ލަންދޫގައި ހުރި އާސާރީ އުސްގަނޑުގެ ނަމަކީ " މާބަދިގެ"
މިއީ މަނަދޫލައިވްއިންނަގާފައިވާ ލިޔުމެކެވެ.

ލިޔުނީ: ޢަބްދުﷲ ސަޢީދު

މިލަދުންމަޑުލު ދެކުނުބުރީ ލަންދޫގައި ހުރި އުސްގަޑަކީ ތާރީޚީ ގޮތުން ބަލާއިރު ރާއްޖޭގެ ތާރީޚާވެސް ގުޅިފައިވާ ތާރީޚީ ޢިލުމުވެރިން ވަރަށް މަތިވެރި ޤަދަރަކާއި ހައިސިއްޔަތެއް ދޭ ތަނެކެވެ. އެތަނުގެ ނަމަކީ ހަގީގަތުގައި ރެދިންގެ މާބަދިގެއެވެ. އެތަނަށް ލަންދޫ މީހުންނާއި ނ. އަތޮޅު މީހުންވެސް ކުރިން ކިޔާ ނަމަކީ މާބަދިގެއެވެ. ނަމަވެސް ފަހަކަށް އައިސް އެތަނަށް މާބުދުގެ އެބަކިޔައެވެ. ރަސްމީ އިދާރާތަކުން ލިޔާ ލިޔެކިޔުންތަކުންވެސް މިކަން ފާހަގަކުރެވެއެވެ. ލަންދޫގެ ލޮބުވެތި ދަރިންވެސް މާބަދިގެއަށް މިހާރު މުޚާތަބު ކުރާތީ އަޑުއިވެނީ މާބުދުގޭގެ ނަމުންނެވެ. އެރަށުމީހުން ކުރިން އެތަނަށްކީ ނަމަކީ " ހަތްކަ" އެވެ.