Email: moosa.goma@yahoo.com

ލިޔުނީ : މޫސާ ހުސެއިން ( މިހާސް ) ސ

އަޅުގަނޑަށް މިކިޔަނީ ކޮންއެއްޗެއްކަން ނޭގޭ އިރުވެސް ރަމަޟާން މަސް ގާތްވެއްޖެނަމަ
އެންމެގިނައިން އިވިގެންދާ އެއްއަޑަކީ " ރޯދަމަހާއި، ރޯއްޖާއޭ " ބުނާއަޑެވެ.
މިއަދު މިބުނަނީ ކީކޭކަން އެގި މިބުނުމާއި ދޭތެރޭ ވިސްނާލުމުން މިއީ ވަރަށް ބޮޑު ތެދު
ޙަޤީގަތެއްކަން އެގި ހާމަވެގެން ދެއެވެ.
ރަމަޟާން މަސް ހަމަ އައުމާއި އެކު އެކީގައި ކަހަލަ ގޮތަކަށް މަސްވެރިކަން ރަނގަޅުވެ،
ތިޔާގިވެގެން ދެއެވެ. މިދިޔަ އަހަރުގެ ކުރީ އަހަރު ބަހާރުގޭ މުޙައްމަދު މޫސާ ގެ ދޯނި މަސްބާނާ ފުރައިގެން އައިސް ރަށުގެ ކޮންމެ ގެއަކަށް ، މުލަރޯދައަށް ހާރުކެއުމަށް ގޮދައެއް ހިލޭ ހަދިޔާ ކުރިއިރު އޭގެ ކުރީ ދުވަސްތަކުގައި، ރަށަށް އެއްގޮތަކަށްވެސް މަހެއް ނުބާނައެވެ. އެކަމަމަކު މަސްބެހި ދުވަހުން ފެށިގެން ރޯދަމަސް ނިމެންދެކަށް މަހަށް ޖެހުމެއްނެތި އެމަހު ބޯކޮށް ރަށަށް މަސްބާނަމުން ދިޔައެވެ. ވޭތުވެދިޔަ އަހަރަކީ އަޅުގަނޑުގެ ހަޔާތުގައި މިރޮގުން މުޅިން އާ މައްޒަރުތަކެއް، އާ ކަންތައް،
ތަކެއް ފެނި ތަޖުރިބާ ކުރެވިގެން ދިޔަ އަހަރެކެވެ. މިދިޔަ އަހަރުގެ ރޯދަމަހު މަސްވެރިކަމުގެ ރޯއްޖަކަށް ވެގެން ދިޔައީ ހިބަރު މަހެވެ.ދުވާލެއްގެ މައްޗަށް ދޯންޔަކުން 40 ހިބަރު، 30 ހިބަރު އަދި 20 ހިބަރު ބާނައިގެން ރަށަށް އައިސްފައިވާތަން ފެނުމަކީ އަޅުގަނޑުގެ މުޅި ޢުމުރުގިވެސް މުޅިން އަލަށް ފެނިފައިވާ މަންޒަރު ތަކެކެވެ. މިދިޔަ އަހަރުގެ މުޅި ރޯދަމަސް ނިމެންދެކަށް މި ރޯދި އަޅުގަނޑުމެންނަށް ވަނީ މިންވަރު ކުރައްވާފައެވެ.
މިގޮތުން މިއަހަރުގެ ބަރަކާތްތެރި ރަމަޟާން މަހު ލިބިގެން ދާނީ މަހުގެ ކޮން، ކޮންނިޢުމަތެއް ބާވައެވެ. މާތްﷲ ޞުބުޙާނަޙޫ ވަތަޢާލައިގެކަށަ ކުޅަދުން ވަންތަކަމުގެ ބޮޑު ކަމާއެވެ.