ލަންދޫ ޔޫތް އެންކަރޭޖިންގ ސޮސައިޓީގެ ފަރާތުން ބާއްވަމުން އަންނަ ހޮލިޑޭކަޕްގެ ކުޅިވަރުތަކަށް، ލެކިއުޓް އިސްމާއީލް ވަހީދު އެހީތެރިވެދެއްވާނެކަމަށް ވިދާޅުވެއްޖެއެވެ. ލެކިއުޓް އިސްމާއީލް ވަހީދު ޖަމްއިއްޔާގެ މާލޭ ފޯކަލް ޕޮއިންޓަށް މައުލޫމާތު ދެއްވަމުން ވިދާޅުވީ، އެހީވެދެއްވާނެކަމަށާއި، ނަމަވެސް އެހީވެދެއްވާނީ ވަކި ވަފުރެދެއްގެ ހައިޞިއްޔަތުންކަމަށެވެ. އެހީގެ މިންވަރާއި، އެހީވާނެގޮތް އަދި ވިދާޅެއް ނުވެއެވެ.

އިސްމާޢީލް ވަހީދު ވިދާޅުވީ، ރަމަޟާންމަސް ނިމުމުން ބައްދަލުކޮށްލުމަށްފަހު، ވާހަކަދައްކާ މަޝްވަރާކޮށްލާނެކަމަށެވެ. އެހެންކަމުން އެހީގެ މިންވަރު ކަނޑައެޅޭނީ ރަމަޟާންމަސް ނިމުމަށްފަހު، ޖަމްއިއްޔާއާ އިސްމާއީލް ވަހީދާ ދެމެދު ބޭއްވޭ ބައްދަލުވުމަށްފަހުއެވެ. އިސްމާއީލް ވަހީދަކީ ލަންދުއާ، ވަރަށް ގާތް ގުޅުމެއް ބާއްވަވާ ދޭތެރެދޭތެރެއިން ލަންދުއަށް ޒިޔާރަތްކުރައްވާ ބޭފުޅެކެވެ. މިފުރުޞަތުގައި އިސްމާއީލް ވަހީދަށް ލަންދޫ ޔޫތް އެންކަރޭޖިންގ ސޮސައިޓީގެ ނަމުގައި ވަރަށް ބޮޑަށް ޝުކުރު އަދާކުރަމެވެ.