މިފަހަރުގެ އަތޮޅު ފުޓްބޯޅަ މުބާރާތުގައި ލަންދޫ އިން ލަންދޫ ޔޫތު އެންކަރޭޖިންގ ސޮސައިޓީއިން ( ލިޔެސް ) ބައިވެރިވާ ގޮތައް ހަމަޖެހިއްޖެއެވެ.
ވޭތުވެ ދިޔައަހަރު ފުރަތަމަ ފަހަރަށް މި މުބާރާތުގައި ވާދަކުރި " ލިޔެސް " ޖަމްޢިއްޔާއިން މިއަހަރުވެސް މިމުބާރާތުގައި ބައިވެރި ވުމަށް ނިންމީ އިއްޔެގެ ރޭ " ލިޔެސް " ޖަމްޢިއްޔާގެ ފަރާތުން ބޭއްވި މި ޖމަޢިއްޔާގެ އާއްމު މެމްބަރުންގެ ބައްދަލް ވުމަކުންނެވެ.
މި ޖަމްޢިއްޔާއިން މިވަގުތު ރަށުގައިތިބި 50 ހަކަށް މެމްބަރުން ހާޟިރުވި މިބައްދަލްވުމުން އަތޮޅު މުބާރާތުގައިބައިވެރި ވުމަށް ފެންނަކަމަށް އިއްތިފާޤު ވެފައިވެއެވެ.
އަތޮޅު މުބާރާތުގައި ފުރަތަމަ ފަހަރަށް މި ޖަމްޢިއްޔާއިން ހިތި ތަޖުރިބާ ތަކެއް ކުރަން ޖެހުނު ނަމަވެސް މި މުބާރާތުގައި މިއަހަރުވެސް ބައިވެރި ވުމަށް ނިންމީ މިހާތަނަށް ލަންދޫއިން މި މުބާރާތުގައި ހޯދާފައިވަ މަތިވެރި ކާމިޔާބުތައް ތަކުރާރުކޮށް ލަންދުއަށް ރީތި ނަމާއި ޝަރަފު ހޯދައި ދިނުމުގެ މަޤްޞަދުގައި ކަމަށް " ލިޔެސް " ޖަމްޢިއްޔާއިން މަޢުލޫމާތު ދެއްވައެވެ.


ލަންދޫ އިން ވޭތުވެ ދިޔައަހަރު ދެ ޓީމް ވަދަކޮށްފައި ވީނަމަވެސް މިފަހަރު ދެޓީމް ވާދަކުރާނެ ކަމަކަށް ނުފެނެއެވެ. އެއީ ލަންދޫގައި މިވަގުތު އެންމެ ރަނގަޅަށް ބޯޅަ ކުޅޭކަމަށް ފާހަގަ ކުރެވޭ ހުރިހާ ކުޅުންތެރިންވެސް " ލިޔެސް " ޖަމްޢިއްޔާއަށް ކުޅެން އެއްބަސްވެފައި ވާތީއެ.