ލިޔުނީ : މޫސާ ޙުސެއިން ( މިހާސް ) ސ

Email: moosa.goma@yahoo.com

ލަންދޫ ސްކޫލް ކުދިންގެ ހިތްތަކުގައި ، ކީރިތި ޤުރުއާނާއި މެދު ލޯބި އުފައްދައި، ޤުރުއާންކިޔެވުމަށް ޝައުޤުވެރި ކުރުވައި، ތަޖުވީދުގެ މަގުން ރަނގަޅަށް ޤުރުވާން ކިޔެވުމަށް ބާރު އެޅުވުމަށާއި، ޤުރުއާނަށް އަޙުލުވެރި ކުރުވުމުގެ މަޤްޞަދުގައި ލަންދޫ ސްކޫލުގައި ބޭއްވުމަށް ހަމަޖެހިފައިވާ ކީރިތި ޤުރުއާން ކިޔެވުމުގެ މުބާރާތައް ދަރިވަރުން ވަރަށް ބޮޑަށް ތައްޔާރުވަމުން އެބަދެއެވެ. މިގޮތުން ބައެއް ދަރިވަރުން ރަށުގައި ތިއްބެވި ޤުރުވާން ރަނގަޅަށް ކިޔަވާ ބޭފުޅުން ގާތައްގޮސްގެން ފަރިތަ ކުރަމުން ދާއިރު އަނެއްބައި ދަރިވަރުން ދަނީ މާލެއިން ޤްރުއާން ސީ،ޑީ ފަދަ ތަކެތި ގެނެސްގެން އެތަކެތީގެ ބޭނުން ހިފައިގެން މި މުބާރާތައް ތައްޔާރު ވަމުންނެވެ. ރަމަޟާން މަހަށް ޚާއްޞަ ކުރެވިގެން މިދިޔަ އަހަރު ބާއްވަން ފެށުނު މި މުބާރާތް ރާވާލެވިފައިވަނީ ތަފާތު ޢުމުރުފުރާ ތަކަކަށް ބަހާލެވިގެން ބަލައިގެން ކިޔެވުމުގެ ބަޔާއި، ނުބަލާ ކިޔެވުމުގެ ބައި ވަކިން ކުރިއަށް ގެންދާ ގޮތަށެވެ. މި މުބާރާތް މިއަހަރުވެސް ބޭއްވުމަށް ހަމަޖެހިފައިވަނީ ރަމަޟާން މަހުގެ ފަހު ދިހައިގައި
ކަމުން މި މަހުގެ 10 އާއި ހިސާބަށް ވަނީ މުބާރާތުގައި ބައިވެރި ވުމުގެ ދޮރު ހުޅުވާލެވިފައެވެ. ؟