ޚަބަރު: އަޙްމަދު ދާއޫދު

ސސސސސއިރުފުށީ ރިސޯޓްގެ މޫދު ރޫމެއް ފޮޓޯ (ޓިންޓޮން)ސ

މިމަހުގެ 21 ގައި ހުޅުވަންހަމަޖެހިފައިވާ އިރުފުށި ބީޗް އެންޑް ސްޕާ ރިސޯޓުން މިއަހަރުގެ މޭއި ޖޫން ޖުލައި ގައި އެރިސޯޓަށް މީހުންނެގުމަށް 3 ފަހަރެއްގެމަތިން ނ.އަތޮޅުގެ ގިނަރަށްތަކަކަށް ވަނީ ޒިޔާރަތްކޮށްފައެވެ. އެގޮތުން ލަންދޫއަށް ވެސް އެބޭފުޅުން ޒިޔާރަތްކުރައްވާ ފުދޭވަރެއްގެ ގިނަބަޔަކަށް އެޕްލިކޭޝަން ފޯމް ދޫކުރެއްވިއެވެ. އަދި ވަޒީފާއަށް އެދި ފޯމްހުށަހަޅާފައިވާ ފަރާތްތަކާ ވަރަށްްއަވަހަށް ގުޅަމުން ގެންދާނެވާހަކަވެސް އެބޭފުޅުން ހާމަކުރެއްވިއެވެ.
ވޭތުވެ 3 މަހެއްހާދުވަހުގެ ތެރޭގައި ލަންދޫގެ އެއްވެސް ފަރާތަކާއި ފޯނުންވެސް އަދި އެހެންގޮތަކުންވެސް އިރުފުށިން ގުޅާފައިވޭތޯ ބެލުމަށްޓަކައި ވަޒީފާއަށް އެޕްލައިކުރި ފަރާތްތަކާއި ލަންދޫއިންފޯގެފަރާތުން ގުޅާ ސާފުކުރުމުން އަދި މިހާތަނަށް އެއްވެސް ފަރާތަކަށް އެބޭފުޅުން ގުޅާފައި ނުވާކަން އެގުނެވެ.
އެހެންކަމުން ލަންދޫއިންފޯގެ ފަރާތުން އިރުފުށްޓާ ގުޅައިގެން މިވަނީ ކިހިނެއްތޯ ސާފުކުރީމެވެ. އިރުފުށީ ބީޗް އެންޑް ސްޕާރިސޯޓުން ލަންދޫއިންފޯއަށް މަޢުލޫމާތު ދެއްވި ބޭފުޅާ އެރިސޯޓްގެ އެޗް،އާރު ކްލާރކް ނާހިދު ވިދާޅުވީ މީހުންނުނެގިލަސްވާ އެންމެބޮޑުސަބަބަކީ ސްޓާފުން ނަށް އެރިސޯޓްގައި އެކޮމަޑޭޝަން ހަމަޖެހިފާއަދިވަނީ ވަރަށް މަދުޢަދަދަކަށް ވާތީއެވެ. އިތުރަށް އެބޭފުޅާ ސާފުކޮށްދެއްވަމުން ވިދާޅުވީ މިހާރު މިއަތޮޅު މަނަދޫއިންނާއި ހޮޅުދޫން މީހުންނަގައިފި ކަމަށާއި އެހުރިހާމީހުންވެސް ބައިތިއްބާފައިވަނި ޖުމުލަ 2 ރޫމުގައި ކަމަށެވެ.
އެބޭފުޅާ ވިދާޅުވީ އެކޮމަޑޭޝަން ހަމަޖެހޭވަރަކުން ރަށްރަށުން މީހުން ނަގަމުންދާނެކަމަށެވެ. އެގޮތުން މާދަމާ ނުވަތަ މާދަމާނޫން އަނެއްދުވަހު ލަންދޫ މާޅެންދޫ މާފަރު މިތިންރަށަށް މީހުންނަގަންދެވޭވަރު ވާނެކަމަށް ލަފާކުރެއްވޭ ކަމަށެވެ.
ލަންދޫއިންފޯއިން އެދެނީ ނ.އަތޮޅުގެ ގިނަޢަދަދެއްގެ މީހުންނަށް ޚާއްޞަކޮށް ލަންދޫއިން އެޕްލައިކޮށްފައިވާ މީސްމީހުންނަށް އަވަސް ގޮތެއްގައި މިރިސޯޓުން ވަޒީފާ ހަމަޖެހިގެންދިއުމެވެ.