ލިޔުނީ : މުޙައްމަދު އިބްރާޙީމް / ކެރެޓް

މިދުވަސްވަރަކީ އާދަޔާހިލާފް ގިނަކަންތައްތަކެއް ރަށުތެރޭން ފެންނަމުންދާ ދުވަސްވަރެކެވެ. އެގޮތުން ކާވެނިޕާޓީތަކަށް ރަށް

ތައްޔާރުވަމުންދާއިރު ދޭތެރެދޭތެރެއިން ދަނީ އެކިނަންނަމުގައި ފުޓްބޯޅަ މެޗްތައް ކުޅެވެމުންނެވެ. ކަތީބެއްގެ އިންތިޒާރުގާ ތިބިބައެތް ރައްޔިތުންގެ މޫނުމަތިން ހިނިތުންވުން ފާޅުވަމުންދާއިރު އަނެތްބަޔަކު އުފަލުން ނަށަނީ ފަޅުކޮނުމުގެ މަސްރޫއު ބާރުސުޕީޑެއްގައި ކުރިއަށް ދާތީއެވެ. ރޯދަމަހާ ރޯއްޖާއެކު ކުއްޅަވަށް ތިޔާގި ވާނޭކަމަށްވެސް ބަޔަކުދަނީ ބުނަމުންނެވެ. ހާދަހާ އުފަލެވެ. ރޯދަމަހަށް ތައްޔާރުވުމުގެ ގޮތުން ގިނަކަންތައްތަކެތް މިހާރުވެސް ބައެތްމީހުންފަށައިފިއެވެ. އެގޮތުން ގޭގެ ކުރިމަށްޗަށް ކަށިވެލިލުން އެއީ ޒަމާނުންސުރެ ލަންދޫގެ ރައްޔިތުން ކުރަމުންއަންނަ ކަމެކެވެ. އެހެން ނަމަވެސް މިއަދު {2008/8/4} ގަ އަޅުގަޑަށް މިފެނުނީ މިރަށު ބޯފެންވަޅުގޭގެ ކުރިމަށްޗަށް ދޮންވެލި ލައިފައިވާ މަންޒަރެވެ. މީކިހިނެތްވާކަމެއްތޯ ބަލާލުމަށް އަޅުގަޑު ކުޑައަލިބެއާ ސުވާލް ކޮށް ލުމުން އެގުނީ މީދެންމެ ދެންނެވި ކަހަލަ އެސްވެސްކަމަކާ ލައިގެން ކުރެވެމުންދާ ކަމެއްނޫންކަމަށެވެ. ކުޑައަލިބެ ބުނުއްވީ މިކަމަކީ ގޭގެ ކުރިމަތީ ހުއިފަޅާތީ ކުރާކަމެއްކަމަށެވެ. ކޮންމެ މީހަކުވެސް ގޭގެކުރިމަތި ސާފްކޮށް ބެލެހެއްޓޭތޯ ގަދައަޅާމަސައްކަތްކުރުން ރަގަޅުވާނެކަމަށް ކުޑައަލިބެ ބުނުއްވިއެވެ. އަޅުގަޑުދެކޭގޮތުގައި ކޮންމެމީހަކު ގޭގެދޮރުމައްޗަށް ދޮންވެލިނުލިއެތްކަމަކު ގޭދޮރުމަތި ސާފްކުރުމަށްކަންތަށްތަކެތް ކުރުން ރަގަޅުވާނެއެވެ. ކުޑައަލިބެ މިދެއްކެވީ ރީތިމިސާލެކެވެ. މީގެން އިބުރަތެއް ހާސިލް ކޮށްގެން މިހާރު ގެވަޅުނަގާފައިވާ ހުރިހާއެންމެން ގެވަޅުގެ ދޮރުމަތިސާފުކުރުން ރަގަޅުވާނެކަމަށް ހީކޮށް އެމަސައްކަތްފެށުން ކީއްތޯއެވެ.