މިފަހަރުވެސް ރަޖިސްޓްރޭޝަންގެ މައްސަލަތަކެއް

ލިޔުނީ: އަހުމަދު ދާއޫދު

މި ތާރީޚީ ވޯޓުލުމުގައި މިރަށުގައި 200 އެއްހާ މީހުން މިހާތަނަށް ވޯޓުލާފާއިވާއިރު ރަޖިސްޓްރޭޝަންގެ މައްސަލާގައާއި އައިޑީ ކާޑުގެ ބައެއްމީހުން ވޯޓުނުލައި ގޮސްފައިވާކަން ވަރަށް ހިތާމަޔާއެކު ފާހަގަކުރަމެވެ.

ރަޖިސްޓްރޭޝަންގެ މައްސަލާގައި ގިނައިން ގޮސްފައިވަނި ރަށަށް އަރުވާލާފައިވާ މީހުންނެވެ. ނަމަވެސް މިރަށުގައި މިހާރު ދިރިއުޅެމުންދާތާ އެތައްދުވަހެއްވެފައިވާ ބައެއްފަރާތްތަކަށްވެސް ރަޖިސްޓްރޭޝަންގެ މައްސަލަ ކުރިމަތިވެފައިވާކަން މިފުރުޞަތުގައި ފާހަގަކޮށްލަން ޖެހެއެވެ.

މިއަދު ހެދުނު 9:00 ޖަހާއިރު ވޯޓުލާންފެށުނީއްސުރެ ފުރަތަމަ ބުރެކޭ އެއްފަދައިން މިބުރުގައިވެސް ވޯޓުލާ މަރުކަޒުގެ ބޭރުގައި މޭޒު ބަހައްޓައިގެން ވޯޓުލަމުންދާ މިހުންގެ މަޢުލޫމާތު ބަލާ ހެދުމުގެ މަސައްކަތް ކުރިއަށް ދެއެވެ.

ވޯޓުލުމުގައި އަދި މިހާތަނަށް އެއްވެސްކަހަލަ ހަމަނުޖެހުމެއް ހިނގާފައިނުވާކަންވެސް ވަރަށް އުފަލާއެކު ފާހަގަކޮށްލަންޖެހެއެވެ.