ޙަފްޞީ ޢަބުދުﷲ / ލަންދޫ

ވަޠަންއެދެނީ ޤައުމަށް ފައިދާހުރި ކަންތައްތަކަށެވެ. ކުރިއެރުމާއި ތަރައްޤީއަށެވެ. ހެޔޮބަދަލުތަކަށެވެ. ހަމައެހެންމެ އާއުސްމިންތަކަށްވެސް ޤައުމު އެދޭކަމަށް އަޅުގަނޑު ޤަބޫލުކުރަމެވެ. އެހެނީ އަޅުގަނޑު ޤަބޫލުކުރާގޮތުގައި ކޮންމެ ގޮތަކަށް ޢިބާރާތްކުރި ނަމަވެސް މިކިޔަނީ އެއްވާހަކައެކެވެ. އިތުރުކުރިއެރުމާއި، ތަރައްޤީއާއި، ހެޔޮބަދަލުގެ ވާހަކައެވެ. ކަންކަން މިއަންނަނީ ބަދަލުވަމުންނެވެ. އަންނާނެކަމަށް އެންމެ ހީކުރަން ދަތި، ނުވަތަ ޤަބޫލުކުރަން ދަތި ބަދަލުވެސް މިއައީއެވެ. ތިރީސްއަހަރަށްފަހު އެހެން ޒަޢާމަތެއް ދެކުމުގެ ހުވަފެން ހަޤީޤަތަކަށް ވަނީއެވެ. ސަރުކާރު ބަދަލުވުމަށްފަހު، މިހާރު އެދެވެނީ ކަންކަން މިހާރަށްވުރެ ހެޔޮގޮތްތަކަކަށް ބަދަލުވެގެން ދިއުމަށެވެ. އެޔަޤީންކަން އަންނަމަހުގެ އެގާރަޗަނަ ދުވަހުން ފެށިގެން މިޤައުމުގެ ރައީސްކަމުގެ ޒިންމާއާ މަޞްއޫލިއްޔާތާ ހަވާލުވާ މުޙަންމަދު ނަޝީދާއި، އެމަނިކުފާންގުގެ ފަހަތުގައި ތިއްބެވި ޓީމުން އެދަނީ ދެމުންނެވެ.

އިތުރަށްވިދާޅުވުމަށްް