ލަންދޫ އިންފޯ ވެބްސައިޓަށް ޒިޔާރަތް ކޮށްލެއްވުމަށް
Tuesday, 28 October 2008
ޤައުމަށް އިޚްލާސްތެރި ލީޑަރުންނަކީ...........
ލިޔުނީ : ނުހިގާގަލަމުން
އިންސާނީ ދަރިފަސްކޮޅު ބިންމަތީގައި ފެތުރިގަތުމާއި ހަމައިންފެށިގެން ﷲ ތަޢާލާ މިބިން ލައްވާފައިވަނީ ހައްގާއި ބާތިލާއިދެމެދު ކުރެވޭ ބޮޑުހަނގުރާމައެއްގެ މައިދާންކަމުގައެވެ. އެހެންކަމުން އިންސާނާ މިބިންމަތީގައި ލެއްވުމަށްފަހު މިވީކަމަށްބެލެވޭ 80’000 އަހަރުގެތެރޭގައި ދޭދޭފަރުދުންނާއި ޖަމާއަތްތަކާއި ބާގަތަކުގެމެދުގައި ވަރުގަދަ ލޭއޮހޮރުވުންތައް ހިނގާފައިވެއެވެ. އަޅުވެތިކަމާއި މިނިވަންކަމާއި،އަނިޔާވެރިކަމާއި ސުލްޙަ މަސަލަސްކަމާއި ހައިހޫނުކަމާއި ތަނަވަސްކަމާއި މިއިން ކޮންމެ މުނާޒިރާއަކީ އިސްވެދެންނެވި ގަދަ ދެބާރުގެމެދުގައި ކުރެވޭ ގަދަފަދަ ހަނގުރާމައިގެ ބައިތަކެވެ.މިހަނގުރާމައިގައި މިހާތަނަށްވަނީ ނަމްރޫދާއި ފިރްއައުނާއި އެލެގްޒެންޑްރާއާއި އާދުބާގަޔާއި ތަމޫދުބާގައާއި އައުޖޫޖު ވަމައުޖޫޖުބާގައިގެމީހުންފަދަ އެތައް އަނިޔާވެރިންނެއް ދައްކަވާފައެވެ. ހަމައެހެންމެ ހައްގުގައިތިބި ޒުލްގަރުނައިންއާއި، ކަހުފުބާގައިގެމީހުންނާއި ވަޅުގަނޑުތަކުގެ އަހުލުވެރިންނާއި މިފަދަ އެތައް ޣާޒީންނަކާއި ޝަހީދުންނަކާއި އިބްރަތެއް މިބިމުގެ ފަސްގަނޑުގެ ދާނުގައި ވަނީ ވަޅުލެވިފައެވެ.
0 ޚިޔާލު:
Post a Comment