ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Monday, 10 November 2008
ޖުމްހޫރީދުވަހުގެ މުނާސަބަތުގައި ތަހްނިޔާ އާއި މަރުޙަބާ ދަންނަވަމެވެ
ލިޔުނީ : އަޙްމަދު ދާއޫދު
މާދަމާއަކީ މިއަހަރުގެ އުފާވެރި ޖުމުހޫރީ ދުވަހެވެ. އެހެންކަމުން ދުވަހުގެ މުނާސަބަތުގައި މިބްލޮގް ބައްލަވާ އެންމެހައި ބޭފުޅުން ނަށާއި ރާއްޖޭގެ އެންމެހައި އަޚުންނާއި އުޚުތުންނަށް ތަހްނިޔާއާއި މަރުޙަބާ ދަންނަވަމެވެ.
ޖުމުހޫރީ ދުވަހަކީ ވަރަށް މުހިއްމު މުނާޞަބަތެކެވެ. އެދުވަހަކީ ރާއްޖޭގެ ވެރިކަމުގެ ނިޒާމަށް ގެނެވުނު ބަދަލަކާއި ގުޅިގެން ފާހަގަކުރެވޭ ދުވަހެކެވެ. ރާއްޖޭގައި ކުރިން ހިންގަމުން އައިސްފައިވަނީ ރަސްކަމެއް ކަމަށްވެފައި، 1968 ވަނައަހަރުންފެށިގެން ހިނގަމުން މިދަނީ ޖުމްހޫރީ ވެރިކަމެކެވެ. ރާއްޖޭގެ ރައްޔިތުން ދާދިފަހުންވެސް ނިންމީ ރާއްޖޭއާއި އެންމެގުޅޭ ވެރިކަމުގެ ނިޒާމަކީ ރިޔާސީ ނިޒާމްކަމުގައެވެ.
އާދެ ! ޖުމުހޫރީ ވެރިކަމުގެ އުޞޫލު ބިނާވެގެންވަނީ ރައްޔިތުން އިންތިޚާބުކުރާ ވެރިކަމެއްގެ މައްޗަށެވެ. އަޣުލަބިއްޔަތަށް ފެންނަގޮތެއްގެ މަތިން ޤައުމުގެ ކަންތައްތައް ގެންދާ އުޞޫލުގެ މައްޗަށެވެ. މިއީ އިސްލާމް ދީނުގައި މަޝްވަރާގެ އުޞޫލު ނިޔާކުރާގޮތްވެސް މެއެވެ. ކީރިތި ރަސޫލާ ސުވަރުގެ ވަޑައިގަތުމުން މުސްލިމުން އެބައިމީހުން ގެ ކަންތައް ހިންގާނޭ ވަލިއްޔުލް އަމުރަކު އިންތިޚާބުކުރީ ، އެބައިމީހުންގެ މެދުގައި މަޝްވަރާކޮށް އަޣުލަބިއްޔަތަށް ފެނުނުގޮތެއްގެ މަތިންނެވެ.
މިއަދު އަޅުގަނޑުމެންވެސް ގުނަމުން މިދަނީ މިފަދައަޣްލަބިއްޔަތެއްގެ ދަށުން ރާއްޖޭގެ ވެރިކަން ހިންގަވާނެ ވެރިއަކު އިންތިޚާބުކޮށް ރާއްޖޭގެ ރައްޔިތުންނަށް މިވެރިކަމުގެ ދަށުން ލިބިދޭނެ ބާއްޖަވެރިކަމެއްގެ އިންތިޒާރު ގެ ނިމުން ފާހަގަކުރާ އެންމެފަހު ދުވަސްކޮޅެވެ. 11 ނޮވެމްބަރ 2008 ދުވަހުގެ ފަހުން ކުރިއަށް އޮތް 5 އަހަރުދުވަހަށް މިޤައުމުގެ ވަލިއްޔުލް އަމުރާއި ޙަވާލުވެ ވަޑައިގަންނަވާނީ އަލްފާޟިލް މުޙައްމަދު ނަޝީދެވެ. މުޅިން އައު ވެރިއެކެވެ. ރައްޔިތުންގެ އިޙްސާސްތައް ދެނެވަޑައިގަންނަވާ ބޭފުޅެއްކަމަށް ގިނަބަޔަކު ބުނަމުން ތާއީދު ކުރަމުން އައި ބޭފުޅެކެވެ. އެހެންކަމުން އިސްވެ ލަންދޫއިންފޯގެ ނަމުގަޔާއި އަދި އަަޅުގަނޑުގެ އަމިއްލަނަމުގައި އެބޭފުޅާއަށް ޖުމުހޫރީ ދުވަހުގެ ތަހްނިޔާ ދަންނަވަމެވެ.
އަދި ހަމަމިނޭވާގައި މިޤައުމުގެ ސިޔާސީ ނައު މިއަދާހަމައަށް ވާސިލްވިއިރު ޤައުމުގެ އެންމެމަތީ ވެރިއަކަށް ހުންނެވުމަށް މާތްﷲ މިންވަރުކުރެއްވި ދިވެހިރާއްޖޭގެ ރައީސުލް ޖުމުހޫރިއްޔާ އަލްއުސްތާޛް މައުމޫން ޢަބުދުލް ޤައްޔޫމް ، އެމަނިކުފާނު މިއަދު އެދެއްކެވި ޑިމޮކްރަސީގެ ރިވެރި ނަމޫނާއަށް ޓަކައި އިޚްލާޞްތެރިކަމާއި އެކު އެމަނިކުފާނަށް ޝުކުރުދަންނަވަމެވެ. އަދި ހަމައެއާއިއެކު ޖުމްހޫރީ ދުވަހުގެ ތަހްނިޔާ އާއި މުބާރަކު ބާދީ އެމަނިކުފާނަށް އަރިސްކުރަމެވެ.
މިޤައުމުގެ އަމާންކަމާއި، މިނިވަންކަމާއި ، ސިޔާދަތާއި ، އިސްތިޤްލާލު ، ރައްކާތެރިކުރައްވާ މިލޮބުވެތި ވަޠަން މިނިވަންކަންމަތީ އަބަދަށް ލަހައްޓަވާށިއެވެ.
ޖުމުހޫރީ ދުވަހަކީ ވަރަށް މުހިއްމު މުނާޞަބަތެކެވެ. އެދުވަހަކީ ރާއްޖޭގެ ވެރިކަމުގެ ނިޒާމަށް ގެނެވުނު ބަދަލަކާއި ގުޅިގެން ފާހަގަކުރެވޭ ދުވަހެކެވެ. ރާއްޖޭގައި ކުރިން ހިންގަމުން އައިސްފައިވަނީ ރަސްކަމެއް ކަމަށްވެފައި، 1968 ވަނައަހަރުންފެށިގެން ހިނގަމުން މިދަނީ ޖުމްހޫރީ ވެރިކަމެކެވެ. ރާއްޖޭގެ ރައްޔިތުން ދާދިފަހުންވެސް ނިންމީ ރާއްޖޭއާއި އެންމެގުޅޭ ވެރިކަމުގެ ނިޒާމަކީ ރިޔާސީ ނިޒާމްކަމުގައެވެ.
އާދެ ! ޖުމުހޫރީ ވެރިކަމުގެ އުޞޫލު ބިނާވެގެންވަނީ ރައްޔިތުން އިންތިޚާބުކުރާ ވެރިކަމެއްގެ މައްޗަށެވެ. އަޣުލަބިއްޔަތަށް ފެންނަގޮތެއްގެ މަތިން ޤައުމުގެ ކަންތައްތައް ގެންދާ އުޞޫލުގެ މައްޗަށެވެ. މިއީ އިސްލާމް ދީނުގައި މަޝްވަރާގެ އުޞޫލު ނިޔާކުރާގޮތްވެސް މެއެވެ. ކީރިތި ރަސޫލާ ސުވަރުގެ ވަޑައިގަތުމުން މުސްލިމުން އެބައިމީހުން ގެ ކަންތައް ހިންގާނޭ ވަލިއްޔުލް އަމުރަކު އިންތިޚާބުކުރީ ، އެބައިމީހުންގެ މެދުގައި މަޝްވަރާކޮށް އަޣުލަބިއްޔަތަށް ފެނުނުގޮތެއްގެ މަތިންނެވެ.
މިއަދު އަޅުގަނޑުމެންވެސް ގުނަމުން މިދަނީ މިފަދައަޣްލަބިއްޔަތެއްގެ ދަށުން ރާއްޖޭގެ ވެރިކަން ހިންގަވާނެ ވެރިއަކު އިންތިޚާބުކޮށް ރާއްޖޭގެ ރައްޔިތުންނަށް މިވެރިކަމުގެ ދަށުން ލިބިދޭނެ ބާއްޖަވެރިކަމެއްގެ އިންތިޒާރު ގެ ނިމުން ފާހަގަކުރާ އެންމެފަހު ދުވަސްކޮޅެވެ. 11 ނޮވެމްބަރ 2008 ދުވަހުގެ ފަހުން ކުރިއަށް އޮތް 5 އަހަރުދުވަހަށް މިޤައުމުގެ ވަލިއްޔުލް އަމުރާއި ޙަވާލުވެ ވަޑައިގަންނަވާނީ އަލްފާޟިލް މުޙައްމަދު ނަޝީދެވެ. މުޅިން އައު ވެރިއެކެވެ. ރައްޔިތުންގެ އިޙްސާސްތައް ދެނެވަޑައިގަންނަވާ ބޭފުޅެއްކަމަށް ގިނަބަޔަކު ބުނަމުން ތާއީދު ކުރަމުން އައި ބޭފުޅެކެވެ. އެހެންކަމުން އިސްވެ ލަންދޫއިންފޯގެ ނަމުގަޔާއި އަދި އަަޅުގަނޑުގެ އަމިއްލަނަމުގައި އެބޭފުޅާއަށް ޖުމުހޫރީ ދުވަހުގެ ތަހްނިޔާ ދަންނަވަމެވެ.
އަދި ހަމަމިނޭވާގައި މިޤައުމުގެ ސިޔާސީ ނައު މިއަދާހަމައަށް ވާސިލްވިއިރު ޤައުމުގެ އެންމެމަތީ ވެރިއަކަށް ހުންނެވުމަށް މާތްﷲ މިންވަރުކުރެއްވި ދިވެހިރާއްޖޭގެ ރައީސުލް ޖުމުހޫރިއްޔާ އަލްއުސްތާޛް މައުމޫން ޢަބުދުލް ޤައްޔޫމް ، އެމަނިކުފާނު މިއަދު އެދެއްކެވި ޑިމޮކްރަސީގެ ރިވެރި ނަމޫނާއަށް ޓަކައި އިޚްލާޞްތެރިކަމާއި އެކު އެމަނިކުފާނަށް ޝުކުރުދަންނަވަމެވެ. އަދި ހަމައެއާއިއެކު ޖުމްހޫރީ ދުވަހުގެ ތަހްނިޔާ އާއި މުބާރަކު ބާދީ އެމަނިކުފާނަށް އަރިސްކުރަމެވެ.
މިޤައުމުގެ އަމާންކަމާއި، މިނިވަންކަމާއި ، ސިޔާދަތާއި ، އިސްތިޤްލާލު ، ރައްކާތެރިކުރައްވާ މިލޮބުވެތި ވަޠަން މިނިވަންކަންމަތީ އަބަދަށް ލަހައްޓަވާށިއެވެ.
Subscribe to:
Post Comments (Atom)
0 ޚިޔާލު:
Post a Comment