މާދަމާ 12 އޮގަސްޓް 2008 ގައި ލަންދޫ ޒުވާނުންގެ ތެރެއިން ހޮވާލެވޭ ލަންދޫ ފުޓްބޯޅަޓީމް ނިކުންނާނީ ކުޅުދޫގައި އުޅޭ ތޮޅެންދުއަށް ނިސްބަތްވާ ފުޓްބޯޅަ ޓީމާއެކު ރަގަޅުކުޅުމެއްކުޅެ ސީދާ މޮޅުވުމުގެ ޢަޒުމުގައި ކަމުގައި ކޯޗް ގާނާ މިއަދު ބުނެފިއެވެ.
ލަންދޫ އިންފޯއަށް މަޢުލޫމާތު ދެއްވަމުން ލަންދޫ ޓީމުގެ މޮޅުފޯވާޑު ލަންދޫސްކޫލްގެ ޕްރައިމަރީ ޓީޗަރ އަލްފާޟިލް ޔޫސުފު ޢަބުދުއްރަޙީމް ވެސް ބުނުއްވީ މިފަހަކަށް އައިސް ލަންދޫ ޓީމާއި މުޅިންވެސް ފުޓްބޯޅައިގާ ނާކާމިޔާބީއާއި ކުރިމަތިލާންޖެހިފައިވާކަމުގައެވެ. އެގޮތުން އެންމެފަހުން ކުޅުނު ޒޯންފުޓްބޯޅަ މުބާރާތްވެސް ނިންމާލަންޖެހުނީ ކުޅުނު ހުރިހާމެޗަކުންވެސް ދެރަވެގެންނެވެ. އަދި ރަޙްމަތް ތެރިކަމުގެ މެޗްތަކުންވެސް މިއަހަރުގެ މިހާތަނަށް އެއްވެސް ކާމިޔާބެއް ޓީމަށް ލިބިފައިނުވާކަން އޭނާ ފާހަގަކުރެއްވިއެވެ. އަދި އެންމެފަހުން ކުޅުނު ރަޙްމަތްތެރި ކަމުގެ މެޗްތަކުގެ ތެރެއިން ކުޅުދުއާއި ކުޅެގެން ވެސް ކުރެވުނީ އެއްވަރުކަމަށާޢި، އޭގެ ފަހުން ކުޑަފަރިއަތުން 3-1 ން ބަލިވެފައިވާ ކަންވެސް އޭނާ ހާމަކުރެއްވިއެވެ.
އެހެންކަމުން މާދަމާގެ މެޗަށް މިނިކުންނަނީ ކުޅަދާނަ ގޯލްކީޕަރ މުޙައްމަދު ޢަލީ ވެސް ގޮވައިގެން ކަމަށާއި ޓީމްގެ ހުރިހާ ކުޅުންތެރިންވެސް ތިބީ މިމެޗްގައި ރަނގަޅު ކުޅުމެއްދައްކާ މޮޅުވާން ޢަޒުމުކަނޑައަޅައިގެން ކަމަށް މާދަމާގެ މެޗްގެ ލަނދޫޓީމްގެ ކެޕްޓަން ޔޫއްޓޭ ލަންދޫއިންފޯއަށް މަޢުލޫމާތުދެއްވިއެވެ.
ލަންދޫއިންފޯއިން އެދެނީ ލަންދޫގެފުޓްބޯަޅައަށް އެއްދުވަހުން އަނެއްދުވަހަށް ކުރިއެރުމާއި ކުޅަދާނަ ކަމާއި ކާމިޔާބީ މާތްﷲ މިންވަރު ކޮށްދެއްވުމެވެ. މާދަމާގެ މެޗުން އިރާދަކުރެއްވިއްޔާ މޮޅުވާނެއެވެ.