ލިޔުނީ : އަޙްމަދު ދާއޫދު

ވިޔަފާރީގެ ރޮގުން ލަންދޫގައި ކުރައަރަމުންއަންނަ އެއްފަރާތް ކަމުގައިވާ ލަންދޫ މުރިނގު އަލްފާޟިލް ޚާލިދު އަބޫބަކުރު ލަންދޫ އިންފޯއަށް ހާމަކޮށްދެއްވިގޮތުންގައި މުރިނގުގެ އާފިހާރައެއް ވަރަށް އަވަހަށް ހުޅުވޭނެއެވެ. މިފިހާރަ އޭނާ ހުޅުވަންގަސްތުކުރައްވަނީ ނ.ލަންދޫ ނިޝާން ޔޫސުފް އާދަމް އޭނައިގެ ގޭގައި ޢިމާރާތް ކޮށްފައިވާ ޢިމާރާތެއްގައެވެ. ޚާލިދު ބުނުއްވީ މިއީ ކުރިންވެސް އޭނާ ޚިޔާލުކުރަމުން އަންނަކަމެއްކަމާއި އޭނައިގެ ޕްލޭންގައި މާކުރިންވެސް ތޮޅެންދޫ އަވަށް މިކިޔާ ސަރަޙައްދުގައި ފިހާރައެއް ހެދުމަށް ރާވާފާވާނެކަމަށެވެ. އެގޮތުން މީގެދުވަސް ކޮޅެއްކުރިން ލަންދޫ ދިލާސާގޭ ( ޚާލިދުއަބޫބަކުރުގެ ބައްޕަޕަގެ ގޭ ) ގައިވެސް ފިހާރައެއް ހަދަން ވެގެން އޭނައިގެ ބައްޕަޔާއި ވާހަކަދައްކާފައިވާނެކަމަށެވެ. ނަމަވެސް އެދުވަސްކޮޅު ކަންތައްދިމާވިގޮތުންނާއި އެގޭގައި ފިހާރައެއް ޢިމާރާތް ކުރާނެ ޖާގަވެސް ނެތުމާއި އެކު މިހާތަނަށް މަޑުޖެހިފައި އޮތީއެވެ.
ޚާލިދު އަބޫބަކުރު މި ޢިމާރާތުގައިވެސް ވިޔަފާރި ކުރައްވާނީ މުރިނގު ސްޓޯރު 2 ހިންގާ ޢިމާރާތް ( ކަނޑޫމާގެ ނ.ލަންދޫ ) ވެސް ހިންގާ އުޞޫލުންނެވެ. އެއީ ކޮންމެ މަހަކުވެސް ކަނޑައެޅިފައިވާ ކުއްޔަކަށެވެ. ކުލިހަމަޖައްސާނީ ދެފަރާތް އެއްބަސްވާ އުޞޫލަކުން ކަމުގައި ކަމަށްވެސް ލަންދޫއިންފޯއަށް މަޢުލޫމާތު ލިބަފައިވެއްއެވެ.
މިހާރުވެސް މުރިނގު ސްޓޯރުގެ ދެ ފިހާރަ ރަށުގެ އެންމެ އާބާދި ރަނގަޅު ދެހިސާބެއްގައި އެކަށީގެންވާ ގޮތެއްގއި ހިނގަމުން އެބަދެއެވެ. މިފިހާރަހުޅުވުމުން ތޮޅެންދޫ އަވަށުގައި ދިރިއުޅޭ މީހުންނަށް ވަރަށްބޮޑު ފަސޭހަތަކެއް ލިބިގެންދާނެކަމީ ޝައްކެއްވެސް އޮތްކަމެއްނޫނެވެ.
ލަންދޫ އިންފޯއިން ހިތާމަކޮށް ދެރަވަނީ ފިހާރަތައް އެއްދުވަހުން އަނެއްދުވަހުން ގިނަވެގެން ދިޔަކަމުގައިވީނަމަވެސް ޢާއްމުދިރިއުޅުމަށް ބޭނުންވާ ޒާތްޒާތުގެ ތަކެތި މިސާލަކަށް އައިސްކުކުޅު، ސޮސެޖް، ކަނޑުމަހުގެ އުފެއްދުންތައް، ތަރުކާރީ ފަދަތަކެތި އަދިވެސް ރައްޔިތުން ބޭނުންވާ މިންވަރަށް ރަށުން ގަންނަށް ލިބެންނުހުންނާތީއެވެ.
މިފަދަތަކެތި ގެނެސްގެން ވިއްކަން ޢާއްމުންގެ މެދުގައި މަޤުބޫލްވިޔަފާރިއަކަށް ހެދުމަށް އަތުކުރިއޮޅާލުމަށް ލަންދޫގެ ހުރިހާވިޔަފާރިވެރިންނަށްވެސް ލަންދޫ އިންފޯގެ ފަރާތުން އިލްތިމާސްކުރަމެވެ.