ކުއްލިޚަބަރު

ގަދަކަމުން ބަދުއަޚްލާޤީ ޢަމަލުހިންގަންއުޅެނިކޮށް އަތުލައިގެންފި

ޚަބަރު: މޫސާ ޙުސެއިން / މިހާސް

މިދުވަސްވަރަކީ ލަންދުއަށް ވަރަށްގަނަޢަދަދެއްގެ ބަޔަކު ކުށްވެރިންގެ ގޮތުގައި އަރުވާލަމުން އަންނަދުވަސްވަރެކެވެ. މިކަމުގެ ސަބަބުން ރަށުގެ މުޖުތަމަޢުގައި ވަރަށް ގިނަނޭދެވޭ ކަންތައްތައް އަންނަނީ ފެންމަތިވަމުންނެވެ.

މިގޮތުން ވައްކަމުގެ މައްސަލައެއްގައި މިރަށަށް ދާދިފަހުން ފޮނުވާލައިފައިވާ ކ.ގުޅި / ނޫވިލާގެ މުޙައްމަދު ޢަޒުމީލް ވަނީ ދާދި ދެންމެއަކު އޭނާ ހުރި ގެކަމުގައިވާ ލަންދޫ ބަރާބަރުގެ ގައި އުޅޭ އެގޭ އަޒީމާއާއި ގަދަކަމުން ބަދުއަޚްލާޤީ ޢަމަލު ހިންގަންއުޅެނިކޮށް ބަޔަކަށް ފެނިގެން އެގެއިން އޭނާ ބޭރުކޮށްލައިފައެވެ.

މީގެ އިތުރުންވެސް ރަށުތެރޭގައި ނޭދެވޭ އެތައްއެތައް ކަންތައްތަކެއް ރަށަށް ފޮނުވާލައިފައިވާ ކުއްވެރިންގެ ސަބަބުން ޢާއްމުވަމުންދާކަން ވަރަށްހިތާމައާއި އެކު ފާހަގަކުރަމެވެ. އެގޮތުން މަސްތުވާ ތަކެތި ގެންގުޅުމާއި ބޭނުން ކުރުންފަދަ ކަންކަން މިދަނީ ގިނަވަމުންނެވެ.

މިކަންކަމާއި މެދު ރަށުގެ ކަމާބެހޭ ބޭފުޅުން ވިސްނާވަޑައިގެން އަވަސްފިޔަވަޅުތަކެއް އަޅުއްވައިދެއްވުމަށް އަޅުގަނޑުމެން އިލްތިމާސްކުރަމެވެ.