ބަރަކާތް ތެރި ފިތުރު ޢީދުގެ ތަހްނިޔާ އާއި މުބާރިކްބާދީ އެންމެހައި އަޚުންނާއި އުޚުތުންނަށް ލަންދޫއިންފޯގެ ނަމުގެ ނަމުގައި އަރިސްކުރަމެވެ.

ބަރަކާތްތެރި ރަމަޟާންމަސް އަޅުގަނޑުމެންނާ ވަކިވެގެންދިޔަކަމުގައިވިޔަސް އެމާތް މައްސަރު އަޅުގަނޑުމެންނާ ވަކިވެގެންއެދިޔައީ ވަރަށްމަތިވެރި ޢިބުރަތް ތަކެއް ލިބިދީފައެވެ. ތަޤުވާވެރި ކަމަށް މަގުދައްކައިދީފައެވެ. ހަވާނަފުސުގެ މައްޗަށް ދީނާއި ޟަމީރުގެ ބާރުގަދަކުރުމުގެ މަގުތަނަވަސްކޮށްދީފައެވެ.

އެހެންކަމުން ލަންދޫއިންފޯއިން އެންމެހައި ކިޔުންތެރިންނަށް ޢީދުގެ ތަހާނީ ދަންނަވަމުން ބަރަކާތް ތެރި ރަމަޟާން މަހުން ލިއްބައިދން ދަރުސުތަކުގެ ބޭނުން އެދެވޭގޮތުގައި މުޅިޢުމުރަށް ހިފުމަށް ގޮވާލަމެވެ.

އެމް،ޑީ،ޕީ ގެ ކެމްޕެއިން ޖަލްސާއެއް ރޭބާއްވައިފި

ލިޔުނީ : އަޙްމަދު ދާއޫދު

މަލްޓީޕާޓީ ވާދަކުރާގޮތަށް ފުރަތަމަފަހަރަށް ބޭއްވޭ ރާއްޖޭގެ ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރައްވާ މުޙައްމަދު ނަޝީދު ( އަންނި ) އަށް ތާއީދު ހޯދުމުގެ ގޮތުން ނ.އަތޮޅުގައި ބާއްވާ ޖަލްސާތަކުގެ ތެރެއިން ލަންދޫގައި ރޭޖަލްސާ އެއްބާއްވައިފިއެވެ. އެމްޑީޕީގެ ފަރާތުން މިޖަލްސާ ލަންދޫގައި އިންތިޒާމްކުރީ އެމްޑީޕީގެ ލަންދޫ ( ގޮވެލި ) ގޮފީ ގެ މެމްބަރުންނެވެ.

ރޭ ގާތްގަޑަކަށް 9:00 ގައި ފެށުނު މިޖަލްސާ ފެށިގެންދިޔައީ ޤުރުއާންގެ ބަރަކާތުންނެވެ. ޖަލްސާ ތަޢާރަފްކުރުމުގެ ގޮތުން ވާހަކަދެއްކެވީ އެމްޑީޕީގެ ފަރާތުން ނ.އަތޮޅުގައި އެންމެއިސްކޮށް ކަންކަމުގައި ޙަރަކާތްތެރިވުމަށް ކަނޑައަޅާފައިވާ ނ.ކުޑަފަރި ފަހީމް އެވެ. ފަހީމްގެ ވާހަކައިގާ ޖަލްސާ ތަޢާރަފް ކުރުމުގެ އިތުރުން އަދުގެ ސަރުކާރު ގެ ދޯދިޔާ ކަމުގެ ވާހަކައާއި މިވަގުތު ރައީސުލްޖުމްހޫރިއްޔާގެ މަޤާމްގައި ހުންނެވި އަލްއުސްތާޛު މައުމޫނު ޢަބުދުލްޤައްޔޫމުގެ ސިޔާސަތުތަކާއި އެމްޑީޕީއިން ދެކޮޅުހަދާކަމާއި ، ދެކޮޅުހަދަންޖެހުނު ސަބަބުތައް ވަރަށްތަފްޞީލްކޮށް ހާމަކުރެއްވިއެވެ.

އިތުރަށްވިދާޅުވުމަށްްްް

ޙަފްޞީ ޢަބުދުﷲ

ބޯމަތިވަމުން އަންނަ ބޮޑުޓެސްޓް ތައް..

ލިޔުނީ : މޫސާ ޙުސެއިން / މިހާސް

މިދުވަސްކޮޅަކީ ސްކޫލްތަކުގައި ކިޔަވަމުންގެންދާ ދަރިވަރުންނަށް އެކުދިންގެ ޕްރަމޯޝަން ޓެސްޓް ބޯމަތިވަމުން އަންނަ ދުވަސްވަރެވެ. އަދި ޚާއްޞަކޮށް ގްރޭޑް 10 ގެ ދަރިވަރުންނަށް އިންޓަރނޭޝަނަލް އެގްޒާމްތަކާއި ނޭޝަނަލް އެގްޒާމްތައް ބޯމަތިވަމުން އަންނަދުވަސްވަރެވެ. ވޭތުވެދިޔައަހަރަކީ ލަންދޫގެ ތާރީޚްގައި ފުރަތަމަ ފަހަރަށް ޖީސީއީ ، އައިޖީސީއެސްއީ، އަދި އެސްއެސްސީ އިމްތިހާންތަކުގެ ސެންޓަރަކަށް ލަންދޫސްކޫލް ބަދަލުވެ މިޓެސްޓްތައް ހެދިގެންދިޔަ އަހަރެވެ.

ޖުމްލަ 14 ކުދިން ބައިވެރިވި މިޓެސްޓުން ކޮންމެވެސް އެއްމާއްދާއަކުން ފާސްވެ ސެޓްފިކެޓެއް ނުލިބޭ އެއްވެސް ދަރިވަރަކު ވޭތުވެދިޔައަހަރު ގްރޭޑް 10 ނުނިންމާކަމީ ފުރަތަމަފަހަރަށް ބަލާފާ ލިބުނުބޮޑު ކާމިޔާބެއްކަމަށް ޤަބޫލުކުރަންޖެހެއެވެ.

ވޭތުވެދިޔައަހަރު 14 ކުދިން މިޓެސްޓްތަކުގައި ބައިވެރިވި ނަމަވެސް މިއަހަރު 30 ވަރަކަށް ދަރިވަރުން މިސްކޫލްގެ ފަރާތުން މިޓެސްޓްތަކުގައި ބައިވެރިވާކަމީ ވޭތުވެދިޔައަހަރަށްވުރެ މިއަހަރުގެ ނަތީޖާރަގަޅުކުރެވިދާނެ ކަމަށްކުރެވޭ ވަރަށްބޮޑު އުންމީދެކެވެ.

އިތުރަށްވިދާޅުވުމަށްްްްް

ލިޔުނީ : އަޙްމަދު ދާއޫދު

ލަންދޫސްކޫލްގެ ދަރިވަރުންގެ ހިތްތަކުގައި ޤުރުއާނަށް ލޯބިއިތުރުކޮށް ފަރިތަކޮށް ތަޖްވީދުގެ ހަމަތަކުން ޤުރުއާން ކިޔަވަން ކުދިންނަށް ދަސްކޮށްދީ ޤުރުއާނަށް އަހްލުވެރި ކުރުވުމުގެ މަޤްޞަދުގައި ކޮންމެއަހަރަކުވެސް ރަމަޟާން މަހު ބާއްވަމުން އަންނަ ޤުރުއާން މުބާރާތް އިއްޔެ ނިމިއްޖެއެވެ. ބަލައިގެން ކިޔެވުމާއި ، ހިތުދަސްކޮށްގެން ކިޔެވުމުގެ ބައިހިމެނޭގޮތުން ދެގޮތްޕަކަށް ބަހާލައިގެން ބޭއްވުނު ރަމަޟާން ޤުރުއާން މުބާރާތް 1429 ގައި ކޮންމެ ބަޔަކުންވެސް 5 ޢުމުރުފުރާއަކުން ދަރިވަރުން ބައިވެރިވެފައިވެއެވެ. އެގޮތުން ނުބަލާކިޔުމުގެ ބައިގާ 49 ދަރިވަރުންނާއި ބަލައިގެން ކިޔެވުމުގެ ބައިގާ 49 ދަރިވަރުން އެކި ޢުމުރުފުރާތަކުން ބައިވެރިވެފާ ވެއެވެ.

ދެދުވަހުގެ މުއްދަތަށް ދިގުދެމިގެން ދިޔަ މިމުބާރާތުގައި ޖަޖުންގެ ގޮތުގައި ތިއްބެވީ މުދިމް ޙުސެއިން އާދަމާއި ، މުދިމް ޢަބުދުއްރަޙީމް ޢަބުދުއްރަޙްމާނާއި ، ޕްރައިމަރީޓީޗަރ މުޙައްމަދު އިބްރާހީމާއި އަދި ޕްރައިމަރީ ޓީޗަރ ޙައްވާ ޝާއިރާއެވެ.

އިތުރަށްވިދާޅުވުމަށްްް

މިއަދު ލަންދޫގެ ޒުވާނުން އެންމެ އިސްކަމެއްދީގެން ކުރިއަށް ގެންދާ މުބާރާތަކީ ކޮންމެއަހަރެއްގެވެސް ބޮޑުޗުއްޓީ އާއި ގުޅުވާލައިގެން ބޭއްވޭ " ހޮލިޑޭ " ކަޕް ފުޓްބޯޅަ މުބާރާތެވެ. ވަރަށް އާދައިގެ ގޮތަކަށްފެށި މި މުބާރާތް މިއަދުމިވަނީ ވަރަށްބޮޑަށް ވައިގައި ހިފާފައެވެ. އަތޮޅުގެ ގިނަރައްތެކެއްގެ ޒުވާނުންގެވެސް އެންމެރައްޓެހި މުބާރާތަކަށް މި މުބާރާތްވެ، މިޒުވާނުންގެ ހުނަރުވެރިކަންވެސް ލަންދޫގެ އެންމެހައި ރައްޔިތުންނަށް ރަށުގެ ފަސްގަޑުގައި ތިބެގެން ބަލާލުމުގެ ފުރުޞަތު ލިބިގެންދާ މުބާރާތަކަށް ވެގެން ގޮސްފައެވެ.

ކުރީ އަހަރުތަކާއި ޚިލާފަށް މިފަހަރުގެ މި މުބާރާތައް ޓީމްތައްދަނީ ވަރަށް ދުރާލައި ވަރަށް ފުރިހަމައަށް ތައްޔާރު ވަމުންނެވެ. މިގޮތުން މި ރިޕޯރޓްގައި ބަލައިލެވޭތޯ މިބަލަނީ މި މުބާރާތުގައި ފައިނަލާއި ހިސާބަށް ދާނެކަމަށް ބެލެވޭ އެއްޓީމުކަމުގައިވާ އެފް،ސީ އޮކާޗީ އެށެވެ.

އިތުރަށްވިދާޅުވުމަށްްް

التوبةالنصوح

(މިއީ ދީނުގެމަގު 5 އެޕްރީލް 1995 ގައި އައްޝެއިޚް ޢުޘްމާން ޢަބުދުﷲ ލިޔުއްވާފައިވާ ލިޔުމެކެވެ. )

ރަމަޟާންމަހަކީ ތިމާގެ ޢަމަލުތައްސީދާކޮށް ތަޢުބާ ވުމަށް ލިބޭއަގުހުރި ދުވަސްތަކެކެވެ.ތިމާއަށް އެޅިފައިވާކަތިފިޔަވަޅުތައް ހަދާންކޮށް ތައުބާވެ ހިދާޔަތުގެމަގަށް ރުޖޫޢުވުމަށްލިބޭ ރަނގަޅު ފުރުޞަތެކެވެ. ބުއްދިވެރިންނަކީ، މިފަދަ ދުވަސްތައް ހެޔޮގޮތުގައި ބޭނުންހިފާ މީހުންނެވެ. އާޚިރަތުގައި ތިމާއަށް ފައިދާހުރި ޢަމަލުތައް ދަނެ އިސްކުރާ މީހުންނެވެ.

ވިސްނުން ބަދަލެއްނުވެއެވެ.

ލިޔުނީ : ހަފްސީ ޢަބުދުﷲ

އަހަރެންގެ ވިސްނުމަށް ހަމައެއްވެސް ބަދަލެއް ނާދެއެވެ. ޤަބޫލުކުރާގޮތަށްވެސް ބަދަލެއްނާދެއެވެ. ނަމަވެސް އެއީ އަހަރެންގެ ވިސްނުމެވެ. އެވިސްނުން އެހެންމީހުންގެ ވިސްނުމާ އެއްގޮތްވާކަށްވެސް ނުޖެހެއެވެ. ހަޤީޤަތް ހާމަކުރުމަކީ މައްސަލައެއްނޫނެވެ. ނަމަވެސް ހަޤީޤަތް ހާމަކުރުމުގެ ތެރޭން، އޮޅުން އަރާފަދަ ގޮތަކަށް، ހަޤީޤަތް ގެއްލޭފަދަ ގޮތަކަށް ޖުމްލައެއް ލިޔެވިފައިވާކަން ޤަބޫލުކުރަމެވެ. ލަންދޫ ޔޫތް އެންކަރޭޖިންގ ސޮސައިޓީގެ ފަރާތުން ބާއްވަމުން އަންން ހޮލިޑޭކަޕް ކަމަށް ލިޔެވިފައިވީނަމަވެސް ހަޤީޤަތުގައިވެސް އެއީ ހަޤީޤަތެއްނޫނެވެ. އެމުބާރާތް ފެށުނުގޮތާއި މިހާތަނަށް އައިގޮތް އަޅުގަނޑުވެސް ދެނެހުރީމެވެ.

އިތުރަށްވިދާޅުވުމަށްްްް

އިތުރު ކުޅިވަރުތައް ތަޢާރަފްކުރުން..

ޙަފްޞީ ޢަބުދުﷲ

ލަންދުއަކީ ހަޤީޤަތުގައިވެސް ފުޓްބޯޅައިގެ ރަށެކެވެ. ޒުވާނުން ޝައުޤުވެރިވަނީވެސް ފުޓްބޯޅައަށެވެ. ފޯރި ހުރީވެސް އެކުޅިވަރަށެވެ. މީގައި ކޮންމެވެސް ސަބަބުތަކެއް ހުރުން އެކަށީގެންވެއެވެ. އެއްސަބަބަކީ ރާއްޖޭގެ އެއްވަނަ ކުޅިވަރަކަށް ފުޓްބޯޅަ ވުންކަމަށް ޤަބޫލުކުރެވެއެވެ. އަނެއް ސަބަބަކީ ރަށުގައި އެހެން ކުޅިވަރުތައް ކުޅުމުގެ ފުރުޞަތު މިހާތަނަށް އައިއިރު ކުޑަވުންކަމަށް ޤަބޫލުކުރެވެއެވެ. އެހެންކަމުން އެހެން ކުޅިވަރުތައް ތަޢާރަފްކުރުމަކީ އަޅުގަނޑުގެ ހިޔާލެކެވެ.

އިތުރަށްވިދާޅުވުމަށްްް

އިސްނެންގެވުަމަށް މަރުޙަބާ!

ލިޔުނީ : މޫސާ ޙުސެއިން / މިހާސް

މިއަހަރުގެ އުފާވެރި ފިތުރުޢީދު ކުލަގަދަ ގޮތެއްގައި ރަށުގައިފާހަގަ ކުރުމަށްޓަކައި ތަފާތުޙަރަކާތްތަކެއް ހިންގެވުމަށް ލަންދޫ ޔޫތު އެންކަރޭޖިން ސޮސައިޓީން އިސްނެންގެވި އިސްނެންގެވުމަށް އަޅުގަނޑު ވަރަށް ހޫނުމަރުޙަބާއެއް ކިޔަމެވެ.

ވޭތުވެދިޔަ ދެތިންއަހަރުދުވަހކީ ރަށުތެރެއިން ޖަމްޢިއްޔާއެއްގެ އަޑު މާބޮޑަސް އިވިފައިނުވިނަމަވެސް ލަންދޫ ޔޫތުއެންކަރޭޖިން ސޮސައިޓީ ވުޖޫދަށް އައުމާއިއެކު މިޖަމްޢިއްޔާގެ އަޑު އިވެމުންދާކަމީ އަޅުގަނޑު ނުހަނު އުފާވަ ކަމެކެވެ.

މިޖަމްޢިއްޔާގެ އިސްސަފުގައި ތިއްބެވި ޒުވާން ޓީމުން އިސްނަންގަވައިގެން ޢާއްމުމެމްބަރުންނާއި ރަށުގެ އެންމެހައި ޒުވާނުންނާއި އަދި ރަށުގެ މުޅިރައްޔިތުންނާއި ގުޅިގެން ކުރިއަށް ގެންދަވާ އަދި ކުރިއަށް ގެންދެވުމަށް ރާއްވަވާފައިވާ ކަންތައްތަކަށް މަރުޙަބާމިކިޔަނީ ޝުކުރުވެރިކަމާއެކުއެވެ.

އިތުރަށްވިދާޅުވުމަށްްް

ކާމީހާކެޔަސް ދޭމީހާދޭންވާނީ ބަލައިގެންނެވެ. ސ

ލިޔުނީ : ދޮންސޮރުބެ

ޒަމާން ބަދަލުވެއްޖެއެވެ. ވިސްނުން ވެސްބަދަލުވެއްޖެއެވެ. އެކޮޅުމިކޮޅުން ޖެހިއްޖެއެވެ. ބޯކޮޅުފައިކޮޅަށް ، ފައިކޮޅު ބޯކޮޅަށް ވެސް ބަދަލުވެއްޖެއެވެ. މިހާރުމިފެންނަނީ ލިބޭތާ ލިބިގަންނަތަނެވެ. އަދި ނުލިބޭތާ ޖަހައިގަންނަތަނެވެ. ތިމާމެންއެދޭ ކަމެއް ޙާޞިލްކުރުމަށް މީހެއްގެ މަރުހިފަންޖެހުނަސް ހެޔޮކަމަށް ހަދާތަނެވެ. ހާދަހާދެރައެވެ.

މާފުކުރައްވާށެވެ. އަޅުގަނޑުގެ މަޢުޟޫއަކީ ކޮބައިކަން ތިބޭފުޅުންނަށް އަދި އެނގިނުލައްވާދޮގެއްތޯއެވެ. އާދެ އަޅުގނަޑު ތިބޭފުޅުންނާ ހިއްސާ ކޮށްލަން ބޭނުންވެގެން މިއުޅެނީ ދާދިފަހަކުން އާދެ މިއަހަރުގެ ޖުލައި 26 ގައި ވަރަށްމާތް މަޤްޞަދެއްގައި ލަންދުއަށް ހެޔޮއެދޭ ދެތިން ފަރާތަކުން އިސްވެ ފުރަތަމަފަހަރަށް ލަންދުއަށް ނިސްބަތްވާގޮތަށް އުފެއްދި މިބްލޮގުގެ ބޭނުން ނަހަމަގޮތުގައި ކޮންމެވެސް ދެފަރާތަކުން ހިފަމުން ދިޔަވާހަކައެވެ. ނުވަތަ އަދިވެސް އެފަދަބައެއް ލިޔުންތައް ޕަބުލިޝް ކުރަމުން ދާވާހަކައެވެ.

ތިވިދާޅުވަނީ ހަމަރަގަޅަށެވެ. އަޅުގަނޑަށްވެސް އެނގެއެވެ. ބްލޮގެއްވިޔަސް ސައިޓެއްވިޔަސް އެއްވެސް ލިޔުމެއް ޕަބްލިޝް ކުރެވޭނީ އެބްލޮގެއް ނުވަތަ ސައިޓެއް ކޮންޓްރޯލް ކުރާބަޔަކަށެވެ. ބޭނުންހާ މީހަކަށް ބޭނުންވިހާ ފަހަރަކު އެންމެ ކުޑަމިނުން އަކުރެއްގެ ފިއްޔެއްވެސް ނުލިޔެވޭނެއެވެ.

އިތުރަށްވިދާޅުވުމަށްްް

ފޮނިކޮޅުބޮއި ނުލައްވާ!

ލިޔުނީ : ނުލިޔެވޭގަލަމުނ

ް

މިއަދަކީ ކަންތަކުގެ ތެދު މަޢުލޫމާތު ހޯދާ އެމަޢުލޫމާތުތައް މީހުންނަށް ފޯރުކޮށްދެވޭތޯ ބަލާ ޒަމާނެވެ. އެންމެ ތަނެއްދޮރެއް ނުދަންނަމީހާވެސް ކަމުގެ ޙަޤީޤަތަކީ ކޮބައިތޯ ބަލާވިސްނާ ޒަމާނެވެ.

އަޅުގަނޑުމެންގެ މިކުޑަކުޑަ މުޖުތަމަޢުއަކީވެސް މީގެކުރިން މިކަމުގެ ޚިޔާލާއި ފިކުރުނެތް ބައެއްނަމަވެސް މިއަދު މިފަދަ ޚިޔާލާއި ފިކުރިއްޔާތު ތަކަށް އިސްކަންދީގެން ކުރިއަށް ދެވޭތޯ ބަލާރައްޔިތަކު ދިރިއުޅޭ މުޖުތަމަޢު އެކެވެ.

މިކަމުގެ ހެއްކަކަށް ލަންދޫގެ ތާރީޚްގައި ފުރަތަމަފަހަރަށް އުފެދުނު މިބްލޮގް މެދުވެރިކޮށް ޚަބަރާއި މަޢުލޫމާތު ހޯދާ ފަރާތްތަކާއި އަދި މިކަމާއި ގުޅިގެން އަޅުގަނޑުމެންނާއި ގުޅާ ޚިޔާލާއި މަޝްވަރާދެއްވާ ފަރާތްތަކަށް ވިސްނާލުމުންވެސް ފުދެއެވެ.

ލަންދޫގައި މިވަގުތު އެންމެވައިގާ ހިފާފައިވާ އަދި އެންމެ ފޯރިގަދަ މުބާރާތް ކަމުގައިވާ ހޮލިޑޭ ކަޕް ފުޓްބޯޅަ މުބާރާތަކީ ލަންދޫގެ އެއްވެސް ޖަމްޢިއްޔާއަކުން އިސްނަގައިގެން ފެށިގެންއައި މުބާރާތެއްނޫން ކަމުގައި އަޅުގަނޑު މި ހާމަކުރަނީ މިއަދު އެމުބާރާތް ވުޖޫދަށް ގެނައުމުގައި މަސައްކަތް ކުރެއްވި ކުދިންގެ ނަންތައް ތާރީޚުން ފޮހެލުމަށް މަސައްކަތް ކުރައްވާ ފަރާތްތަކަށް އެފަދަ ފުރުޞަތެއް ނުދިނުމަށެވެ.

އިތުރަށްވިދާޅުވުމަށްް

މަގޭރަށް، މަގޭ ހަޔާތް މަސްތުވާތަކެއްޗާ ނުލައި.

ޙަފްޞީ ޢަބުދުﷲ

ނޭޝަނަލް ނޯކޮޓިކްސް ކޮންޓްރޯލް ބިއުރޯ ހިންގެވުމާ ހަވާލުވެ ހުންނެވި އަމީން އިބްރާހީމް އިއްޔެ ވިދާޅުވީ، މަސްތުވާތަކެތި ކޮންޓްރޯލް ކުރުމަށް ވަރަށްގިނަ މަސައްކަތްތަކެއް ކުރައްވަމުންދާކަމަށެވެ. އެކަމުގައި ވަރަށްގިނަ ބައެއްގެ އެއްބާރުލުން ބޭނުންވާ ކަމަށާއި، އެއްބާރުލުން ހޯދުމަށްވެސް ވަރަށް ބޮޑަށް މަސައްކަތްކުރައްވާކަމަށެވެ. ނަމަވެސް ހިތާމައާއެކު އޭނާ ފާހަގަކުރެއްވީ މިކަމުގައި ބައެއް ފަރާތްތަކުގެ އެއްބާރުލުން ނުލިބޭ ވާހަކައެވެ. އޭގެތެރޭގައި ރަށްރަށުގެ ކޮމިޓީތަކާއި ކްލަބް ޖަމްއިއްޔާތައް އޭނާ ފާހަގަކުރެއްވިއެވެ.

އިތުރަށްވިދާޅުވުމަށްް

ބައިވެރިވާ ވަރުގެ މުބާރާތެއްތަ؟

ލިޔުނީ : މޫސާ ހުސެއިން ( މިހާސް )

Email: moosa.goma@yahoo.com

އަޅުގަނޑަށް ވިސްނޭގޮތުގައި އަތޮޅު ފުޓްބޯޅަމުބާރާތަކީ އަޅުގަނޑުމެންނަށް މާމުހިއްމު މުބާރާތެއްނޫނެވެ. ސަބަބުތައް ބައިވަރެވެ. ތަޖުރިބާތައް އެހާމެގިނައެވެ.

ފުރަތަމަ ކަމަކީ އަތޮޅުމުބާރާތޭ ކިޔާފާ ބާއްވާ ޤައުމީފެންވަރުގެ މުބާރާތެއްގެ އިންތިޒާމްގެ ދޯހަޅިކަމެވެ. މުބާރާތަށްދެވޭ އިނާމުގެ ކުޑަކަމެވެ. މުބާރާތުން 1 ވަނައަށް ދާ ޓީމަކަށް -/1500 ރ. ( ފަނަރަސަތޭކަރުފިޔާ ) 2 ވަނައަށްދާ ޓީމަކަށް -/1000 ރ. ( އެއްހާސްރުފިޔާ ) އަދި 3 ވަނައަށްދާ ޓީމަކަށް -/500 ރ. މިއީ އެކަށީގެންވާ ޢަދަދުތަކެއްތޯއެވެ.

އިތުރަށްވިދާޅުވުމަށްް

ޖުމްހޫރީޕާޓީގެ ރިޔާސީ ކެނޑިޑޭޓް ޤާސިމް އިބްރާހީމް ލަންދުއަށް ވަޑައިގަންނަވަނީ

ލިޔުނީ : އަޙްމަދު ދާއޫދު

ުޖުމްހޫރީ ޕާޓީގެ ރިޔާސީ ކެނޑިޑޭޓް ދީލަތި ވިޔަފާރިވެރިޔާ އަލްފާޟިލް ޤާސިމް އިބްރާޙިމް އެމަނިކުފާނުގެ ކެމްޕޭން ދަތުރުފުޅުގައި ނ.އަތޮޅުގެ ގިނަރައްތަކަކަށް ކުރައްވާ ޒިޔާރަތުގެ ދަށުން މާދަމާ ލަންދުއަށް ވަޑައިގަތުމަށް ހަމަޖެހިފައިވާ ވާކަމަށް ލަންދޫއިންފޯއަށް މަޢުލޫމާތުލިބިއްޖެއެވެ. ލަންދޫގައި ޤާސިމަށް ތާއީދުކުރައްވާ ބޭފުޅުންގެ ތެރެއިން އިސްބޭފުޅަކު ލަންދޫއިންފޯއަށް ކަށަވަރުކޮށްދެއްވިގޮތުގައި މާދަމާ 10 އާއި 11 އާއި ދޭތެރޭގެ ވަގުތެއްގައި ގާސިމް ލަންދޫއަށް ވަޑައިގަންނަވާނެއެވެ.

މިވަގުތު ރަށަށް އެންމެ މުޙިއްމީ ކޮންކަމެއްތޯ ބަލާ ، ވިސްނާ ފިކުރު ހިންގާލުމަކީ ރަށަށް އުފަން ކޮންމެ ދަރިޔަކުވެސް ޚާއްޞަކޮށް މިދުވަސްވަރު ކޮށްލުން ވަރަށް މުޙިއްމު ކަމެއްކަމުގައި އަޅުގަނޑު ދެކެމެވެ.

އަޅުގަނޑުގެ ނަޒަރުގައި މިވަގުތު ރަށަށް އެންމެ މުހިއްމީ ނަރުދަމާގެ ނިޒާމެއް ޤާއިމްކުރުމެވެ. އެހެނީ ރަށުގެ ގިނަ ގޭތަކެއްގެ ވަޅުތަކުގެ ފެންތައްވަނީ ތަޤައްޔަރުވެފައެވެ. އަދި ގިނަ ގެ ތަކެއްގެ ވަޅުތަކަށް އަންނަނީ މިމައްސަލަތައް ކުރިމަތިވަމުންނެވެ. މީގެތެރެއިން ބައެއް ގޭގެ ވަޅުތަކަކީ އެވަޅުތަކުގެ ބޭނުންހިފަންކެރޭވަރަށް ވުރެ ބޮޑަށް މިހާރުވެސް ފެން ތަޤައްޔަރުވެފައިވާ ވަޅުތަކެކެވެ.

އިތުރަށްވިދާޅުވުމަށްް

އެމް ، ޑީ، ޕީ އިން ކުރިސަރވޭގެ ނަތީޖާާ

ލިޔުނީ : މޫސާ ޙުސެއިން / މިހާސް
email:moosa.goma@yahoo.com

ފުރަތަމަ ފަހަރަށް މަލްޓިޕާޓީ އިންތިޚާބަށް ލަންދޫގެ ރައްޔިތުންވެސް އަންނަނީ ތައްޔާރުވަމުންނެވެ. މިގޮތުން އެންމެ ބޮޑަށް ފާހަގަވެގެންދަނީ މިރިޔަސީ އިންތިޚާބުގައި ވާދަކުރައްވާނެކަމަށް އިޢުލާންކުރައްވާފައިވާ ގިނަކެނޑިޑޭޓުންތަކެއް މިރަށަށް ވަޑައިގެން އެބޭފުޅުންގެ ވެރިކަމެއްގައި ގެންގުޅުއްވާނެ ސިޔާސަތު ހާމަކުރައްވާފައިވާ ކަމެވެ. މިގޮތުން މިރަށަށް ވަޑައިގެންނެވި ކެނޑިޑޭޓުންތަކުގެ ތެރޭގައި އައިޑީޕީގެ ރިޔާސީ ކެނޑިޑޭޓު ޢުމަރުނަޞީރު، އެމްޑީޕީގެ ރިޔާސީ ކެނޑިޑޭޓް މުޙައްމަދު ނަޝީދު ( އަންނި ) ، އަދި އަމިއްލަގޮތުން ކުރިމަތިލައްވައިގެންއުޅުއްވާ ރިޔާސީ ކެނޑިޑޭޓް ޙަސަން ސަޢީދު ހިމެނިލައްވައެވެ.ދެންމިރޭހުގައި ވާދަކުރައްވާނެކަމަށް އިޢިލާންކުރައްވާފައިވާ 4 ބޭފުޅުންގެ ތެރެއިން އިދުހަމް މުއިއްޒު އަދުނާން އާއި އިބްރާ ފިޔަވާ އެހެންހުރިހާ ބޭފުޅުންގެ ފަރާތުން ތަފާތުފެންވަރުގެ ވަފުދުތައް ރަށަށް ޒިޔާރަތްކުރައްވާ އެބޭފުޅުންގެ ސިޔަސަތުތައްވަނީ ހާމަކުރައްވާފައެވެ.

އިތުރަށްވިދާޅުވުމަށް

އިކޮނޮމިކްސް ޓީޗަރަށް ބެލެނިވެރިޔަކުުބިރުދައްކައިފި

ލިޔުނީ : އަޙްމަދު ދާއޫދު

މާފަރުސްކޫލްގައި އިކޮނޮމިކްސް ކިޔަވައިދެއްވުމަށް މިނިސްޓްރީއޮފް އެޑިޔުކޭޝަނުން ފޮނުއްވާފައި ހުރި އިންޑިޔާގެ ރައްޔިތެއް ކަމުގައިވާ މރ.ސްނިލްކްމާރު ރަމަޗަންދުރަންއަށް އެސްކޫލްގެ ފިރިހެން ބެލެނިވެރިޔަކު ބިރުދައްކާ ވަގުތުން ރަށުންފުރުމަށް އަންގައިފިއެވެ.

މިމަޢުލޫމާތު ލަންދޫއިންފޯއަށް ލިބުމާއި ގުޅިގެން މީގެ އިތުރުތަފްޞީލް ހޯދުމަށް މާފަރުސްކޫލްގެ ސްޕައިވަޒަރާއި ފޯނުންގުޅާލުމުން އެބޭފުޅާވެސް މިކަންކަށަވަރުކޮށްދެވަމުން މިއީ އެސްކޫލްގެ ގްރޭޑް 10 ގެ އަންހެން ދަރިވަރަކާއި މިޓީޗަރާދެމެދު ލޯބީގެ ގުޅުމެއް އޮންނަކަމަށް ތުހުމަތު ކޮށްފާ ހިނގިކަމެއްކަމަށް ވިދާޅުވިއެވެ. މިބެލެނިވެރިޔާ ޓީޗަރަށް ވަގުތުން ފުރަންއެންގީ އަންހެންކުއްޖާގެ ބެލެނިވެރިޔާ ދެކެ އައި ރުޅިއެއްގެ ސަބަބުން ކަމަށް ފަހުންމިބެލެނިވެރިޔާ ސްކޫލްގައި ބުނެފައިވެއެވެ.

އިތުރުތަފްޞީލް

ލިޔުނީ : މުހައްމަދު އިބުރާހިމް ކެރެޓް/ ލަންދޫ

ސުކުރިއްޔާއެވެ. އަޅުގަޑު ދަންނަވަން އުޅޭއެތްޗެއް ފަހުމްވީތީއެވެ. ގިނަ ރިޕޯޓް ތަކަކަށް ފަހުވިސް ކާމިޔާބު ވީތީއެވެ. އޭރުވެސް އަޅުގަޑަށް އިގެއެވެ. ތައުލީމީ ޒުވާނަކުނަމަ ހައްލަކަށް އެޅުވިދާނެއެވެ. ކަޅު މާޒީއެތް އޮތް ޖަމިއްޔާގެ ފުރަތަމަ އަހަރުގައި ރަށުގެ ބައެތް ޒުވާނުން މިޖަމިއްޔާގައި ހަރަކާތް ތެރިވަމުން ދާކަން ތަހައްމަލް ކުރެވުނީތީއެވެ. ބިރުން ރޫރޫ އަޅާހާލު އަދިވެސް ބަޔަކު ތިބިކަން ތިބާޔަށް އެގޭވަރަށް ބުނެދެވުނީތީއެވެ. އެކަމަކު އަދިވެސް މަތިހަށިނަގާފައި ރަށައްބޭނުމީ ކުލަބެކޭ މެންބަރަކު ތިބުނާ ބުނުން ހިންގާކޮމެޓީއާ ހިތްސާކޮށްލާނަމެވެ. އަޅުގަޑުގެ ހިޔާލާ މަސްވަރާވިސް ހުށައަޅާނަމެވެ.

އިތުރަށްވިދާޅުވުމަށްްް

ލަންދޫޔޫތުއެންކަރޭޖިންގެ ފަރާތުން ތަރާވީޙެއްދެނީ.......

ކުރީގެ ލަންދޫސްކޫލް އިސްދަރިވަރުންގެ ޖަމްޢިއްޔާގެ ނަން ލަންދޫ ޔޫތު އެންކަރޭޖިން ސޮސައިޓީއަށް ބަދަލުކޮށްގެން އުފައްދާ ފައިވާ ލަންދޫގެ ހުރިހާ ޒުވާންކުދިންކަހަލަ ގޮތަކަށް ނިސްބަތްވާ ލަންދޫޔޫތު އެންކަރޭޖިން ސޮސައިޓީން ތަރާވީހެއް ދޭން އެޖަމްޢިއްޔާގެ ހިންގާކޮމިޓީން ނިންމައިފިއެވެ.

ލަންދޫ އަންހެނުންގެ ކޮމިޓީގެ އިދާރާ "ކަމަނާވެހީގައި" ބޭއްވުމަށް ހަމަޖެހިފައިވާ މިތަރާވީހަށް ފުދޭވަރެއްގެ ގިނަބަޔަކަށް ދައުވަތު ދީފައިވާ ކަމުގެ މަޢުލޫމާތު ލަންދޫ އިންފޯއަށް ލިބިފައިވެއެވެ. މިތަރާވީސް އޮންނާނީ 20 ސެޕްޓެމްބަރ 2008 ދުވަހުގެރޭ 9:00 ގައި ކަމަށް ވެސް އެނގިފައިވެއެވެ.

އިތުރުތަފްޞީލް އަންނަނީީ

ދެކެންބޭނުން މަންޒަރެއްނޫން

މިދުވަސްވަރަކި އަންނަމަހު 8 ގައި ބޭއްވުމަށް ހަމަޖެހިފައިވާ ރިޔާސީ އިންތިޚާބަށް ކެމްޕޭން ކުރުން ވައިގާ ހިފާފައިވާ ދުވަސްވަރެކެވެ.

މިކަމުގެ އަސަރު މިވަނީ އަޅުގަނޑުމެންނާ ހިސާބަށް ވެސް ވަރަށްބޯކޮށްފޯރާފައެވެ. އިއްޔެއާއި ހިސާބަށް ކެމްޕޭން ކުރުމާއި ޕާޓީތައް ޕްރޮމޯޓްކުރުމުގެ ކަންތައް މިފަސްގަނޑުގައި ހިގައިފަވަނީ ވަރަށް އަމާން އޮމާންކަމާއިއެކު ޑިމޮކްރަސީގެ ރިވެތި އުޞޫލްތަކާއެއްގޮތަށެވެ.

ނަމަވެސް އިއްޔެ ޖުމުހޫރީ ޕާޓީގެ ފަރާތުން ކެމްޕޭންކުރުމަށްޓަކައި ރަށަށް ޒިޔާރަތް ކުރެއްވި ބޭފުޅުން ރަށަށް ވަޑައިގަތުމުން ވަނީ އެމްޑީޕީ އަށާއި ޑީއާރޕީއަށް ނިސްބަތްވާ ރަށުގެ ބައެއްގެމެދުގައި ހަމަނުޖެހުން އުފެދި ވަރަށްހަޑިހުތުރު ބަހުން އެއްބަޔަކު އަނެއްބަޔަކާ މުޚާތަބުކޮށް ޒުވާބުކޮށްފައެވެ. ނަސީބަކުން ކެމްޕޭންކުރެއްވުމަށް ވަޑައިގެންނެވި އެއްވެސް ބޭފުޅަކަށް ރައްދުވާ ގޮތެއްގައި އެއްވެސް ކަމެއްހިނގާފައެއް ނުވެއެވެ.

ޤައުމުގެ މިހާމުހިއްމު ކަމަކަށް އަޅުގަނޑުމެން ކުރިމަތިލާއިރު އެއްވެސް ޙާލެއްގައި އިއްޔެފެނިގެން އެދިޔަފަދަ ކަންތަކަކި އަޅުގަނޑުމެންގެ ތެރެއިން ދެކެންބޭނުންވާ ކަންތައްތަކެއްނޫނެވެ.

މިފަދަކަމަކާއި ގުޅިގެންމިއަދާހިސާބަށް އަޅުގަނޑުމެންގެ ތެރޭގައި އޮތް އެކުވެރިކަމާއި އެއްބަނޑުއެއްބަފާކަން ނެތިދިޔަދީގެން ނުވާނެއެވެ. އަޅުގަނޑުމެންގެ ތެރޭގައި ދެދުވަހު ދެ ޕާޓީއަށް ވަނުމަށް ޝައުޤުވެރިވާ ހަކުރުދެންޏާ ދޮންބޭބެއޭ ކިޔަން ތައްޔާރަށް ތިބި އެނބުރޭ ވަހުތާނެކޭ އެބައެއްގެ ޚިޔަލާއި ވިސްނުމާއި ފިކުރު ބަދަލުކުރުމަށް އާދަވެފައިވާ ބަޔަކުތިބިކަން އަޅުގަނޑުމެންގެ ތެރެއިން ޑިމޮކްރަސީދަންނަ ޒުވާނުން ވިސްނަން ޖެހޭނެއެވެ.

ލިޔުނީ : މުހައްމަދު އިބުރާހިމް ކެރެޓް/ ލަންދޫ

އަޅުގަޑުމެން މިހާރުން މިހާރަށްވެސް ރަށުގެ ކޮންމެ މީހަކަށް 500 ގެ ނޫޓުބަހަން ބޭނުމެވެ. އެއީ ތަކެތީގެ އަގު ރައްޔިތުން އަތްނުފޯރާ ހިސާބަށް ދިއުމުގެ ސަބަބުން އެމީހުންނަށް ލުޔެއްހޯދާ ދިނުމަށެވެ. މުސްކުޅިން ހައްޖައް ފޮނުވަންވެސް ބޭނުމެވެ. އެއީ އެފަދަ އެމީހުން އަތުގާނެތީމައެވެ. އަދި އިތުރު ފަޅެއް ރަށުގާ ކޮނެދެން ބޭނުމެވެ. އެއީ ސަރުކާރުން ކޮނެދޭ ތަންކޮޅު ކުޑަވެއެވެ. ރަށްވެހިންނަށް ބޯހިޔާވަހިކަން ހޯދާދިނުމަށް ފުލެޓް އިމާރާތްކުރަން ބޭނުމެވެ. ސަރުކާރުން ނަރުދަމާ ގާއިމް އަދިވެސް ކޮށްނުދޭތީ އެކަންވެސް ކޮށްލަންބޭނުމެވެ. މީ ތިބާދެންނެވި ކަންތައްތަށް ނޫނަސް އިތުރަށް ކުރަން ބޭނުން ކަންތަށް ތަކެވެ. ނަމަވެސް ކުރާނީކީއްދޯއެވެ. ފައިސާއެތްނެތެވެ. އެކަންކުރާނެ މީހުންނެތް ނެތެވެ. މީޖަމިއްޔާ ނުހިންގެނީ ދޯއެވެ. ޖަމިއްޔާއަކުވެއްޖިއްޔާ ފައިސާ ހުންނަން ވާނެދޯއެވެ. މީހުންވެސް ހޯދެން ޖެހޭނެދޯއެވެ. އެހެންނޫނީ ތިއޮތީ ޖަމިއްޔާ ފޭލިވެފ

އިތުރަށްވިދާޅުވުމަށް

"ހަވާ ލަންދޫ ހާސްވަނީ ހާސްހަމަނުވެގެން "

ލިޔުނީ : މުހައްމަދު އިބުރާހިމް ކެރެޓް/ ލަންދޫ

ދޯހަޅި ސިޔާސަތު ބިނާވެފައި އޮތީ ބޯގަޅި ސިޔާސަތުން ބުނިފަދައިން ޕާޓީގެ އެސިޓްގެ މައްޗަށެވެ. މިހެން ވުމުން އާބާދީ މަދުރަށްރަށުގެ ކުރިމަގަށް ދަނީ ކިސަޑުފައިބަމުންނެވެ. މިގޮތުން ކައިރި ރަށްރަށުގެ މީހުން ލަންދޫގެމީހުން ކުރިކަމަކާއަޅުވާ ނަންދީފައިވާ ހަވާލަންދޫ ގެ ކުރިމަގު ތަގައްޔަރު ވެފައިވަނީ މިހެންވުމުން ކަމަށް ވާށޯއަށް މުތަބަރުގޮތެއްގައި އިތުބާރު ފަރާތަކުން ކަށަވަރުކޮށްދީފިއެވެ. އެހެނީ އިސްކަންދެނީ އާބާދީއަށެވެ. އާބާދީ މަދުނަމަ ބަޔަކުގަބޫލް ކުރާގޮތުގައި އަސާސީ ހިދުމަތްތައްވިސް ފޯރުކޮށްދިނުން ލަސްކުރެވިދާނެއެވެ. ނުވަތަ ނުދީ ހުރެވިދާނެއެވެ . ބުނާއަޑު އިވުނެވެ. 1000 މީހުން ހަމަނުވާ ރަށެއްގައި ދެންކީއްކުރާ ބޮޑުފަޅެއްހެއްޔެވެ. ބަލަ 1000 ހަމަ ނުވިއެތްކަމަކު އަޅުގަޑުމެންވިސް ސާފްބޯފެންބޯން ބޭނުމެވެ. ނަޖިހުން ތައްތެޅިފައިވާ ފެނުން ފެންވަރާކަށް ބޭނުމެއްނޫނެވެ. އޭލަވެލްގެ އިތުރުން ނުކުޅެދޭކުދިންނާ މަސައްކަތް ދަސްކުރަން ބޭނުންވާ ދަރިވަރުންނަށް އެކަންކުރެވޭނެ ފަދަވިސް ބޭނުމެވެ. ބޮޑުބައްޔެއްވެއްޖެނަމަ ރަށުންފުރަންޖެހޭ އިރު އަދިވެސް ނެރުން ފަތާފައި އަރަންޖެހޭ ދަޑިވަޅުއާދެއެވެ. ރައްޔިތުންގެ އިންޖީނުގެ ރައްޔިތުން ހިންގަނީ ރައްޔިތުން ފެލާގެންނެވެ.

އިތުރަށްވިދާޅުވުމަށް