ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Thursday, 27 November 2008
އިސްދަރިވަރުންގެ އިސްނެގުމަށް މަރުޙަބާ
ލިއުނީ: މޫސާޙުސެއިން / މިހާސް
އިސްދަރިވަރަކަށް ވުމުގެނަސީބުލިބުނުހިދު އިސްދަރިވަރުންގެ އިސްނެގުމަށް މަރުޙަބާކިޔަމެވެ.
ޙަޤީގަތުގައި މިއަދުފެނިގެން މިދަނީމީގެއެތަކެއް އަހަރުދުވަހެއްކުރިން ފެށިގެން އަޅުގަނޑު ކުރަމުންއައިއުންމީދެއް ޙަޤީގަތަކަށްވެގެންދާ ތަނެވެ.
އަތޮޅުގެނަމަށް ނިސްބަތްކޮށް ނަންދެވިފައިވާ ދެސުކޫލުންކުރެ އެއްސުކޫލުކަމުގައިވާ ނ.އަތޮޅުމަދަރުސާއަށް 30 އަހަރުފުރެން އަންނައިރު މިއަދު މިސުކޫލުމިވަނީ ޙަޤީތުގައިވެސް ސުކޫލަށްހެޔޮއެދޭ ބައެއްގެ އެހީތެރިކަމަށް ނިހާޔަތަށްބޭނުންވެފައެވެ.
މިކަމަށްއިސްނަގައި، އިސްދައުރެއް އަދާކުރައްވަމުން ގެންދަވާހިތްވަރު ގަދަޓީމަށް ނުޙަނުއިޚްލާސްތެރިކަމާއެކު މަރުޙަބާއާއިމުބާރިކްބާދީ ދަންދަނަވަމެވެ.
ސުކޫލަކަށް 30 އަހަރުފުރުމަކީ ކުޑަކަމެއްނޫނެވެ. 30 އަހަރަކީމަދު ދުވަސްކޮޅެއްނޫނެވެ. ތަނެއްކުރިއަރާ ދިއުމަށް ކުރުމުއްދަތެއްވެސްނޫނެވެ. މިކަންވިސްނިމިކަމަށް އިސްނެންގެވި އިސްދަރިވަރުންގެ ޓީމަށް ނ.އަތޮޅުމަދަރުސާގެ ހުރިހާ އިސްދަރިވަރުންގެ އެއްބާރުލުންދެއްވާ ނ.އަތޮޅު މަދަރުސާ ސުކޫލުގެނަމާއި އެއްވަރުގެ ސުކޫލަކަށްހެދުމަށް މަސއްކަތްކޮށް ދެއްވުމަށް އަޅުގަނޑު ގޮވާލަމެވެ.
ނ.އަތޮޅުމަދަރުސާގެ އިސްދަރިވަރުންގެ ޖަމުއިއްޔާއެއް އުފައްދައި ސުކޫލަށް ބެނުންވާ ކަންތައްތައް ހަމަޖެއްސުމަށް މިނިސްޓްރީގެ ކަމާބެހޭފަރާތްތަކާއި ބައްދަލުކުރުމަށްނިންމި ނިންމުމަކީ ވަރަށް ރަނގަޅު ނިންމުމެއްކަމަށް އަޅުގަނޑު ޤަބޫލުކުރަމެވެ. އަދިމިކަމުގައި ފުރަތަމަ ބައިވެރިވި ފުރަތަމަ ބައްދަލުވުމަށް ދުރުވެލެއްވި ބޭފުޅުންނަށް މަރުޙަބާ ކިޔަމެވެ. ހަމަމިއާއެކު މިޓީމުގައި ހިމެނިލެއްވި ބައެއް"ބޭފުޅުން" ހިމެނިވަޑައި ނުގެންނެވީތީ ހިތާމަކުރަމެވެ.
މިނިސްޓްރީގެ އިސްފަރާތްތަކާއި ބައްދަލުކުރެއްވުމުގެ ކުރިން މިޓީމްގައި ހިމެނިލައްވާ މެންބަރުން ސުކޫލުގެބެލެނިވެރިންނާއި، ޓީޗަރުންނާއި ދަރިވަރުންނާއި އަދިސުކޫލުގެ މެނޭޖްމެންޓާއިސީދާބައްދަލްކުރައްވާ މިފަރާތްތަކުގެ ޚިޔާލާއި މަޝްވަރާ ހޯއްދެވުމަކީ ވަރަށް މުހިންމު އަދިބޭނުންތެރި ކަމެއްކަމުގައި އަޅުގަނޑު ދެކެމެވެ.
ނ. އަތޮޅުމަދަރުސާއަށް 30 އަހަރުފުރޭއަހަރު ކަމުގައިވާ 2009 ވަނައަހަރުގެ ދިރާސީ އަހަރުގެ ކިޔެވުން ފެށޭއިރަށް ސުކޫލުގެކަންތައްތައް މިހާރަށްވުރެ ރަގަޅުކޮށް ހަރުދަނާކުރުމަށްޓަކައި ރަނގަޅުގޮތް ތަކެއް ނިންމޭތޯބެލުމަކީ މިހިދުންމިހިދަށްވެސް ވަރަށް މުހިންމު ކަމެއްކަމުގައި އަޅުގަނޑު ދެކެމެވެ.
ސުކޫލެއްގެ އަހަރީދުވަސް ކުލަގަދަ ގޮތެއްގައި ފާހަގަކުރުމަކީ ހަނދާނީ ބިނާއެއް ހަދާކުލަގަދަ ލޯގޯއެއް ތައްޔާރުކޮށް ފެންވަރުގެ ޖަލްސާއެއްބޭއްވުންކަމަށް އަޅުގަނޑުވެސް ޤަބޫލެއްނުކުރަމެވެ.
ޙަޤީގަތަކީ ސުކޫލެއްގެ ތާރީޚީ އަހަރީދުވަހެއް އެންމެ ފުރިހަމަގޮތުގައި ފާހަގަކޮށްދެވުން ކަމަށްވާނީ އެދުވަހާއި ގުޅުވައިގެން ސުކޫލުގައި ކިޔަވަމުންދާ ދަރިވަރުންނަށް އަޚްލާޤާއި ސުލޫކުގެ ގޮތުންނާއި އަދި ތަޢުލީމީ ގޮތުން ކުރިއެރުންތަކެއް ޙާސިލްކުރެވޭނެ ފަދަކަންތައްތަކެއް ކޮށްދިނުމުންނެވެ.
ނ. އަތޮޅުމަދަރުސާގެ އިސްދަރިވަރުންގެ ޖަމްޢިއްޔާއިން އިސްނަންގަވައިގެން ކުރައްވަމުންގެންދަވާ މަސައްކަތުގައި މަނަދޫގައި ތިއްބެވި" ބޭފުޅުން" ފަހަތައްޖެހިވަޑައި ނުގެންރަށާއި، އަތޮޅައްޓަކައި މިކަމުގައި ޢަމަލީގޮތުން ބައިވެރިވެލެއްވުމަކީ ވަރަށް މުހިންމު އަދި ބޭނުންތެރި ކަމެއްކަމުގައި އަޅުގަނޑު ދެކެމެވެ.
Subscribe to:
Post Comments (Atom)
0 ޚިޔާލު:
Post a Comment