލީގޭ ދޮންޙަސަންމަނިކުފާނުގެ (ފަހުން ދޮންބަންޑާރައިން) އިސްވަޒީރުކަމުގައި ކޮރުބަންޑާރައިންގެ ދަރިކަނބަލުން އާމިނާ ރަނިކިލެގެފާނު ރާއްޖޭގެ ވަލީއާ ހަވާލުވެވަޑައިގެން ހުންނެވި ދުވަސްވަރު އެރަށްރަށަށް ޙިމާޔަތްތެރިކަން ދެއްވިއެވެ.
ލަންދޫ ދޮން ޢަލީގެ އިސްމާޢީލުގެ އަޙުމަދުއާއި އޭނާގެ އަނބި މަރިޔަމްއަށް "ބަންޑާރަ ދަތުރާއި ބޮލުވާރު ކަޑުއްވައިދެއްވައި އެބައިމީހުންނަށް "ބޮލުމަކަނަ" އާއި މަގުމަރަވަޅި (އުށްޖެހި މަރަވަޅި) އާއި ސާލު އާއި (ބާބީ) އާއި ކަސާރީ މުންޑާއި، ހުރަސް ރޮނގު ލުންގިއާއި ބައިންގެހި ފޭއްޔާއި އަންހެނުންގެ ކަންފަތު ރަންމުނަޖާއި ކަރުރަންފައްޓަރާއި އަތުކުރީ ހަވާދުލީ ރިހިއުޅަލާއި އިނގިލި ރަންމުދި "1210ހ. ވަނަ އަހަރު އައްސުލްތާން ހަސަން ނޫރައްދީން 1 ގެ ފަތްކޮޅަކުން ހުއްދަދެއްވާފައިވެއެވެ. އެފަތްކޮޅުގައިވާގޮތުން އެމަރިޔަމް އޭނާގެ ފިރި އަޙުމަދު ގަތުން ވަރިވެއްޖެނަމަ މަރިޔަމްއަށް ހުއްދަ ކުރެވުނު ތަކެތި ބޭނުންކޮށްގެން ނުވާނެކަން އެނގެއެވެ. އާދެ! އެޒަމާނުގައި މިތަކެތި ބޭނުންކުރެވެނީ ރަދުންގެ ހާއްސަ އިޛުނަފުޅެއް ލިބިގެންނެވެ. ލަންދޫއަކީ ކަމުވޮށިގެންވާ ހަރު މީހުން އުޅުނު ރަށެކެވެ (މުޙަންމަދު އިބްރާހިމް ލުތުފީ).
މިސަރަހައްދާ ވަރަށް ކައިރިން ވަރަށް މުސަކުޅި އަކުރަކުން، ހަތަރު ފަރާތުގައި ލިޔެފައިވާ ހިރިގަލެއް ވަނީ ފެނިފައެވެ. މީގައި ހުރީ އިންޑިޔާގައި ވަރަށް ކުރީ ދުވަސްވަރުގައި ބޭނުންކުރި އަކުރެއްގެ ވައްތަރަކުން ލިޔެފައެވެ. މިލިޔުން ދިރާސާ ކުރެއްވި ޕްރޮފެސަރ ގިޕާރޓް ވިދާޅުވަނީ، މީގައި ލިޔެފައިވަނީ ވަޖްރަޔާނާ ބުޑިޒަމްގެ ފަންޑިތައެއް ކަމުގައެވެ. މިގަލުގައިވާ އަކުރަކީ އިންޑިޔާގެ ދެކުނުގައި ބޭނުންކުރި ބްރަހްމީގެ ވައްތަރެކެވެ. ނަމަވެސް މިއަކުރަށް ބައެއް ބަދަލު އައިސްފައިވެއެވެ. މިލިޔުން ހުރީ ވަރަށް ސާފުކޮށް އެނގޭ ގޮތަށެވެ.
ލަންދޫ އާޘާރީ ސަރަހައްދަކީ އިތުރަށް ދިރާސާކޮށް ރައްކާތެރިކުރަންވެފައި އޮތް މުހިންމު އާޘާރީ ސަރަޙައްދެކެވެ.
Monday, 28 July 2008
މިނިވަންދުވަހުގެ މުނާސަބަތުގައި ކުޅެވުނުފުޓްބޯޅަމެޗް.
ދިވެހިރާއްޖޭގެ ފަޚުރުވެރި 43 ވަނަ މިނިވަންދުވަހުގެ ( ޖުލައި 26 ) މުނާސަބަތުގައި ސިވިލްސަރވިސްގެ މުވައްޒަފުންގެ ޓީމަކާއި ރަށުތެރެއިން ހޮވާލެވުނުޒުވާނުންގެ ޓީމަކާއި އެކު އެކުވެރިކަމުގެ ފުޓްބޯޅަމެޗެއް 27 ޖުލައި 2008 ދުވަހު ލަންދޫރައްޔިތުންގެ ފުޓްބޯޅަދަނޑުގައި ކުޅެވިއްޖެއެވެ.
ރަށުގައި ތިބި ސ.ސާރވިސްގެ މުވައްޒަފުންގެ ސަތޭކަ ޕަސަންޓް ތަރުޙީބު ލިބިގެންދިޔަ މިމެޗްގެ ޝަރަފްވެރިމެހްމާނަކީ މިވަގުތުލަންދޫ އޮފީސް ހިންގުމާއި ޙަވާލުވެހުންނެވި ކެނކުޅުދޫ ( ކުޅުދޫ ) ކުޑަކަތީބު އަލްފާޟިލް އިސްމާއީލް މުޙައްމަދު ފުޅެވެ.
5-3 ކުން މުވައްޒަފުންގެ ޓީމް ކާމިޔާބުކުރި މިމެޗްގެ ރެފްރީކަންކޮށްދެއްވީ ލަންދުއަށް އަރުވާލައިފާ ހުރި ކ.އަތޮޅު ހިންމަފުށީ ޒުވާނެކެވެ. ލައިންސް މަނުންގެ ގޮތުގައި ތިއްބެވީ މަންޒިލް މުޙައްމަދު ޝުޖާއު އާއި ޗާންދަނީގެ މުމްތާޒް އަބޫބަކުރެވެ.
ދެޓީމުންނާއި މެޗް އޮގައިނައިޒްކުރެއްވި ފަރާތްކަމުގައިވާ ގްލްބަކާގެ އިބްރާހީމް ދާއޫދު ( ސ.ސ.ޓީމްގެ މެނޭޖަރ ) މިމެޗަށް ޓަކައި ވަރަށްބޮޑަށް ތައްޔާރުވެފައިވާކަން އެނގެއެވެ. އެގޮތުން އަދިމިހާތަނަށް ލަންދޫގައި ތައްޔާރުކޮށްފައިނުވާ ފެންވަރުގެ ޝީލްޑެއް ( ތައްޓެއް ) މިމެޗަށްޓަކައި ތައްޔާރު ކުރެވުނެވެ. އަދި ސ.ސ.މުވައްޒަފުންގެ ޓީމަށް (ޗެމްޕިއަންޓީމަށް) ލަންދޫ ސްކޫލްގައި ވަޒީފާއަދާކުރައްވާ މުވައްޒަފުންގެ ފަރާތުން ދަޅުކޭހެއްވެސް ހަދިޔާކުރެއްވިއެވެ.
މިމެޗްގެ އެންމެމޮޅުކުޅުންތެރިޔާގެ މަޤާމް ހޯދީ ސ.ސ.މުވައްޒަފުންގެ ޓީމްގެ ޖާރޒީނަމްބަރ 12 އަޙްމަދު ރަޝީދެވެ.
ތާޒާކަންމަތީ ގެނެސްދިނުމަށެވެ. ތިޔަބޭފުޅުންގެ ޚިޔާލުފުޅު ތަކަށް އަޅުގަނޑުމެން މަރުހަބާ ކިޔާނަމެވެ.
ޝުކުރިއްޔާ
