ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Tuesday, 28 October 2008
ރިޔާސީ އިންތިޚާބުގެ ވޯޓްލުމުގެ ދެވަނަ ބުރު ކުރިއަށް.
ޙަފްޞީ ޢަބުދުﷲ
މިއަހަރުގެ ރިޔާސީ އިންތިޚާބުގެ ދެވަނަ ބުރުގެ ވޯޓްލުން މުޅިރާއްޖޭގެ މީހުން ދިރިއުޅޭ ހުރިހާ ރަށެއްގައި ކުރިއަށްއެބަދެއެވެ. ރާއްޖޭގައި ފުރަތަމަ ފަހަރަށް އެއްކެންޑިޑޭޓުންނަށްވުރެ ގިނަ ކެންޑިޑޭޓުން ވާދަކުރާ އިންތިޚާބުގެ ފުރަތަމަ ބުރުން އެއްވެސް ކެންޑިޑޭޓަކަށް އިންތީޚާބު ކާމިޔާބުކުރެއްވުމަށް ބޭނުންވާ ފަންސާސް އިންސައްތަ ނުލުބުމުން ދެވަނަ ބުރުގައި ވާދަކުރައްވަމުން ދަނީ ފުރަތަމަ ބުރުން ކުރި ހޯއްދެވި ދެކެންޑިޑޭޓުންނެވެ. އެއީ ޑީ،އާރު،ޕީގެ ކެންޑިޑޭޓް އަލްއުސްތާޛު މައުމޫން އަބުދުލްޤައްޔޫމާއި، އެމް،ޑީ،ޕީގެ ކެންޑިޑޭޓް މުޙަންމަދު ނަޝީދެވެ.
ދެކެންޑިޑޭޓުން ދެވަނަ ބުރުގައި ވާދަކުރަމުންދާއިރު، ދެލައްކަ ނުވަހާސް ދުއިސައްތަ ހަތަރު މީހުންނަށް ވަނީ ވޯޓްލުމުގެ ހައްޤުލިބިދީފައެވެ. ފުރަތަމަ ބުރުގައި ވޯޓްލުމުގެ ހައްޤު ލިބިފައިވަނީ ދެލައްކަ އަށްހާސް ދުއިސައްތަ ފަންސާސް ދެމީހުންނަށެވެ.
ދެވަނަ ބުރުގައި ވޯޓްލުން ހެނދުނު ނުވައެއްޖެހި އިރު ގިނަ ރަށްރަށާއި، ގިނަ ފޮށިތައް ކައިރީގައި ފެށިނަމަވެސް ތަފާތު ސަބަބުތަކާހުރެ، ބައެއް ފޮށިތަކުގައި ވޯޓލުން އެކި މިންވަރަށް ލަސްވެފައިވެއެވެ. ލަންދޫގައިވެސް ވޯޓްލުން ކުރިއަށް އެބަދެއެވެ. ބަރާބަރު ގަޑިއަށް ލަންދޫގައި ވޯޓްލުން ފެށި، ވަރަށް ޞްލްޙަވެރިކަމާއެކު، ވޯޓްލުން ކުރިއަށްދާކަމަށާއި، ގިނަ އަދަދެއްގެ މީހުން ވޯޓލަމުންދާކަމަށް ލަންދޫ ވޯޓްފޮށި ކައިރީގައި ހަރަކާތްތެރިވަމުންދާ އޮފިޝަލު މައުލޫމާތުދެއްވައެވެ. ރާއްޖޭގެ އިތުރުން ރާއްޖޭން ބޭރުގެ ދިވެހިން ދިރިއުޅޭ ފަސް ޤައުމެއްގައިވެސް އެޤައުމުތަކުގެ ގަޑިން ނުވައެއްޖަހާއިރު ވޯޓްލުން ވަނީ ފަށާފައެވެ
0 ޚިޔާލު:
Post a Comment