ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Thursday, 27 November 2008
ލަންދޫ ޔޫތު އެންކަރޭޖިން ސޮސައިޓީގެ ރައީސްކަމަށް ކުރިމަތިލުމުގެ ފުރުޞަތު ހުޅުވާލައިފި
ލިޔުނީ : އަހްމަދު ދާއޫދު
ލަންދޫ ޔޫތު އެންކަރޭޖިން ސޮސައިޓީގެ ހިންގާ ޤަވާއިދުގައިވާ ގޮތުގެމަތިން 2009 ވަނައަހަރަށް ޖަމްޢިއްޔާގެ އައު ރައީސަކު ހަމަޖެއްސުމަށްޓަކައި މިކަމަށް އެދޭ ފަރާތްތަކުން ކުރިމަތިލލުމުގެ ފުރުޞަތު މިއަދު ހުޅުވާލައިފިއެވެ.
ހިންގާކޮމިޓީ އިންތިޚާބު ކުރުމަށް ބާއްވާ އެލެކްޝަނަށް ތައްޔާރު ވުމުގެ ގޮތުން މިއެލެކްޝަންގެ ކަންތައްތައް އިންތިޒާމް ކުރާ ކޮމިޓީގެ ފަރާތުން ކުރި އިޢުލާންގައިވާ ގޮތުން ރައީސްކަމުގެ ޝަރުތުތަކަކީ ޖަމްޢިއްޔާގެ މެމްބަރަކަށް ވުމުގެ އިތުރުން ، ދެ ދައުރަށްވުރެ ގިނަދައުރު ޖަމްޢިއްޔާގެ ރައީސްކަން ކޮށްފައިނުވުން، އަދި ދިވެހިބަހާއި އިގިރޭސިބަހުން ލިޔެކިޔަން އެނގޭ މީހަކަށް ވުން ލާޒިމް ކުރެއެވެ. އަދި މިކަމަށް އެދި ފޮނުވާ ސިޓީތައް ޙަވާލުކުރައްވާނީ ނ.ލަންދޫ ކެއްތެރި ޢަބުދުﷲ އިބްރާހީމް ނުވަތަ ނ.ލަންދޫ ވިނަރެސް އަހްމަދު ރަޝީދުއާއި ކަމަށް ވެސް މިއިއުލާންގައި ބަޔާންކޮށްފައިވެއެވެ.
މާޒީގައި ލަންދޫގެ ޖަމްޢިއްޔާ ތަކުގެ ރައީސްކަން އެކިދައުރުތަކުގައި ކޮށްފައިވާ ބޭފުޅުންނާ އަޅުގަނޑު ވާހަކަދައްކާލީމެވެ. އެބޭފުޅުން ވިދާޅުވާގޮތުގައި ރައީސްކަން ކުރުމަކީ ވަރަށްބޮޑު މަސްއޫލިއްޔަތަކާއި ޒިންމާއެއްވެސް މެއެވެ. އެއްވެސް އުޖޫރައެއްނެތި ކުރަން ޖެހޭ ވަރަށް ޒިންމާބޮޑުމަސައްކަތް ތަކެކެވެ. އަދި ރީތިނަމެއް ނުވަތަ ހެޔޮބަހެއްވެސް މީހަކު ބުނެނުލާތާންގައި ގިނަފަހަރަށް ބޮޑެތި ތުހުމަތު ތައް ބޮލުގައި އަޅުވާ އިތުބާރެއްނެތް މަޤާމެއްގެ ގޮތުގައި އެބޭފުޅުންސިފަކުރެއްވިއެވެ.
ކޮންމެއަކަސް ކޮންމެވެސް ބަޔަކު މިފަދަ މަޤާމްތައް އަދާކޮށްގެންނޫނީ ޖަމިއްޔާ މެދުވެރިވެގެން އިޖްތިމާއީ ގޮތުން ނާއި ކުޅިވަރުގެ ރޮގުން ރަށުގެ ރައްޔިތުންނަށް ލިބިދޭ ފުރުޞަތުތައް ކުރިމަގު ނުލިބޭނެކަން ހަމަޔަޤީނެވެ.
Subscribe to:
Post Comments (Atom)
0 ޚިޔާލު:
Post a Comment