އާސަރުކާރުގެކެބިނެޓްއިއުލާންކުރުންލަސްވަނީ

ޙަފްޞީޢަބުދުﷲ/ލަންދޫ

މިމަހުގެ އެގާރަވަނަ ދުވަހުން ފެށިގެން ރާއްޖޭގެ ރައީސުލް ޖުމްހޫރިއްޔާކަމަށް އިންތިޚާބުވެވަޑައިެގެންފައިވާ މުޙަންމަދު ނަޝީދުގެ ކެބިނެޓް އަދި އެކުލަވާނުލެވޭކަމަށް އެމަނިކުފާންގެ ތަރުޖަމާން ވިދާޅުވެއްޖެއެވެ. މިއަދު ނޫސްވެރިންނަށް މައުލޫމާތުދެއްވަމުން މުޙަންމަދު ނަޝީދުގެ ތަރުޖަމާން އިބްރާހީމް ހުސައިން ޒަކީ ވިދާޅުވީ އެމަސައްކަތް ކުރައްވަމުންދާކަމަށާއި، އަވަސްކުރެވޭތޯ ބައްލަވާކަމަށެވެ. " މިހާރު ކެބިނެޓް ހަމަޖެސުމުގެ ޕްރޮސެސް ކުރިއާ ތަފާތު. ރައްޔިތުންގެ މަޖިލީހުން ފާސްކުރަން ޖެހޭ. ރައްޔިތުންގެ މަޖިލީހުން ފާސްކޮސްދެއްވާނެކަމަށް އުއްމީދުކުރަން. އެހެންކަމުން ކެބިނެޓް އެކުލަވާލުމުގެ މަސައްކަތްވެސް އަވަސްކުރެވޭތޯ ބަލަމުން މިދަނީ. އެކުލަވާލެވުނުހާ އަވަހަކަށް ހާމަކުރާނަން. " ޒަކީ ވިދާޅުވިއެވެ.
އިތުރަށް ޒަކީ ވިދާޅުވީ ކެބިނެޓް އިއުލާންކުރުން އަދި ލަސްނުވާކަމަށާއި، ސަރުކާރުގެ ވުޒާރާތަކަށް އަންނަ ބަދަލުތައްވެސް ކެބިނެޓް އިއުލާންކުރާއިރު ހާމަކުރައްވާނެކަމަށެވެ. އެމް،ޑީ،ޕީ އިއްތިހާދުގެ ކެބިނެޓްކަމަށް ބުނެ އިއްޔެއިން ފެށިގެން ނަންތަކަކާއި، ވުޒާރާތަކެއް ދަނީ ޢާންމުންގެ މެދުގައި ބަދަލުކުރެވެމުންނެވެ. ނަމަވެސް އެމައުލޫމާތުތައް ޒަކީ ވަނީ ދޮގުކުރައްވާފައެވެ.