ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Tuesday, 18 November 2008
މައްސަލައަކީ ބިއުރޯއެއްނޫނެވެ. މައްސަލަ ހޯދަންވެއްޖެއެވެ
ޙަފްޞީ ޢަބުދުﷲ/ ލަންދޫ
ޓީވީ މޯލްޑިވްސްގެ އަތޮޅުބިއުރޯތަކަކީ ވަރަށްބޮޑަތި ހޭދަތަކެއް ކޮށްގެން، ވަރަށް މުޙިންމު މަޤްޞަދެއްގައި ޤާއިމްކުރައްވާފައިވާ ތަންތަނެވެ. ބިއުރޯ އުފެދުމުންނާ، ބިއުރޯ އުފެދުމުގެ ކުރިންވެސް ރާއްޖޭގެ އެންމެގިނަ އަތޮޅުތަކަށް ދަތުރުކޮށް، އެންމެގިނަ ރަށްރަށުގެ މައުލޫމާތު ޢާންމުންނާ ހަމައަށް ފޯރުވައިދިން މީހަކީ ނ،ލަންދުއަށް އުފަން އަޅުގަނޑުކަމަށްވުން ވަރަށްކައިރިއެވެ. ނަމަވެސް ސީދާ އަދަދު ބެލިފައިނެތުމުން އެކަން ޔަޤީންނުކުރެވުނުނަމަވެސް، އެންމެގިނަ ރަށްރަށަށްގޮސް، އެންމެގިނަ ރިޕޯރޓްތަކާއި ޚަބަރުތައް ގެނެސްދިން ޓީވީ މޯލްޑިވްސްގެ ނިއުސްކާސްޓަރުންގެ ތެރޭގައި އަޅުގަނޑު ހިމެނޭނެއެވެ. ނިއުސްކާސްޓަރަކަށް ބަދަލުވުމުގެ ކުރިން ޖާރނަލިސްޓް ޓްރޭނީއެއްގެ ގޮތުގައިވެސް މިމަސައްކަތް އަޅުގަނޑުވާނީ ކޮށްފައެވެ. މީގެތެރޭގައި ނ،އަތޮޅަށް އަޅުގަނޑު ކުރި ދަތުރާއި، އެދަތުރުގައި ހެދި ރިޕޯރޓްތައްވެސް ހިމެނެއެވެ
ނ،އަތޮޅަށް އުފަން ދަރިއަކަށްވެހުރެ ރާއްޖޭގެ އެންމެބޮޑު ޚަބަރުފަތުރާ ވަޞީލިަތްކަމަށްވާ ޓީވީ މޯލްޑިވްސްގެ ސީނިއަރ ނިއުސްކާސްޓަރެއްގެ ވަޒީފާ އަޅުގަނޑު އަދާކުރަމުންދާ ހިނދު، ނ،އަތޮޅުގެ ޚަބަރުތައް ޓީވީ މޯލްޑިވްސްގެ ޒަރީޔާއިން ފެންނަ މިންވަރު މަދުވާތީ އަޅުގަނޑުވެސް ކަންބޮޑުވެ ދެރަވެއެވެ. އެކަމުގެ ސަބަބުތައް ހޯދަން ބޭނުންވެ، އެކަމާމެދު ވިސްނާ ފިކުރިކުރަމެވެ
އަޅުގަނޑަށް ވިސްނޭގޮތުގައި މައްސަލައަކީ ބިއުރޯއެއްނޫނެވެ. އަލީ ސުލައިމާން މަސައްކަތްކުރި ކޮންމެ އަތޮޅެއްގެ ޚަބަރުތަކާއި، ރިޕޯރޓްތައްވެސް ވަކިއަތޮޅަކަށް ތަފާތެއްނެތި ގެނެސްދީފައިވުމީ މީގެހެއްކެކެވެ. ކޮންމެ ބިއުރޯއެއްގައިވެސް ކެމެރާއާ، ލެޕްޓޮޕް އޮންނާނެއެވެ. ދަތުރުކުރުމުގައި ހަމަޖެހިފައިވަނީ އެއްއުޞޫލެކެވެ. އެކިއަތޮޅުތަކުގައި ހުރި ތަފާތަކަށް އޮންނާނީ ބިއުރޯ ހުންނަ އިމާރާތުގެ ކުޑަ ބޮޑުމިނެވެ. ނަމަވެސް މިއީ މަސައްކަތް ތަފާތުވާންވީ ސަބަބެއް ނޫނެވެ. ނ،އަތޮޅުގައި މީގެކުރިން މަސައްކަތްކުރި ނިއުސްކާސްޓަރުން އެހެން އަތޮޅުތަކުގައި ރަނގަޅު މަސައްކަތްތަކެއް ކުރާނަމަ އެއީ ވިސްނަންޖެހޭކަމެކެވެ. ނ،އަތޮޅުގައި މީގެކުރިން މަސައްކަތްކުރީވެސް ނ،އަތޮޅަށް އުފަން ދަރިއެކެވެ. އޭނަގެ ޝަކުވާތައްކުރީވެސް ނ،އަތޮޅުގެ ބައެއް ރައްޔިތުންނެވެ. މިއަދު އޭނާ އެހެން އަތޮޅެއްގައި ހުރެ ރަނގަޅު ރިޕޯރޓްތަކެއް ހެދުމުގައި ދެސަބަބެއް އޮވެދާނެކަމަށް އަޅުގަނޑުގެ ތަޖުރިބާގައި ޤަބޫލުކުރެވެއެވެ. ފުރަތަމަ ސަބަބަކީ ވޭތުވެދިޔަ މުއްދަތުގައި އޭނާގެ ތަޖުރިބާ ބޮޑުވުމެވެ. ނ،އަތޮޅަކީ މިދާއިރާގައި އޭނާ މަސައްކަތްކުރި ފުރަތަމަ އަތޮޅެވެ. ދެވަނަ ސަބަބަކީ ނ،އަތޮޅުގައި މަސައްކަތްކުރުމުގައި ހުރަސްތަކެއް ނުވަތަ ފިއްތުންތަކެއް ހުރުމެވެ. މިކަން އެންމެ ރަނގަޅަށް ވަޒަންކުރެވޭނީ އަތޮޅުގެ ރައްޔިތުންނަށާއި، އަތޮޅުގައި މަސައްކަތްކުރި ނިއުސްކާސްޓަރުންނަށެވެ
މީގެއިތުރުންވެސް ވިސްނާލަންޖެހޭ އެހެންކަމެއް އެބައޮތެވެ. ކޮންމެ ނިއުސްކާސްޓަރަކީ އަލީ ސުލައިމާނަކަށް ނުވާނެއެވެ. އަލީ ސުލައިމާން ޓީވީ މޯލްޑިވްސްއާ ގުޅުނީވެސް މިދާއިރާގެ ގިނަ ތަޖުރިބާތަކަކާއެކުގައެވެ. ނަމަވެސް މިހާރު ބިއުރޯތަކުގައި މަސައްކަތްކުރާ މުވައްޒަފުންނަކީ މުޅިން އަލަށް މިދާއިރާއަށް ނިކުމެފައިވާ ކުރުމުއްދަތެއްގެ ތަމްރީން ދީފައިވާ ބައެކެވެ. ނަމަވެސް އަލީ ސުލައިމާނާ އެއްވަރު ނުވިނަމަވެސް، އަތޮޅުގެ ރައްޔިތުން ހިތްހަމަ ޖެހޭވަރުގެ، ބެލުންތެރިން ޤަބޫލުކުރާވަރުގެ މަސައްކަތްތަކެއް ކުރެވެންވާނެކަމަށް އަޅުގަނޑު ޤަބޫލުކުރަމެވެ. މިދާއިރާއަށް ކުރިމަތިވެފައިވާ އެންމެ ބޮޑު ގޮންޖެހުމަކީ ފެންވަރު ހުރި ރަނގަޅު މީހުން ނުލިބުމެވެ. ޝައުޤުވެރިކަން ހުރި ފެންވަރު ރަނގަޅު މީހުން ހޯދުމަށް ކުރެވޭ މަސައްކަތް އެހާ ކާމިޔާބެއްނޫނެވެ. މީހުން ހޯދުމާ، އިންޓަރވިއުކުރުމުގައި ހަރަކާތްތެރިވާ މީހެއްގެ ހައިޞިއްޔަތުން މިކަން އަޅުގަނޑަށް ދަނީ ތަޖުރިބާކުރެވެމުންނެވެ. ނިއުސްކާސްޓަރުން ތަމްރީން ކުރުމުގެ އިތުރު ބުރެއްވެސް މިހާރު ވަނީ ފެށިފައެވެ. އަޅުގަނޑު އުއްމީދުކުރަނީ ކައިރި މުސްތަޤްބަލެއްގައި ނ،އަތޮޅުގައިވެސް ރަނގަޅު ނިއުސްކާސްޓަރެއް މަސައްކަތްކުރާނެކަމަށެވެ. އަޅުގަނޑުމެން ފޮނުވަނީ އެއް ތަމްރީނެއް ފުރިހަމަކޮށްފައިވާ، އެތަމްރީނުން ފާސްވެފައިވާ މީހުންނެވެ. މަސައްކަތުގައި އެންމެންގެ ފަރާތުން ތަފާތުތައް ފެންނަމުންދާނަމަ ރައްޔިތުން ކަންބޮޑުވެ މާޔޫސްވާނެއެވެ. އެކަންބޮޑުވުމާ މާޔޫސްކަން ދެހައިޞިއްޔަތަކުން އަޅުގަނޑަށް އިޙްޞާޞްކުރެވެއެވެ. ނ،އަތޮޅަށް އުފަން ދަރިއެއްގެ ހައިޞިއްޔަތުންނާ، ނިއުސްކާސްޓަރެއްގެ ގޮތިގައި މަސައްކަތްކުރާ މީހެއްގެ ހައިޞިއްޔަތުންނެވެ
މިހުރިހާ ސަބަބުތަކެއް މިހެން ހުރިއިރު އަތޮޅުތަކުގެ ރައްޔިތުންވެސް ވިސްނަންޖެހޭ ކަންތައްތަކެއް އެބަހުއްޓެވެ. ރަނގަޅުކުރަންޖެހޭ ކަންތައްތަކެއް އެބަހުއްޓެވެ. އަތޮޅުގައި ހުންނަ ނިއުސްކާސްޓަރަކީ ވަރަށްގިނަ ޕްރެޝަރތަކަކާ ކުރިމަތިލައިގެން ހުންނަ މީހެކެވެ. އަތޮޅުގެ ހުރިހާ ރަށެއްގެ ފޯންތަކަށް އޭނާ ޖަވާބުފާރީވާންޖެހެއެވެ. އެއްގަޑިއެއްގައި އެއްދުވަހެއްގައި ތިން ހަތަރު ރަށުގައި ހަރަކާތެއް އޮވެދާނެއެވެ. މިފަދަ ހާލަތުގައި ކަންތައްވާނެގޮތް އަޅުގަނޑުވާނީ ތަޖުރިބާކޮށްފައެވެ. މިފަދަ ހާލަތެއްގައި ނިއުސްކާސްޓަރ ހުންނަ ރަށުގައި ހަރަކާތެއް އޮންނަނަމަ ސިކުނޑި ސުމަކަށްދާފަހަރު އާދެއެވެ. ނަމަވެސް މިއީ ނިއުސްކާސްޓަރަށް މަސައްކަތުން ރެކިގަނެވޭ، ނުވަތަ އަތޮޅުގެ ހަބަރުތައް ކަވަރ ކުރުމުގައި ކުރިމަތިވާ ގިރާ ނުކުރެވޭ ވަރުގެ ހުރަހަކަށް ވެގެން ނުވާނެއެވެ. ނިއުސްކާސްޓަރާ ރަނގަޅު ގުޅުމެއްބާއްވައި، ދުރާލާ ވާހަކަދެކެވި ކަންކަން ރާވާލުމީ އަތޮޅުތަކުގެ ރައްޔިތުންގެވެސް ޒިންމާއެކެވެ. ނިއުސްކާސްޓަރާއި ވާހަކަދައްކައިގެން ހައްލެން ނުލިބުނުނަމަ، ޓީވީ މޯލްޑިވްސްގެ ކަމާގުޅޭ ވެރިންނާ މަޝްވަރާކުރުން ބުއްދިވެރިކަމަށް އަޅުގަނޑުދެކެމެވެ
އަތޮޅުތަކުގެ ރައްޔިތުން ހިންގާ ހަރަކާތްތައް ޓީވީ މެދުވެރިކޮށް ދައްކާ، އަޑުއިއްވަން އެހާ ޝައުޤުވެރިވާނަމަ، އިންޓަރނެޓްގެ ވަޞީލަތްތައް ލިބެން ހުރި މިންވަރަކުން ފޮޓޯ މެއިލްކޮށްގެންވެސް އެކަން ކުރެވިދާނެއެވެ. ފެކްސްގެ ޒަރީޔާއިންވެސް މައުލޫމާތު ފޮނުވިދާނެއެވެ. ނަމަވެސް ކުރިއަރާފައިވާ މިޒަމާނުގައި މިއީ އެންމެ ރަނގަޅުގޮތްނޫންކަމަށް ޤަބޫލުކުރަމެވެ. ނަމަވެސް އެހާ ޝައުޤުވެރިވާނަމަ، މުޙިންމުކަމެއްކަމަށް ޤަބޫލުކުރާނަމަ މިއީވެސް ގޮތެކެވެ. މިކަން ކުރަނީ ނ،އަތޮޅުގެ ކިތައްރަށުންތޯއެވެ؟ މިގޮތަށް މަސައްކަތްކުރާ ކިތަންމެ އަތޮޅަކާއި ރަށެއް އެބަހުއްޓެވެ. މިފަދަ ރަށްތަކާއި އަތޮޅުތަކުގެ ތެރޭގައި ބިއުރޯގައި ނިއުސްކާސްޓަރ ވަރަށް ރަނގަޅަށް މަސައްކަތްކުރާ އަތޮޅުތަކާއި ރަށްތައްވެސް ހިމެނެއެވެ. މިއީވެސް ވިސްނާލަންޖެހޭ ކަމެކެވެ
ނަމަވެސް އަޅުގަނޑު ހަމަ ތަކުރާރުކޮށްލަން ބޭނުންވަނީ ނ،އަތޮޅުގެ ބިއުރޯ ނުވަތަ މަސައްކަތްކުރާ ނިއުސްކާސްޓަރުގެ މަސައްކަތާ މެދު އަތޮޅުގެ ރައްޔިތުން ވިސްނާލަންޖެހޭކަމަށެވެ. ކަންބޮޑުވެ މާޔޫސްވާނެކަން އަޅުގަނޑަށް ވިސްނެއެވެ. އިޙްޞާސްކުރެވެއެވެ. އަޅުގަނޑަކީ ނ،އަތޮޅަށް އުފަން މީހަކަށްވެފައި، ނިއުސްކާސްޓަރަކަށް ވީތީ ނ،އަތޮޅު ރައްޔިތުންގެ ކަންބޮޑުވުމުގައި އަޅުގަނޑު ބައިވެރިވާކަން ހާމަކޮށް، އަޅުގަނޑުގެ ތަޖުރިބާއާ ވިސްނުން ޙިއްޞާކޮށްލީއެވެ
ޓީވީ މޯލްޑިވްސްގެ އަތޮޅުބިއުރޯތަކަކީ ވަރަށްބޮޑަތި ހޭދަތަކެއް ކޮށްގެން، ވަރަށް މުޙިންމު މަޤްޞަދެއްގައި ޤާއިމްކުރައްވާފައިވާ ތަންތަނެވެ. ބިއުރޯ އުފެދުމުންނާ، ބިއުރޯ އުފެދުމުގެ ކުރިންވެސް ރާއްޖޭގެ އެންމެގިނަ އަތޮޅުތަކަށް ދަތުރުކޮށް، އެންމެގިނަ ރަށްރަށުގެ މައުލޫމާތު ޢާންމުންނާ ހަމައަށް ފޯރުވައިދިން މީހަކީ ނ،ލަންދުއަށް އުފަން އަޅުގަނޑުކަމަށްވުން ވަރަށްކައިރިއެވެ. ނަމަވެސް ސީދާ އަދަދު ބެލިފައިނެތުމުން އެކަން ޔަޤީންނުކުރެވުނުނަމަވެސް، އެންމެގިނަ ރަށްރަށަށްގޮސް، އެންމެގިނަ ރިޕޯރޓްތަކާއި ޚަބަރުތައް ގެނެސްދިން ޓީވީ މޯލްޑިވްސްގެ ނިއުސްކާސްޓަރުންގެ ތެރޭގައި އަޅުގަނޑު ހިމެނޭނެއެވެ. ނިއުސްކާސްޓަރަކަށް ބަދަލުވުމުގެ ކުރިން ޖާރނަލިސްޓް ޓްރޭނީއެއްގެ ގޮތުގައިވެސް މިމަސައްކަތް އަޅުގަނޑުވާނީ ކޮށްފައެވެ. މީގެތެރޭގައި ނ،އަތޮޅަށް އަޅުގަނޑު ކުރި ދަތުރާއި، އެދަތުރުގައި ހެދި ރިޕޯރޓްތައްވެސް ހިމެނެއެވެ
ނ،އަތޮޅަށް އުފަން ދަރިއަކަށްވެހުރެ ރާއްޖޭގެ އެންމެބޮޑު ޚަބަރުފަތުރާ ވަޞީލިަތްކަމަށްވާ ޓީވީ މޯލްޑިވްސްގެ ސީނިއަރ ނިއުސްކާސްޓަރެއްގެ ވަޒީފާ އަޅުގަނޑު އަދާކުރަމުންދާ ހިނދު، ނ،އަތޮޅުގެ ޚަބަރުތައް ޓީވީ މޯލްޑިވްސްގެ ޒަރީޔާއިން ފެންނަ މިންވަރު މަދުވާތީ އަޅުގަނޑުވެސް ކަންބޮޑުވެ ދެރަވެއެވެ. އެކަމުގެ ސަބަބުތައް ހޯދަން ބޭނުންވެ، އެކަމާމެދު ވިސްނާ ފިކުރިކުރަމެވެ
އަޅުގަނޑަށް ވިސްނޭގޮތުގައި މައްސަލައަކީ ބިއުރޯއެއްނޫނެވެ. އަލީ ސުލައިމާން މަސައްކަތްކުރި ކޮންމެ އަތޮޅެއްގެ ޚަބަރުތަކާއި، ރިޕޯރޓްތައްވެސް ވަކިއަތޮޅަކަށް ތަފާތެއްނެތި ގެނެސްދީފައިވުމީ މީގެހެއްކެކެވެ. ކޮންމެ ބިއުރޯއެއްގައިވެސް ކެމެރާއާ، ލެޕްޓޮޕް އޮންނާނެއެވެ. ދަތުރުކުރުމުގައި ހަމަޖެހިފައިވަނީ އެއްއުޞޫލެކެވެ. އެކިއަތޮޅުތަކުގައި ހުރި ތަފާތަކަށް އޮންނާނީ ބިއުރޯ ހުންނަ އިމާރާތުގެ ކުޑަ ބޮޑުމިނެވެ. ނަމަވެސް މިއީ މަސައްކަތް ތަފާތުވާންވީ ސަބަބެއް ނޫނެވެ. ނ،އަތޮޅުގައި މީގެކުރިން މަސައްކަތްކުރި ނިއުސްކާސްޓަރުން އެހެން އަތޮޅުތަކުގައި ރަނގަޅު މަސައްކަތްތަކެއް ކުރާނަމަ އެއީ ވިސްނަންޖެހޭކަމެކެވެ. ނ،އަތޮޅުގައި މީގެކުރިން މަސައްކަތްކުރީވެސް ނ،އަތޮޅަށް އުފަން ދަރިއެކެވެ. އޭނަގެ ޝަކުވާތައްކުރީވެސް ނ،އަތޮޅުގެ ބައެއް ރައްޔިތުންނެވެ. މިއަދު އޭނާ އެހެން އަތޮޅެއްގައި ހުރެ ރަނގަޅު ރިޕޯރޓްތަކެއް ހެދުމުގައި ދެސަބަބެއް އޮވެދާނެކަމަށް އަޅުގަނޑުގެ ތަޖުރިބާގައި ޤަބޫލުކުރެވެއެވެ. ފުރަތަމަ ސަބަބަކީ ވޭތުވެދިޔަ މުއްދަތުގައި އޭނާގެ ތަޖުރިބާ ބޮޑުވުމެވެ. ނ،އަތޮޅަކީ މިދާއިރާގައި އޭނާ މަސައްކަތްކުރި ފުރަތަމަ އަތޮޅެވެ. ދެވަނަ ސަބަބަކީ ނ،އަތޮޅުގައި މަސައްކަތްކުރުމުގައި ހުރަސްތަކެއް ނުވަތަ ފިއްތުންތަކެއް ހުރުމެވެ. މިކަން އެންމެ ރަނގަޅަށް ވަޒަންކުރެވޭނީ އަތޮޅުގެ ރައްޔިތުންނަށާއި، އަތޮޅުގައި މަސައްކަތްކުރި ނިއުސްކާސްޓަރުންނަށެވެ
މީގެއިތުރުންވެސް ވިސްނާލަންޖެހޭ އެހެންކަމެއް އެބައޮތެވެ. ކޮންމެ ނިއުސްކާސްޓަރަކީ އަލީ ސުލައިމާނަކަށް ނުވާނެއެވެ. އަލީ ސުލައިމާން ޓީވީ މޯލްޑިވްސްއާ ގުޅުނީވެސް މިދާއިރާގެ ގިނަ ތަޖުރިބާތަކަކާއެކުގައެވެ. ނަމަވެސް މިހާރު ބިއުރޯތަކުގައި މަސައްކަތްކުރާ މުވައްޒަފުންނަކީ މުޅިން އަލަށް މިދާއިރާއަށް ނިކުމެފައިވާ ކުރުމުއްދަތެއްގެ ތަމްރީން ދީފައިވާ ބައެކެވެ. ނަމަވެސް އަލީ ސުލައިމާނާ އެއްވަރު ނުވިނަމަވެސް، އަތޮޅުގެ ރައްޔިތުން ހިތްހަމަ ޖެހޭވަރުގެ، ބެލުންތެރިން ޤަބޫލުކުރާވަރުގެ މަސައްކަތްތަކެއް ކުރެވެންވާނެކަމަށް އަޅުގަނޑު ޤަބޫލުކުރަމެވެ. މިދާއިރާއަށް ކުރިމަތިވެފައިވާ އެންމެ ބޮޑު ގޮންޖެހުމަކީ ފެންވަރު ހުރި ރަނގަޅު މީހުން ނުލިބުމެވެ. ޝައުޤުވެރިކަން ހުރި ފެންވަރު ރަނގަޅު މީހުން ހޯދުމަށް ކުރެވޭ މަސައްކަތް އެހާ ކާމިޔާބެއްނޫނެވެ. މީހުން ހޯދުމާ، އިންޓަރވިއުކުރުމުގައި ހަރަކާތްތެރިވާ މީހެއްގެ ހައިޞިއްޔަތުން މިކަން އަޅުގަނޑަށް ދަނީ ތަޖުރިބާކުރެވެމުންނެވެ. ނިއުސްކާސްޓަރުން ތަމްރީން ކުރުމުގެ އިތުރު ބުރެއްވެސް މިހާރު ވަނީ ފެށިފައެވެ. އަޅުގަނޑު އުއްމީދުކުރަނީ ކައިރި މުސްތަޤްބަލެއްގައި ނ،އަތޮޅުގައިވެސް ރަނގަޅު ނިއުސްކާސްޓަރެއް މަސައްކަތްކުރާނެކަމަށެވެ. އަޅުގަނޑުމެން ފޮނުވަނީ އެއް ތަމްރީނެއް ފުރިހަމަކޮށްފައިވާ، އެތަމްރީނުން ފާސްވެފައިވާ މީހުންނެވެ. މަސައްކަތުގައި އެންމެންގެ ފަރާތުން ތަފާތުތައް ފެންނަމުންދާނަމަ ރައްޔިތުން ކަންބޮޑުވެ މާޔޫސްވާނެއެވެ. އެކަންބޮޑުވުމާ މާޔޫސްކަން ދެހައިޞިއްޔަތަކުން އަޅުގަނޑަށް އިޙްޞާޞްކުރެވެއެވެ. ނ،އަތޮޅަށް އުފަން ދަރިއެއްގެ ހައިޞިއްޔަތުންނާ، ނިއުސްކާސްޓަރެއްގެ ގޮތިގައި މަސައްކަތްކުރާ މީހެއްގެ ހައިޞިއްޔަތުންނެވެ
މިހުރިހާ ސަބަބުތަކެއް މިހެން ހުރިއިރު އަތޮޅުތަކުގެ ރައްޔިތުންވެސް ވިސްނަންޖެހޭ ކަންތައްތަކެއް އެބަހުއްޓެވެ. ރަނގަޅުކުރަންޖެހޭ ކަންތައްތަކެއް އެބަހުއްޓެވެ. އަތޮޅުގައި ހުންނަ ނިއުސްކާސްޓަރަކީ ވަރަށްގިނަ ޕްރެޝަރތަކަކާ ކުރިމަތިލައިގެން ހުންނަ މީހެކެވެ. އަތޮޅުގެ ހުރިހާ ރަށެއްގެ ފޯންތަކަށް އޭނާ ޖަވާބުފާރީވާންޖެހެއެވެ. އެއްގަޑިއެއްގައި އެއްދުވަހެއްގައި ތިން ހަތަރު ރަށުގައި ހަރަކާތެއް އޮވެދާނެއެވެ. މިފަދަ ހާލަތުގައި ކަންތައްވާނެގޮތް އަޅުގަނޑުވާނީ ތަޖުރިބާކޮށްފައެވެ. މިފަދަ ހާލަތެއްގައި ނިއުސްކާސްޓަރ ހުންނަ ރަށުގައި ހަރަކާތެއް އޮންނަނަމަ ސިކުނޑި ސުމަކަށްދާފަހަރު އާދެއެވެ. ނަމަވެސް މިއީ ނިއުސްކާސްޓަރަށް މަސައްކަތުން ރެކިގަނެވޭ، ނުވަތަ އަތޮޅުގެ ހަބަރުތައް ކަވަރ ކުރުމުގައި ކުރިމަތިވާ ގިރާ ނުކުރެވޭ ވަރުގެ ހުރަހަކަށް ވެގެން ނުވާނެއެވެ. ނިއުސްކާސްޓަރާ ރަނގަޅު ގުޅުމެއްބާއްވައި، ދުރާލާ ވާހަކަދެކެވި ކަންކަން ރާވާލުމީ އަތޮޅުތަކުގެ ރައްޔިތުންގެވެސް ޒިންމާއެކެވެ. ނިއުސްކާސްޓަރާއި ވާހަކަދައްކައިގެން ހައްލެން ނުލިބުނުނަމަ، ޓީވީ މޯލްޑިވްސްގެ ކަމާގުޅޭ ވެރިންނާ މަޝްވަރާކުރުން ބުއްދިވެރިކަމަށް އަޅުގަނޑުދެކެމެވެ
އަތޮޅުތަކުގެ ރައްޔިތުން ހިންގާ ހަރަކާތްތައް ޓީވީ މެދުވެރިކޮށް ދައްކާ، އަޑުއިއްވަން އެހާ ޝައުޤުވެރިވާނަމަ، އިންޓަރނެޓްގެ ވަޞީލަތްތައް ލިބެން ހުރި މިންވަރަކުން ފޮޓޯ މެއިލްކޮށްގެންވެސް އެކަން ކުރެވިދާނެއެވެ. ފެކްސްގެ ޒަރީޔާއިންވެސް މައުލޫމާތު ފޮނުވިދާނެއެވެ. ނަމަވެސް ކުރިއަރާފައިވާ މިޒަމާނުގައި މިއީ އެންމެ ރަނގަޅުގޮތްނޫންކަމަށް ޤަބޫލުކުރަމެވެ. ނަމަވެސް އެހާ ޝައުޤުވެރިވާނަމަ، މުޙިންމުކަމެއްކަމަށް ޤަބޫލުކުރާނަމަ މިއީވެސް ގޮތެކެވެ. މިކަން ކުރަނީ ނ،އަތޮޅުގެ ކިތައްރަށުންތޯއެވެ؟ މިގޮތަށް މަސައްކަތްކުރާ ކިތަންމެ އަތޮޅަކާއި ރަށެއް އެބަހުއްޓެވެ. މިފަދަ ރަށްތަކާއި އަތޮޅުތަކުގެ ތެރޭގައި ބިއުރޯގައި ނިއުސްކާސްޓަރ ވަރަށް ރަނގަޅަށް މަސައްކަތްކުރާ އަތޮޅުތަކާއި ރަށްތައްވެސް ހިމެނެއެވެ. މިއީވެސް ވިސްނާލަންޖެހޭ ކަމެކެވެ
ނަމަވެސް އަޅުގަނޑު ހަމަ ތަކުރާރުކޮށްލަން ބޭނުންވަނީ ނ،އަތޮޅުގެ ބިއުރޯ ނުވަތަ މަސައްކަތްކުރާ ނިއުސްކާސްޓަރުގެ މަސައްކަތާ މެދު އަތޮޅުގެ ރައްޔިތުން ވިސްނާލަންޖެހޭކަމަށެވެ. ކަންބޮޑުވެ މާޔޫސްވާނެކަން އަޅުގަނޑަށް ވިސްނެއެވެ. އިޙްޞާސްކުރެވެއެވެ. އަޅުގަނޑަކީ ނ،އަތޮޅަށް އުފަން މީހަކަށްވެފައި، ނިއުސްކާސްޓަރަކަށް ވީތީ ނ،އަތޮޅު ރައްޔިތުންގެ ކަންބޮޑުވުމުގައި އަޅުގަނޑު ބައިވެރިވާކަން ހާމަކޮށް، އަޅުގަނޑުގެ ތަޖުރިބާއާ ވިސްނުން ޙިއްޞާކޮށްލީއެވެ
Subscribe to:
Post Comments (Atom)
0 ޚިޔާލު:
Post a Comment