މިރަށުގައި މިހާރު ހަދަމުން ގެންދާ ބަދަރު ސަރަހައްދު ސާފުކުރުމައްޓަކައި އިއްޔެގެ މެންދުރުފަހު ރައްޔިތުން ކުރުމަށް ހަމަޖެހިފައިވާ މަސައްކަތް ވަގުތީގޮތުން މެދުކަޑާލަން ޖެހިއްޖެއެވެ.
މި މަސައްކަތް ވަގުތީގޮތުން މެދުކަޑާލަން ޖެހުނީ އަންހެނުން ނެރާއި ، ބަނދަރާއި ދޭތެރޭގައިވާ ރުއްތަކުގެ ތެރެއިން ބައެއްރުއްތައް ކެޑުުމަށް އެރުއްތަކުގެވެރި ފަރާތުން ހުއްދަ ނުލިބުމުގެ ސަބަބުންނެވެ.
މި ރަށު މަންޒިލް އަލްފާޟިލް ޢަބުދުއްޞަމަދު ރަޝާދު ނަމްބަރ ޖަހާފައިވާ މިރުއްތަކުގެ ތެރެއިން އެތަން ސާފުކޮށް އެތަނަށް ވެލި އެޅުމަށްޓަކައި ލޮރީ ދުއްވުމަށް މަގުހެދުމަށް އެތަނުގައި ހުރި ކުދި ރުއްެތައް ކެނޑުމަށް ރަށުގެ ދެކަތީބުން ކުރި ހުރިހާ މަސައްކަތެއްވަނީ ނާކާމިޔާބު ވެފައެވެ.


އިއްޔެގެ ހެދުނު 8:30 ގައި ރައްޔިތުން ނިކުމެ ކުރެވުނު މަސައްކަތުން ބަނދަރަށް ދިއުމަށް އޮންނަ މަގުގައިވާ ހުރިހާ ރުއްގަހެއްވަނީ ކަޑާ ބިމާ ހަމަކުރެވިފައެވެ. އަދި އެމް.ޓީ.ސީ.ސީ ގެ އެހީތެރިކަމާއި އެކު މި މަގުގައި ހުރި ރުއްބުޑު ތަކާއި، ގަސްބުޑުތައް ނަގާ މަގު އެއްކޮށް ސާފުކުރުމަށް ހަމަޖެހިފައި ވެއެވެ.
މިއަދު މިހިސާބަށް އައި އިރުވެސް މިރަށުގައި ހެދެމުންދާ ބަނދަރު ސަރަހައްދަކީ ބަލާލަން ޗާލު، ހިތްގައިމު ސަރަހައްދެކެވެ. އެހެނަސް އެންމެ ފުރިހަމަ ގޮތުގައި މި ބަނދަރު ސަރަހައްދަކީ އެންމެ ހިތްގައިމު ޗާލު ސަރަހައްދަކަށް ހެދޭނީ އެންމެންގެ އެއްބާރުން ލިބިގެންނެވެ.
އަޅުގަނޑުމެން އެދެނީ ދެފަރާތުން ވާހަކަ ދައްކައިގެން އިއްޔެ ދިމާވި ކަންތައްތައް ހައްލުކޮށް އަވަސް މުއްދަތެއްގެ ތެރޭގައި އިއްޔެ ކުރުމަށް ހަމަޖެހިފައިވާ މަސައްކަތް ކުރެވި ފުރިހަމަ ވެގެން ދިއުމެވެ.