ލިޔުނީ : މޫސާ ހުސެއިން ( މިހާސް ) /
Email: moosa.goma@yahoo.com
ދިވެހިރާއްޖެ އަކީ ނާޒުކު ތިމާވެއްޓެއްގެ މައްޗަށް ބިނާވެފައިވާ ޤުދުރަތީ ގޮތުން ދެވަނައެއް
ނުވާފަދަ ރީތި ޤައުމެކެވެ. މިޤައުމުގެ ރީތިކަމާއި، ޗާލުކަން ދެމި އޮންނަނީ މި ޤައުމުގެ ނާޒުކު ތިމާވެށީގެ މައްޗަށްކަމީ ދިވެހި ކޮށްމެ ދަރިޔަކުވެސް އެކަމާއިމެދު ވަރަށް ފުންކޮށް ވިސްނަށް ޖެހޭނެ ކަމެކެވެ.
އަޅުގަނޑަށް މަޢުލޫމާތު ލިބިފައިވާ ގޮތުގައި ރަށް ގިރުމާއި، އާދަޔާއި ޚިލާފަށް އުދައެރުމާއި،
ހޫނުމިން މަތިވުމާއި ، ފެންތަގައްޔަރުވުމާއި އަދި ކުނީގެ މައްސަލަ ފަދަ މައްސަލަތަކަކީ މި އަތޮޅުގެ ރަށްރަށުގައިވެސް ތިމާވެށީގެ ގޮތުން ފާހަގަކޮށްލެވޭ ކަންކަމެވެ. އަދި މީގެ އިތުރުންވެސް ތިމާވެށީގެ ތަފާތު މައްސަލަތައް އަތޮޅުގެ ރަށްތަކުގައި ހުންނާނެކަން ޔަޤީނެވެ.

މީގެ ތެރެއިން އަޅުގަނޑުގެ މިރިޕޯރޓްގައި ބަލާލެވޭތޯ ބަލާނީ މިއަތޮޅުގެ ގިނަރަށްތަކަށް
ދިމާވެފައިވާ ކުނީގެ މައްސަލައާއި ގުޅޭގޮތުންނެވެ.
މިއަތޮޅުގެ ގިނަރަށް ތަކަށް ތިމާވެށީގެ ގޮތުން ދިމާވެފައިވާ އެނަމެބޮޑު މައްސަލައަކީ ކުނީގެ
މައްސަލަކަން އަޅުގަނޑަށް ޔަޤީން ކުރެވިގެން ދިޔައީ ދެހާސް ހަތަރެއްގެ ސުނާމީއާއި ގުޅިގެން މިއަތޮޅުން އެންމެބޮޑު ގެއްލުން ލިބުނު ކުޑަފަރި އަށާއި، މާފަރަށް ޒިޔާރަތް ކޮށްލުމުން މި ދެރަށުން ފެނުނު މަންޒަރުތަކުންނެވެ.
މި ދުވަހު މިދެރަށުން އަޅުގަނޑަށް ފެނިގެން ދިޔައީ ކުނިތައް ނައްތާލާނެ އެކަށޭނަ ރަނގަޅު
ގޮތްތަކެއް ނެތުމުގެ ސަބަބުން ރަށުގައި ހުރި ހުރިހާ ކުނިތަކެއް ރާޅާއި އެކު ގެނެސް ޢާއްމުން ދިރިއުޅޭ ގޯތިތަކަށާއި، ގޭގެތަކުގެ އެތެރެއަށް ވައްދާލައި ކުނިބުނިން އެތައް ގެތަކެއްފުރި ބާރުވެފައިވާ މަންޒަރުތަކެވެ.
އަޅުގަނޑަށް އެގިފައިވާ ގޮތުގައި މިއަދުވެސް އަތޮޅުގެ ގިނަރަށްތަކުގައި ކުނި ނައްތާލެވޭނެ
އެއްވެސް ގޮތެއްނެތެވެ. އަދި ގިނަ ރަށްތަކުގައި، ކުނި އަޅާނެ ވަކިތަނެއް ، ވަކި ސަރަޙައްދެއްވެސް ކަޑައެޅިފައެއް ނުވެއެވެ. އެރަށެއްގައި ދިރިއުޅޭ ބަޔަކު ހިތުހުރި ތާކަށް ހިތުހުރި ވަގުތެއްގައި ކުނިތައް އަޅަމުންދަނީއެވެ.

މިކަމުގެ ސަބަބުން ބައެއް ރަށްތަކުގެ ސާފުރީތި ގޮޑުދޮށްތަކާއި، ސާފު މޫދުތައް
ތަޣައްޔަރުވެ، ރަށުތެރޭގައި ކުނި ބުނިތައް ގިނަވެ، ރަށްތަކުގައި، ބަލިމަޑުކަން ފެށި، އަދި ގިނަރަށް ތަކެއްގައި މިފަދަ ބަލިމަޑު ކަމެއް ފެތުރިދާނެ ކަމުގެ ބިރު ހީވާތީވެ މިކަމުގެ ޝަކުވާތައް ކަމާއި ބެހޭފަރާތްތަކަށްކުރަމުންގެންދެއެވެ. އަ

ޅުގަނޑު ދެކޭ ގޮތުގައި މިއަތޮޅުގެ ރަށްތަކުން ކުނި ނައްތާލުމުގެ މަސައްކަތް މާލެއިން
ކުނި ނައްތާލުމަށް ގެންގުޅޭކަހަލަ އުސޫލެއް ބޭނުންކޮށްގެން ޙައްލު ކުރެވިދާނެއެވެ. މިގޮތުން އަތޮޅުންވެސް ވަކިރަށެއް ( ފަޅުރަށެއް ) ކަޑަ އަޅާ އަތޮޅުގެ ހުރިހާ ރަށެއްގައި އުފެދޭ ހުރިހާ ކުނިބުންޔެއް ކަޑައަޅާ ވަކި އުސޫލެއްގެމަތިން ، ވަކި ދުވަސްތަކެއްގައި ގެންގޮސް މިދެންނެވި ރަށުގައި ނައްތާލެވިދާނެއެވެ.އަދި މިކަމަކީ އަތޮޅުގެ ބަޖެޓުން ޚަރަދުކޮށްގެން ނުވަތަ އަތޮޅު ކޮމެޓީން އިސްނަގައިގެން ސަރުކާރުގެ ކަމާބެހޭ ފަރާތް ތަކުގައި ދަންނަވައިގެން ނުވަތަ ބޭރުގެ ޖަމާޢަތް ތަކުގެ އެހީ ހޯދައިގެން އަތޮޅުގެ އެންމެހައި ރައްޔިތުން ލާބައާއި މަންފާއަށް ކުރެއްވިދާނެ ވަރަށް މުޙިއްމު ކަމެއްކަމުގައި އަޅުގަނޑު ދެކެމެވެ.

މިކަމުގައި ތިޔަބޭފުޅުންގެ ޚިޔާލަކީ ކޮބައިތޯއެވެ؟