ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Monday, 17 November 2008
އެއްޗިހި ހަމަކުރުމަށް ހޮލިޑޭކަޕްގައި ވާދަކުރާ ޓީމްތައް މާލޭގައި
ޙަފްޞީ ޢާބުދުﷲ/ ލަންދޫ
ކުރިއަށްއޮތީ ފޯރިގަދަ ފުޓްބޯޅަ މުބާރާތެކެވެ. ލަންދޫގައި މިހާތަނަށް ބޭއްވޭ އެންމެ ފޯރިގަދަ ފުޓްބޯޅަ މުބާރާތަށް މިމުބާރާތް ވާނެކަމުގެ ހުރިހާ ސިގްނަލެއް ދަނީ ފެންނަމުންނެވެ. ރަށުގައި ޓީމްތައް ފަރިތަކުރަނީއެވެ. މުބާރާތް ފެށުމުގެ ވަގުތު ކުޑަތަންވާންފެށުމުން، ޓީމްތަކުގެ ބައެއް ކުޅުންތެރިން އެންމެ ފަހުން މާލެވެސް އައީއެވެ. މިދިޔަ އަހަރު ލީ ބާ ޖާރޒީއާ، އާދައިގެ ޓީޝާރޓް ލާން ބޭނުން ނުވާތީއެވެ. ޕްރެކްޓިސްގައި ބޭނުންކުރި ބާ ބޫޓްތައް ފޯރިގަދަ މުބާރާތުގައި ބޭނުންކުރަން ބޭނުންނުވާތީއެވެ. ދަވާދުން ތައްގަނޑު ޖަހާގެން އާދައިގެ ދިދައެއް ހަދަން ބޭނުން ނުވާތީއެވެ. ކެޕްޓަން ބޭންޑްގެ ގޮތުގައި ރިބަން ފަށެއް އައްސާލަން ހިތް ނޭދޭތީއެވެ. އެއްޓީމްގެ ކުޅުންތެރިން އެކިކުލައިގެ ސްޓާކީނަށް އަރާގެން ކުޅެން ހިތްހަމަ ނުޖެހޭތީއެވެ. މިފަދަ ކިތަންމެ ސަބަބެކެވެ
މިއަދު ހަވީރު މާލެއިން ފުރާ ލަންދޫ ބޯޓުން މިއަހަރު ހޮލިޑޭކަޕް ފުޓްބޯޅަ މުބާރާތުގައި ކުޅޭ ލަންދޫގެ މަޝްހޫރު ބައެއް ކުޅުންތެރިން ޓީމާ ގުޅުމަށް ރަށަށް ދާނެއެވެ. ހަމައެެހެންމެ ކުރިން މިދެންނެވި ތަކެތި ހޯދުމަށް މާލެއައި ޓީމްތަކުގައި ނަގާކިޔާ ކުޅުންތެރިންވެސް މުބާރާތުގެ އެންމެފަހުގެ ތައްޔާރީތަކަށް ރަށަށްދާނެއެވެ
ވޭތުވެދިޔަ ދެތިން ދުވަހު މާލޭގެ ބޮޑަތި ފިހާރަތަކުން ޚާއްޞަކޮށް، ކުޅިވަރުގެ ސާމާނު ވިއްކާ ބޮޑަތި ފިހާރަތަކުން ލަންދޫގެ ކުޅުންތެރިން ޓީމްތަކުގެ ޖާރޒީއާ މުބާރާތަށް ބޭނުންވާ ސާމާނު ހަމަކުރުމުގައި އަވަދިނެތި އުޅުންކަން މިފާހަގަކުރަނީ ފަޚްރުވެރިކަމާއެކުގައެވެ. ކުޅުންތެރިއެއްގެ ގޮތުގައި ނޫންނަމަވެސް މިމުބާރާތުގައި ބައިވެރިވުމުގެ އުފާ ލިބޭތީއެވެ. ބޫޓާއި ސްޓާކީނާ، ޖާރޒީގައި ދަނޑުމައްޗަށް އަރާ ގޯލް ނުޖެހުނުނަމަވެސް، ނުވަތަ ބޯޅައެއް ދިފާއުކުރުމުގެ ފުރުޞަތު ނުލިބުނު ނަމަވެސް މިކަމުގައި އެހީތެރިވުމުގެ ހިތްހަމަޖެހުން ލިބޭތީއެވެ. ކުރިން އަޅުގަނޑު މިދެންނެވި ސަބަބުތަކުގެ އަލީގައި ދެންނެވެން އޮތީ ކުރިއަށްއޮތް ހޮލިޑޭކަޕް ފުޓްބޯޅަ މުބާރާތަކީ ލަންދޫގައި މިހާތަނަށް ބޭއްވޭ އެންމެ ފޯރިގަދަ، ކުލަގަދަ ފުޓްބޯޅަ މުބާރާތްކަމުގައެވެ
މުބާރާތް އިންތިޒާމްކުރާ ލަންދޫ ޔޫތް އެންކަރޭޖިންގ ސޮސައިޓީ މިހާރުވަނީ މުބާރާތަށް ތަޞައްރަފް ފުދިފައެވެ. އެހެނީ މިއަހަރުގެ މުބާރާތަށްބޭނުންވާ ޓްރޮފީތަކާއި، ރަން ބޫޓާ، ބޯޅައާއި، ކަށިގަނޑާއި، ކާރޑްތަކާއި، މިހާރުވަނީ ހޯދާ ނިމިފައެވެ. މިހާރު މުޅިން ނުނިމި ވަނީ ރެފްރީންގެ ކަންތަކެވެ. އިރާދަކުރެއްވިއްޔާ އެކަންވެސް ހަމަޖެހޭނެއެވެ. އެކަމަށްޓަކައި ކުރަންޖެހޭ މަސައްކަތްތައް މިދަނީ ކުރަމުންނެވެ
މިއަހަރުގެ މުބާރާތް ވެގެންދާނީ ލަންދޫގެ ހުނަރުވެރި ކުޅުންތެރިން އެއްވަގުތެއްގައި ލަންދޫގެ ފަސްގަނޑުން، ލަންދޫގެ ފުޓްބޯޅަ ދަނޑުން ފެނިގެންދާ އަހަރަށެވެ. މިފުރުޞަތުގައި އަންހެންކުދިންގެ ނެޓްބޯޅަ މުބާރާތާއި އަމިއްލަ ފަރުދެއްގެ ހައިޞިއްޔަތުން ބާއްވާ ފުޓްބޯޅަ މުބާރާތްވެސް ފާހަގަކުރަމެވެ. މިއަހަރުގެ ހޮލިޑޭ ހޮލިޑޭއަކަށް ވާނީ މިދެމުބާރާތާވެސް އެކުގައެވެ..ތިންކަޕް އެއްކޮށްލީމައެވެ
ޙަފްޞީ ޢާބުދުﷲ/ ލަންދޫ
ކުރިއަށްއޮތީ ފޯރިގަދަ ފުޓްބޯޅަ މުބާރާތެކެވެ. ލަންދޫގައި މިހާތަނަށް ބޭއްވޭ އެންމެ ފޯރިގަދަ ފުޓްބޯޅަ މުބާރާތަށް މިމުބާރާތް ވާނެކަމުގެ ހުރިހާ ސިގްނަލެއް ދަނީ ފެންނަމުންނެވެ. ރަށުގައި ޓީމްތައް ފަރިތަކުރަނީއެވެ. މުބާރާތް ފެށުމުގެ ވަގުތު ކުޑަތަންވާންފެށުމުން، ޓީމްތަކުގެ ބައެއް ކުޅުންތެރިން އެންމެ ފަހުން މާލެވެސް އައީއެވެ. މިދިޔަ އަހަރު ލީ ބާ ޖާރޒީއާ، އާދައިގެ ޓީޝާރޓް ލާން ބޭނުން ނުވާތީއެވެ. ޕްރެކްޓިސްގައި ބޭނުންކުރި ބާ ބޫޓްތައް ފޯރިގަދަ މުބާރާތުގައި ބޭނުންކުރަން ބޭނުންނުވާތީއެވެ. ދަވާދުން ތައްގަނޑު ޖަހާގެން އާދައިގެ ދިދައެއް ހަދަން ބޭނުން ނުވާތީއެވެ. ކެޕްޓަން ބޭންޑްގެ ގޮތުގައި ރިބަން ފަށެއް އައްސާލަން ހިތް ނޭދޭތީއެވެ. އެއްޓީމްގެ ކުޅުންތެރިން އެކިކުލައިގެ ސްޓާކީނަށް އަރާގެން ކުޅެން ހިތްހަމަ ނުޖެހޭތީއެވެ. މިފަދަ ކިތަންމެ ސަބަބެކެވެ
މިއަދު ހަވީރު މާލެއިން ފުރާ ލަންދޫ ބޯޓުން މިއަހަރު ހޮލިޑޭކަޕް ފުޓްބޯޅަ މުބާރާތުގައި ކުޅޭ ލަންދޫގެ މަޝްހޫރު ބައެއް ކުޅުންތެރިން ޓީމާ ގުޅުމަށް ރަށަށް ދާނެއެވެ. ހަމައެެހެންމެ ކުރިން މިދެންނެވި ތަކެތި ހޯދުމަށް މާލެއައި ޓީމްތަކުގައި ނަގާކިޔާ ކުޅުންތެރިންވެސް މުބާރާތުގެ އެންމެފަހުގެ ތައްޔާރީތަކަށް ރަށަށްދާނެއެވެ
ވޭތުވެދިޔަ ދެތިން ދުވަހު މާލޭގެ ބޮޑަތި ފިހާރަތަކުން ޚާއްޞަކޮށް، ކުޅިވަރުގެ ސާމާނު ވިއްކާ ބޮޑަތި ފިހާރަތަކުން ލަންދޫގެ ކުޅުންތެރިން ޓީމްތަކުގެ ޖާރޒީއާ މުބާރާތަށް ބޭނުންވާ ސާމާނު ހަމަކުރުމުގައި އަވަދިނެތި އުޅުންކަން މިފާހަގަކުރަނީ ފަޚްރުވެރިކަމާއެކުގައެވެ. ކުޅުންތެރިއެއްގެ ގޮތުގައި ނޫންނަމަވެސް މިމުބާރާތުގައި ބައިވެރިވުމުގެ އުފާ ލިބޭތީއެވެ. ބޫޓާއި ސްޓާކީނާ، ޖާރޒީގައި ދަނޑުމައްޗަށް އަރާ ގޯލް ނުޖެހުނުނަމަވެސް، ނުވަތަ ބޯޅައެއް ދިފާއުކުރުމުގެ ފުރުޞަތު ނުލިބުނު ނަމަވެސް މިކަމުގައި އެހީތެރިވުމުގެ ހިތްހަމަޖެހުން ލިބޭތީއެވެ. ކުރިން އަޅުގަނޑު މިދެންނެވި ސަބަބުތަކުގެ އަލީގައި ދެންނެވެން އޮތީ ކުރިއަށްއޮތް ހޮލިޑޭކަޕް ފުޓްބޯޅަ މުބާރާތަކީ ލަންދޫގައި މިހާތަނަށް ބޭއްވޭ އެންމެ ފޯރިގަދަ، ކުލަގަދަ ފުޓްބޯޅަ މުބާރާތްކަމުގައެވެ
މުބާރާތް އިންތިޒާމްކުރާ ލަންދޫ ޔޫތް އެންކަރޭޖިންގ ސޮސައިޓީ މިހާރުވަނީ މުބާރާތަށް ތަޞައްރަފް ފުދިފައެވެ. އެހެނީ މިއަހަރުގެ މުބާރާތަށްބޭނުންވާ ޓްރޮފީތަކާއި، ރަން ބޫޓާ، ބޯޅައާއި، ކަށިގަނޑާއި، ކާރޑްތަކާއި، މިހާރުވަނީ ހޯދާ ނިމިފައެވެ. މިހާރު މުޅިން ނުނިމި ވަނީ ރެފްރީންގެ ކަންތަކެވެ. އިރާދަކުރެއްވިއްޔާ އެކަންވެސް ހަމަޖެހޭނެއެވެ. އެކަމަށްޓަކައި ކުރަންޖެހޭ މަސައްކަތްތައް މިދަނީ ކުރަމުންނެވެ
މިއަހަރުގެ މުބާރާތް ވެގެންދާނީ ލަންދޫގެ ހުނަރުވެރި ކުޅުންތެރިން އެއްވަގުތެއްގައި ލަންދޫގެ ފަސްގަނޑުން، ލަންދޫގެ ފުޓްބޯޅަ ދަނޑުން ފެނިގެންދާ އަހަރަށެވެ. މިފުރުޞަތުގައި އަންހެންކުދިންގެ ނެޓްބޯޅަ މުބާރާތާއި އަމިއްލަ ފަރުދެއްގެ ހައިޞިއްޔަތުން ބާއްވާ ފުޓްބޯޅަ މުބާރާތްވެސް ފާހަގަކުރަމެވެ. މިއަހަރުގެ ހޮލިޑޭ ހޮލިޑޭއަކަށް ވާނީ މިދެމުބާރާތާވެސް އެކުގައެވެ..ތިންކަޕް އެއްކޮށްލީމައެވެ
Subscribe to:
Post Comments (Atom)
0 ޚިޔާލު:
Post a Comment