އަޅުގަނޑުގެ ހަނދާނުގައި ފަތަހަ އަކީ ލަންދޫގެ ވިޔަފާރީގެ ފެށުމެވެ. ލަންދޫ ރައްޔިތުންގެ ވިޔަފާރިއަކުން، ވިޔަފާރި ފެށުނު ނަމަވެސް، މިއަދު މުޅި ލަންދޫގައި ވިޔަފާރިވަނީ ތަރައްޤީވެ ފުޅާވެފައެވެ. އަށްސަތޭކަ ކޮންމެވެސް ވަރެއްވާ އާބާދީގަ މިއަދު ހަތް ފިހާރަ ހުރުމީ ހަޤީޤަތުގައިވެސް ބޮޑުކުރިއެރުމެކެވެ. ލަންދޫގެ ރައްޔިތުންގެ ކާމިޔާބީ ދައްކުވައިދޭ އަލިގަދަ ހެއްކެކެވެ. އެއަށްވުރެވެސް ބޮޑުކުރިއެރުމަކީ އަދި ހިތްހަމަ ޖެހުމަކީ މުދަލުގެ އަގެވެ. އަޅުގަނޑަށް ލިބިފައިވާ މައުލޫމާތަށް ބަލާއިރު، މާލޭގެ އެއްގަމު ފިހާރަތަކުން ލިބޭ އަގަށްވުރެ ލަންދޫގެ ފިހާރަތަކުން މުދާ ލިބޭ އަގު މިއަދު ވަނީ ހެޔޮވެފައެވެ. ނަތީޖާއަކީ މުދަލުގެ އަގަށް، ނާލުގެ އަގު އެއްކުރީމާ ޖެހޭ އަގަށް މުދާ ގެންދާކަށް މިއަދު ލަންދޫ ރައްޔިތުންނަކަށް ނުޖެހެއެވެ.މީގެ ސަބަބަކީ މިއަދު ލަންދޫގެ ވިޔަފާރިވެރިންގެ ތެރޭގައި ނާލާއި ނުލައި މުދާ ގެންގޮސް ވިއްކޭފަދަ ތަނަވަސް ވިޔަފާރިވެރިން ތިބުމެވެ. އެމީހުންނަށް ނާލުގެ އަގުއެއްކޮށްގެން މުދާވިއްކުމުގެ ފުރުޞަތު އޮވެމެ، ހެޔޮއަގުގައި ތަކެތި ވިއްކަމުން ދިއުމެވެ.

އިތުރަށްވިދާޅުވުމަށް