ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Wednesday, 19 November 2008
އެންމެ އަގުބޮޑު ޖާރޒީ ބައި
ލިޔުނީ : މޫސާ ހުސެއިން ( މިހާސް ) / ނ. ލަންދޫ
ލަންދޫގެ ތާރީޙްގައި މިހާތަނަށް ބޭއްވޭ އެންމެ ފޯރިގަދަފުޓްބޯޅަ މުބާރާތް ކަމުގައިވާ "ލިޔެސްހޮލިޑޭކަޕް" ފުޓްބޯޅަ މުބާރާތުގެ ފޯރި މިފަހަ މިވަނީ ރަށުގައި ވަރަށް ބޮޑަށް ވައިގައި ހިފާފައެވެ.
މިގޮތުން މިމުބާރާތުގައި ވާދަކުރާ ޓީމްތައްވެސް ދަނީ ވަރަށް ފުރިހަމައަށް ތައްޔާރުވަމުންނެވެ. މި ރޭހުގައި އެންމެ ކުރީގައި އުޅޭ އެއްޓީމަކީ " ވެލޯސިޓީ " ޓީމެވެ. މިޓީމުން މިހާރުވަނީ ގާތްގަޑަކަށް =/8000 ރުފިޔާ ޚަރަދުކޮށްގެން ވަރަށްފެންވަރުގެ ޖާރޒީ ބައެއް ހޯދާފައެވެ. އަދި މީގެ އިތުރުން މިމުބާރާތައް ބޭނުންވާ އެހެނިހެން ސާމާނުވެސް މިޓީމުން މިހާރުވަނީ ހޯދާފައެވެ.
މި ފަހަރު ޓީމުތަކުގެ ތެރެއިން މި ބަލާލަނީ " ވެލޯސިޓީ " ޓީމަށެވެ.
ލަންދޫގެ ފުޓްބޯޅަ ދަނޑުގައި މިއަދު ފުޓްބޯޅަކުޅޭ އެންމެ ދުވަސްވީ ކުޅުންތެރިޔާ ޤާނާ ހިމެނޭ މިޓީމަކީ މިއަދު ލަންދޫގައި އަރަމުން އަންނަ އެންމެ ހުނަރުވެރި އެންމެ އުއްމީދީ ކުޅުންތެރިޔާ އަޙްމަދު ސުޖާދުވެސް ހިމެނޭޓީމެވެ.
ލަންދޫގައި މިވަގުތު ސައިޑުން ކުޅުމަށް އެންމެ މޮޅުކަމަށް ފާހަގަ ކުރެވޭ އަޙްމަދު ރަޝީދު މިޓީމުގައި ހުރި އިރު އެންމެ މޮޅު ދެ މޭންމާކަރުން ކަމުގައިވާ ޢަބުދުﷲ ޢާރިފު އާއި ހަސަން ޒަރީރިވެސް ހިމެނެނީ މިޓީމުގައެވެ. ހަމަމިއާއި އެކ ލަންދޫ ޓީމުން މިހާތަނަށް ފެނުނު އެންމެ ހުނަރުވެރި ދެޑީފެންޑަރުން ކަމުގައިވާ ޞަލާޙް އާއި ޞައްފަތުވެސް ހިމެނެނީ ހަމަ މިޓީމުގައެވެ. ޓީމެއްގެ މެދުތެރެއަށް ކުޅެލުމުގައި ކައްޓިއަކީ އެފަދަ ދެވަނައެއް ނުވާފަދަ ހުނަރުވެރި ކުޅުން ތެރިއެކެވެ. އަރަމުން މިއަންނަ ކުޅުންތެރިންގެ ތެރެއިން ޢަލީ ޝިމާޢު، ހަސަން ޙަލީމް އަދި މޫސާ އަސްފާޤަކީ މިޓީމުގެ އެންމެ އުއްމީދީ ބައެއް ކުޅުންތެރިންނެވެ. ހަމަ މިއާއި އެކު މިވަގުތު ލަންދޫގެ ފުޓްބޯޅަ ދަނޑުން ފެންނަ އެއްމެ ދުވަސްވީ އެއްކުޅުން ތެރިޔާ ކަމުގައިވާ ޒަންޑަ އަކީ ވެސް މިޓީމުގެ މުޙިއްމު ކުޅުން ތެރިއެކެވެ.
މިޓީމަކީ މިފަހަރުގެ " ލިޔެސް ހޮލިޑޭކަޕް " ގައި ރަނގަޅު ނަތީޖާ ތަކެއް ނެރޭނެ ޓީމެއްކަމަށް ބެލެވެއެވެ. ހަމަ ޔަޤީނުންވެސް އެއްމެ ފުރިހަމަޔަށް ދުރާލާ މި މުބާރާތައް ތައްޔާރުވާ އެއްޓީމަކީ މިޓީމެވެ.
Subscribe to:
Post Comments (Atom)
0 ޚިޔާލު:
Post a Comment