ވަޠަން އެދޭ ގޮތަކީ ކޮބައިކަމާއިމެދު އޮޅިއްޖެ .......!

ރިޔާސީ އިންތިޚާބުގެ ފުރަތަމަ ބުރުގެ ނަތީޖާދެއްކި ގޮތުން ވާދަކުރެއްވި އެއްވެސް ކެނޑިޓޭޓަކަށް %50 ށް ވުރެ މަތިން ސްކޯނުކުރެއްވުމުން ދެވަނަބުރަކަށް އިންތިޚާބީ ރޭސް ދިގުވެފައިވާކަމީ ހަމަކޮންމެ ދިވެހިރައްޔިތަކުވެސް ދަންނަ އަދި ފަސޭހަކަމާއިއެކު ޤަބޫލްކުރާ ޙަޤީޤަތެކޭ ދަންނަވަން ޖެހެއެވެ.

މިއަދު އަޅުގަނޑުމެންގެ ތެރޭގައި ދެބަސްވެ ޒުވާބުއުފެދިގެން މިއުޅެނީ ހަމަ ވަރަށް ކުޑަކުޑަ ސާދާ މައްސަލައެއްގައޭ ދެންނެވިދާނެއެވެ. އެއީ އަލްއުސްތާޛް މައުމޫން ޢަބުދުލް ޤައްޔޫމް ރިޔާސީ ރޭހުގެ ފުރަތަމަބުރުން %40 ށްވުރެ މަތިން ވޯޓްހޯއްދަވާފާ ވާއިރު އެމަނިކުފާނާ ދެކޮޅަށް މިރޭހުގައި ވާދަކުރެއްވި އެހެނިހެން ކެނޑިޑޭޓުން ގެެ މައްޗަށް %60 ވޯޓް ބެހިގެންގޮސްފާވާތީ އުފެދިގެން އުޅޭ ދެބަސްވުމެކެވެ.

އެއްބަޔަކު ކެނޑިނޭޅި ރައްޔިތުންނަށް ވިސްނައިދެވޭތޯ ބަލަމުންގެންދަނީ މުޅިވޯޓްގެ %40 ވޯޓް އެއްބޭފުޅަކަށް ލިބުމުން އޭގެމާނައަކީ ވާދަކުރެއްވި އެހެނިހެން ކެނޑިޓޭޓުންގެ ތެރެއިން ރައްޔިތުންގެ އެންމެބޮޑުމަޤުބޫލްކަމެއް ހޯއްދަވާ ފައިވާ ބޭފުޅަކީ އެ ޢަދަދަށް ވޯޓްހޯއްދެވި ބޭފުޅާކަމުގައެވެ. އަދި އެހެންއެއްވެސް ބޭފުޅަކަށް އެއަދަދަށް ސްކޯނުކުރެއްވުމުން އެހެން ހުރިހާ ބޭފުޅުން ވެސް އެވަނީ ފޭލްވެފައިކަމުގައި މިމީހުން ބުނަމުންގެންދެއެވެ. އަދި ވަޠަންއެދޭ ގޮތަކީ އެއީކަމުގައިވެސް އެމީހުން ރައްޔިތުންނަށް ހާމަކޮށްދެވޭތޯ މަސައްކަތް ކުރަމުން އެބަގެންދެއެވެ.

އިތުރަށްވިދާޅުވުމަށްް